JOHAN 19:18 - Pathien Lekhabu Inthieng (BSI)

¹⁸ Chutaka chun ama chu krawsah an hemde a, mi dang pahni khawm krawsah an hemde bawk a, a sîr tuokah pakhat ve vein, a laiah Isu.

JOHAN 19:18 Iomraidhean Croise

INPÂKNA HLABU 22:16

Uihai chun an mîn huolvêl si a, Thil ṭha naw thawtu um khâwmhai chun an mîn huol tlat a, Ka kut le ka kehai hi an sukpawp a.

ISAI 53:12

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, bawsetuhai ta ding chun a ṭawngṭaipêk a.

MATTHAI 27:44

Suomhmang an hemde vehai khawm chun, chuong ang bawkin an ti el ve a.

JOHAN 18:32

(A thizie ding thu, Isûn a hril anga, a tlungna dingin).

JOHAN 19:32

Chun, sipaihai chu an hung a, a kuoma krawsa an hemde a tawntira mi le mi dang chu an kehai an suktliek a.

THILTHAWHAI 2:23

Nangni ngeiin in hriet ang khan; kha mipa kha Pathien rêl tlat le hriet lâwk angin an inmantir a, nangnîn mi suolhai kutin krawsah in hemde a, in sukhlum ta a.

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok ta a; (“Thinga khaikâng taphawt chu ṭawngsephur an nih,” ti ziek a ni si a).

HEBRAIHAI 12:2

Isu ei ringna siemtu le sukfamkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung ta a.