JOHAN 17:15 - Pathien Lekhabu Inthieng (BSI)

¹⁵ “Anni chu khawvêla inthawka la suok dinga ngen che ka ni naw a, mi suol laka hum dingin ka ngên lem che a nih.

JOHAN 17:15 Iomraidhean Croise

INṬANNA 48:16

suol po poa inthawka a mîn tlantu vântirko chun naupanghai hi malsâwm raw se; chun ka hming le a mi thlatu Abraham le Isak hming chu anni hmingah put raw se: chun, hnuoia hin mipui nasatak hung ni dingin hung pung raw hai se,” a ti a.

1 CHANCHIN SUINA 4:10

Jabez chun Israel Pathien chu, “Ka lungngai nawna dinga thil ṭhanawa inthawka mi vêngin, i kut chu ka chunga a um theina dingin, nangin mal mi hung sâwmin, ka ramrihai chu hung suklien ngei i tih,” tiin a ko a. Pathien chun a hni chu a phalpêk ta a.

INPÂKNA HLABU 121:7

Lalpa chun suol tinrênga inthawk chun vêng a ti che a, I hringna chu vêng a tih.

INPÂKNA HLABU 30:9

Khur sûnga ka zu ṭum chun ka thisena hin hlâwkna ieng am um a ta? Pilvut chun ân pâk ding che am a nih? I thutak chu ân hriettir ding am a nih?

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna amanih, sinthawna amanih a um ta si naw a.

ISAI 57:1

Mi fel chu an bohmang hlak a, tukhawma an lungrilin an ngaituo ngai naw a, Pathien ngaisak mihai khawm lâk hmangin an um hlak a; mi fel chu thil ṭha lo hung tlung dinga inthawka lâk hmang an ni hlak ti tukhawma an ngaituo bawk naw a.

MATTHAI 5:37

‘A nih,’ in ti chu ‘a nih,’ ni sienla, ‘A ni nawh’ in ti chu ‘a ni nawh’ ni el raw se, chuonghai bâk chu suola inthawka suok a nih.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chun mi sanhim lem rawh. “Ramhai, thilthawtheinahai, ropuinahai, chatuona i ta a ni si a, Amen.

LUKA 11:4

Kan suolhai mi ngaidam la, Keini khawmin kan chunga thil suksuoltuhai kan ngaidam hlak angin. Thlêmnaa chun mi ṭhuoi lût naw rawh,’ tiin,” a ta.

LUKA 22:32

nisienlakhawm, i ringna a bo nawna dingin ka ṭawngṭaipêk che a nih, i ngha kîr nâwk pha nangin i unauhai sukdet rawh,” a ta.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pêk ta si a;

2 THESSALONIKA 3:3

Amiruokchu, Lalpa chu ring a um a, ama chun sukdetin mi suolhai lai chun hum a ti cheu.

2 TIMOTHE 4:8

Tuhin chu felna lallukhum chu ka ta dingin siein a um ta a, chu chu Lalpa, ngaituotu feltak chun chu nia chun mi pêng a tih; ka kuoma chau ni lovin, a hung inlang nâwkna ngaituhai po kuoma khawm.

1 JOHAN 5:18

Tûkhawm Pathien inei chun thil a suk suol zing ngai nawh ti ei hriet; Pathien inei khan ama chu a hum zing a; Mi suol chun a tâwk thei nawh.

1 JOHAN 5:19

Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.