JOHAN 19:26 - Pathien Lekhabu Inthieng (BSI)

²⁶ Chun, Isûn a nu le a inchûktir a ihmangai kha a kâwla ngir a hmu a, a nu kuomah, “Nuhmei, en ta, i naupa kha!” a ta.

JOHAN 19:26 Iomraidhean Croise

JOHAN 13:23

Chun, a închûktirhai laia pakhat, Isûn a ihmangai chu, Isu hnai takah ama innghâiin a ṭhung a.

JOHAN 2:4

Isu chun a kuomah, “Nuhmei, nanga mi lo hrietpêk ding ieng am a um a? ka hun a la tlung nawh,” a ta.

JOHAN 20:2

Chuongchun, a tlân a, Simon Peter le inchûktir dang Isûn a ihmangai kuoma chun a hung a, an kuomah, “Thlâna inthawk khan Lalpa chu an fe hmangpui tah, an siena chin hrim kan hriet nawh,” a ta.

JOHAN 21:20

Chun, Peter chu a ngha a, Isûn inchûktir a ihmangai, zânbu fâk laia a âwm hnenga hung thlea, “ân mantirtu ding che chu tu tak am nîng a ta?” titu khan a hung zui a hmu a.

JOHAN 21:24

Chu inchûktir chu hieng thu ziektu le inhriettirtu hi a nih; a thu inhriettir hi indiktak a nih ti ei hriet.

JOHAN 21:7

Chuongchun, inchûktir Isûn a ihmangai khan Peter kuomah, “Lalpa a ni saw,” a ta. Chuongchun, Lalpa a nih ti Simon Peter chun a hriet phingleh, a silfên ân bel a, (ruoka um a ni si a,) dîlah ân châwm thla ta a.