JOHAN 18:20 - Pathien Lekhabu Inthieng (BSI)

²⁰ Isûn a dawn a, a kuomah, “Khawvêl kuomah, tlâng hrietah thu ka hril hlak kha; inkhâwmna in le, Pathien biekin, Juda po po um khâwmnaahai chun, kân chûktir rawp hlak kha, iengkhawm arûkin ka hril nawh.

JOHAN 18:20 Iomraidhean Croise

INPÂKNA HLABU 22:22

Ka unauhai kuomah i hming hril ka ta, Inkhâwmhai laia chun inpâk ka ti che.

INPÂKNA HLABU 40:9

Inkhâwmna ropuitaka chun felna chanchin ṭha ka khêkpui a, Aw Lalpa, ngai ta, Ka bau hi inro naw ning ti i hriet deh.

ISAI 45:19

Inrûkin, ram inthim hmunah thu ka hril ngai naw a, Jakob thlahai kuomah, ‘Iengkhawm lovah mi zawng ro,’ ka ti ngai nawh: kei Lalpa hin felna thu ka hril hlak a, thu indiktakhai chu ka hril hlak.

ISAI 48:16

Nangnirawi hin mi hung hnai unla, lo ngai ro; a tira inthawk khan arûkin thu ka hril ngai naw a; a um tîr laia inthawk khan chutaka chun ka um a; tuhin Lalpa Pathien chun keima le a thlarau chu a mi tir ta a.

MATTHAI 24:26

Chuongchun, in kuomah, ‘Ngai ta u, thlalêrah a um,’ an ti cheu chun fe suok naw ro, ‘Pindan sûngrilah a um,’ an ti cheu chun awi nuom naw ro.

MATTHAI 26:55

Chu lai chun, Isûn mipuihai kuoma chun, “Kâwlhnâmhai, hembâwkhai châwiin suomhmang man ding ang elin a mi man dingin in hung suok a ni maw? Pathien biekinah ni tin inchûktirin ka ṭhung hlak a, in mi man si naw a.

MATTHAI 26:65

Chun, Thiempu Laltak chun a silfênhai a keithlêr a, “Pathien a hrilsiet tah; hretu dang iengdingin am ngai tâng ei ta? Ngai ta u, Pathien a hrilsietzie chu tuhin in hriet tah. Iengtin am in ngai a?” a ta.

MATTHAI 4:23

Chun, Isûn an inkhawmna inhaia inchûktirin, ram Chanchin Ṭha chu hrilin mihai laia natna tinrêng le hrât nawna tinrêng sukdamin Galili ram po po a fang pei a.

MATTHAI 9:35

Chun, Isûn an inkhâwmna inhaia inchûktirin, Ram Chanchin Ṭha chu hrilin, damnawna tinrêng le, natna tinrênghai sukdamin khaw lien le khaw chînhai po po a fang pei a.

MARKA 8:32

Chuong thu chu chiengtakin a hril a. Chun, Peter chun ama chu a tumin a ṭhuoi a, a kâwk a.

LUKA 21:37

Chun, ni tin Pathien biekinah ân chûktir hlak a; zân tin a suok a, Oliv tlâng an tia chun a riek hlak.

LUKA 4:15

Chun, an inkhâwmna inahai ân chûktir pei a, mi po po inpâkin a um a.

JOHAN 18:21

Iengdinga kei i mîn dawn am? An kuomah ka thu hrilzie chu ka thu hretuhai indawn rawh; ngai rawh, chuonghai chun ka thu hril chu an hriet annâwm,” a ta.

JOHAN 6:59

Chuong thu chu inkhâwmna inah a hril a, Kapernauma ân chûktir lai khan.

JOHAN 7:14

Chun, ruoiṭhe ṭhat lai takin, Isu Pathien biekinah a hang fe a, ân chûktir a.

JOHAN 7:26

En ta u, ân langin thu a hril a, a kuomah iengkhawm an hril si nawh. Ama hi Krista a ni ti hotuhaiin an hriet tak tak am a ni tah aw?

JOHAN 7:28

Chuong lei chun Isûn Pathien biekina ân chûktir malamin a khêk a, “Nangnîn in mi hriet, ka piengna chin khawm in hriet deh. Nisienlakhawm mâni thua hung ka ni nawh, a mi tirtu hi mi tak zet a nih, ama chu in hriet si nawh.

JOHAN 7:4

Tûkhawmin mâni hming inthang nuom siin arûkin thil iengkhawm an thaw nawh. Hieng thilhai hi i thaw tak zet chun, khawvêl kâwlah inentir rawh,” an ta.

JOHAN 8:2

Chun, zingkâr inhmatakin Pathien biekinah a lût nâwk a, mi po po a kuomah an hung a; chun, ama chu a ṭhung a, anni ân chûktir a.

JOHAN 8:26

Nangni chungchâng thua hin thil tamtak hril ding le ngaituo ding ka nei; ieng khawm ni raw se, a mi tirtu chu mi indiktak a nih; a kuoma inthawka thu ka hriet taphawt khawvêl kuomah ka hril hi,” a ta.

THILTHAWHAI 26:26

Hieng thu hi lal hin a hriet annâwm, a kuoma khawm ṭi lovin ka hril hi; hieng thil hi a kuomah iengkhawm ip a ni nawh ti indiktakin ka hriet deh, hieng hi in kila thaw a ni si naw a.