JOHAN 19:15 - Pathien Lekhabu Inthieng (BSI)

¹⁵ Chun, anni chu an khêk a, “Sukbohmang rawh, sukbohmang rawh, krawsah hemde rawh,” an ta. Pilatin an kuomah, “In lal hi krawsah hemdêng ka ti maw?” a ta. Thiempu Lalhaiin, “Kaisar naw chu lal dang kan nei nawh,” an ta, an dawn a.

JOHAN 19:15 Iomraidhean Croise

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

MATTHAI 22:17

Chuongchun, ieng angin am i ngai a? mi hril raw khai! Kaisar kuomah sie chawi hi a thieng am, a thieng naw?” an ta.

LUKA 23:18

Nisienlakhawm, inruoltakin an khêk a, “Hi mipa hi chu sukbohmang la, Barabba kha mîn suopêk lem rawh,” an ta.

JOHAN 18:31

Pilat chun an kuomah, “Nangnîn ṭhuoi unla, in dân angin a thu rêl ro,” a ta. Judahai chun a kuomah, “Keini thu chun tukhawm sukhlum dân a ni nawh,” an ta.

JOHAN 19:6

Chun, thiempu lalhai le manmihai chun ama an hmu phingleh an khêk a, “Krawsah hemde rawh, krawsah hemde rawh,” an ta. Pilatin an kuomah, “Nangnîn fepui unla, krawsah hemde ro; kei chu ieng khawm a suolna ka hmu si nawh,” a ta.

THILTHAWHAI 13:28

A thina khawp meu a chungah iengkhawm an hmu naw khawmin, Pilat kuomah sukhlum an ngên a.

THILTHAWHAI 21:36

mi po poin, “Sukbohmang ro” tia khêkin an zui hut hut si a.

THILTHAWHAI 22:22

Chun, chu thu chen chun an ngai a, rawl inringtakin, “Mi hieng ang hrep hi, khawvêla inthawkin sukbohmang ro, hring tlâk khawm a ni nawh,” an ti ta a.