JOHAN 16:7 - Pathien Lekhabu Inthieng (BSI)

⁷ “Nisienlakhawm, thu indiktak ka hril cheu hi, ka fe in ta dingin a ṭha; ka fe naw chun Thlamuongtu chu in kuomah a hung naw ding a ni si a; kei ka fe ruok chun in kuomah hung tir ka tih.

JOHAN 16:7 Iomraidhean Croise

INPÂKNA HLABU 68:18

Nang chu chungtieng i hang fe a, i manhai chu salah i ṭhuoi a, Mihriemhai lai chun thilpêkhai i dawng a, Anih, helhmanghai lai khawm, Lalpa Pathien chu an kuoma a um theina dingin.

LUKA 24:49

Chun, ngai ta u, ka Pa thil tiem chu in chungah ka hung tir ding a nih; nisienlakhawm, chung tienga inthawka thilthawtheinaa inthuom in ni hmakhat chu khawpuia hin um zing ro,” a ta.

LUKA 4:25

Chuongchun, indiktakin ka hril cheu, Elija dam laia kum thum le thla ruk vân a ping a, khawvêla ṭâm nasatak a hung tla khan, Israel ramah hmeithai tamtak an um a;

LUKA 9:27

Indiktakin ka hril cheu hi, hitaka ngîrhai a ṭhen hi Pathien ram an hmu hmakhat chun thina intem tawp lo ding an um,” a ta.

JOHAN 14:26

Chun, Thlamuongtu, Thlarau Inthieng, Pain ka hminga a hung tir ding khan, ama chun iengkim inchûktir a ti cheu a, in kuoma ka hril po po kha inhriet suoktir nâwk a ti cheu.

JOHAN 14:28

‘Ka fe hmang ding a na, in kuomah hung nâwk ka tih’, ka tizie cheu kha in hriet tah. Nangnîn mi hmangai ni unla Pa kuoma ka fe ding a ni leiin in lâwm ding a nih; Pa chu keia nêkin a ropui lem si a.

JOHAN 14:3

Chun, in ta dinga hmun ka hang siem chun hung kîr nâwk ka ta, ka kuomah lâng ka ti cheu; ka umnaah nangni khawm in um theina dingin.

JOHAN 15:26

“Chun, ka Pa kuoma inthawka Thlamuongtu in kuoma ka hung tir ding, Paa suok Thlarau indiktak chu, a hung tlung pha, ama chun ka thu inhriettir a tih;

JOHAN 16:8

Ama chu a hung tlung chun suol thua dâm, fel thua dâm, rorêl thua dâm khawvêl an thiemnaw inhriettir a tih;

JOHAN 7:39

(Chuong thu chu ama ringtuhaiin Thlarau an nei dingzie thu a hrilna a nih; Thlarau chu pêk a la ni hri nawh, Isu chu chawimawia a la um hri naw leiin.)

THILTHAWHAI 10:34

Peter chun a hril a, “Pathienin mi ditsak bîk a nei nawh ti indiktakin ka hriet;

THILTHAWHAI 2:33

Pathien kut changtienga chawimawiin a um a, Thlarau Inthieng tiem chu Pa kuoma inthawkin a hmu a, tuta in hmu le in hriet hi a hung buok tah a ni hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:28

Chun, Pathien hmangaituhai amain a ruot anga a kohai ta ding chun, an ṭhatna dingin iengkimin a thawpêk hlak ti ei hriet a.

2 KORINTH 4:17

Kan rinum nêptak, hi mit inkhap kâr chaua um ding hin ropuina nasatak, kumkhuoa dingin a mi siem pêk nasa deu deu a nih;