JOHAN 17:26 - Pathien Lekhabu Inthieng (BSI)

²⁶ Chun, an kuomah i hming kân hriettir a, inhriettir nâwk rawp ka tih; nangin kei i mi hmangaina kha anniah a um a, kei khawm annia ka um theina dingin,” a ta.

JOHAN 17:26 Iomraidhean Croise

INPÂKNA HLABU 22:22

Ka unauhai kuomah i hming hril ka ta, Inkhâwmhai laia chun inpâk ka ti che.

JOHAN 14:20

Chu nia chun kei ka Paa ka um dâm, nangni keimaa in um dâm, kei nangnia ka um dâm hre tâng in tih.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

JOHAN 15:15

Suok ti nâwk ta naw ning cheu; a pu thilthaw suok chun a hriet si nawh; ruolhai ka ti ta lem cheu a nih. Pa kuoma inthawka thil ka hriet po po in kuomah ka puong ta si a.

JOHAN 15:4

Keimaah um zing ro, kei khawm nangniah um zing ka tih. Kâu chu grêp hruiah a um zing naw chun a khâtin a ra thei naw ang bawkin, nangni khawm keimaah in um zing naw chun ra thei naw ti niu.

JOHAN 15:9

“Pain a mi hmangai ang bawkin kei khawmin ka hmangai cheu hi; ka ihmangaiin um zing ro.

JOHAN 17:23

kei anniah, nang keimaah, anni pumkhata an um a, an famkim theina dingin, nangin kei i mi tir ti le, i mi hmangai angin anni hi i hmangai ti, khawvêlin an hriet theina dingin.

JOHAN 17:6

“Nangin khawvêla inthawka mî i mi pêkhai kuoma khan i hming ka suklang tah. Anni chu i ta an ni tah, nangin anni chu kei i mi pêk ta a, anni chun i thu an zâwm tah:

JOHAN 17:8

Nangin thu i mi pêkhai kha an kuoma ka pêk ta si a; chuong chu an vawn a, i kuoma inthawka suok ka nih ti indiktakin an hriet tah, nangin i mi tir ti khawm an awi tah.

JOHAN 6:56

Tûkhawm ka taksa faa, ka thisen dâwn chu, keimaah a um zing hlak, kei khawm amaah ka um zing hlak.

JOHAN 8:50

Mâni mawina zawng ka ni nawh; a zawngtu le a ngaituotu mi pakhat a um a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:10

Krista chu nangniah a um ruok chun, in taksa chu suolna leia thi khawm ni sien, Pathiena thiem changa um in ni leiin in thlarau chu a hring a nih.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

1 KORINTH 12:12

Taksa hi pakhat a na, pêng tamtak a nei a, taksa pênghai po po chu tam hai sienkhawm taksa pumkhat an ni si a; Krista chu chuong ang bawk chu a nih.

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

EPHESI 5:30

Kristain kohran a châwma a duot ang hin; a taksa pênghai ei ni si a.

EPHESI 5:32

Chu thurûk chu a ropui a nih; nisienlakhawm, kei chun Krista le kohran thu ka hrilna a nih.

KOLOSSA 1:27

Chuonghai kuoma chun Jentailhai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

KOLOSSA 2:10

Amaa chun in famkim ta bawk a, ama chu inlalna le thuneina po po lu a nih.

KOLOSSA 3:11

chutaka chun Grik mi le Juda mi, sertan le tan lo, hnamchawm dâm, Skuthia mi dâm, suok dâm, suok naw dâm khawm an um thei nawh, Krista chu iengkim ni lemin, iengkimah a um bawk a nih.

2 THESSALONIKA 2:16

Chuongchun, ei Lalpa Isu Krista ngei le, Pathien ei Pa, a mi hmangaitu le lunginsietna leia chatuona thlamuongna le beiseina ṭha mi petu chun,

HEBRAIHAI 2:12

“Ka unauhai lai i hming hril ka ta, Um khâwmhai laia chun, Hla sakin inpâk ka ti che,”tiin.

1 JOHAN 3:24

A thupêkhai zâwm chu amaah a um zing a, ama khawm chu amaah a um zing bawk a nih. Chun, hitaka hin ama chu einiah a um zing ti ei hriet, Thlarau a mi pêka hin.