JOHAN 16:24 - Pathien Lekhabu Inthieng (BSI)

²⁴ Tu chen hin keia hmingin iengkhawm in la hni nawh; hni ro, chuongchun hmûng in tih, in lâwm a kimna dingin.

JOHAN 16:24 Iomraidhean Croise

INṬANNA 32:9

Chun, Jakob bawk chun, “Aw ka pu Abraham Pathien, ka pa Isak Pathien, aw Lalpa, ‘I ram tieng le i laibunghai lai fe nâwk ta rawh, chuongchun, siem ṭhâng ka ti che’ mi titu,

1 LALHAI 18:36

Chun, zântienga inthâwi hun lai chun zâwlnei Elija chun a va pan hnai a, “Aw Lalpa, Abraham hai, Isaak hai, Israel hai Pathien, nang hi Israel rama Pathien i ni le, kei hi i siehlaw ka na, hieng po po hi nangma thua thaw ka ni ti vawisûn hin hre tâwl raw hai se.

2 LALHAI 19:15

Chun, Hezekia chu Lalpa hmaah a ṭawngṭai a, “Aw Lalpa, cherubhai chunga ṭhung, Israel Pathien, nang, nang chau hi hnuoi chung ram po po Pathien chu i nih; hnuoi le vân hi nangma siem a nih.

MATTHAI 6:9

“Chuongchun, nangni chu hieng ang hin ṭawngṭai ro: Kan Pa vâna mi, I hming inzaum raw se, I ram hung tlung raw se.

JOHAN 14:1

“In lungril lunginzîng naw raw se; Pathien in ring, kei khawm mi ring ve ro.

JOHAN 14:14

Nangnîn keia hmingin iengkhawm in mi hni chun, chu chu thaw pei ka tih.

JOHAN 15:11

Ka lâwm nangnia a um zingna ding le, in lâwm a kimna dingin hieng thu hi in kuomah ka hril hi.

JOHAN 16:23

Chu ni chun nangnîn kei iengkhawm mîn dawn naw ti niu. Titakzetin, titakzetin ka hril cheu hi, Pa kuomah in hni taphawt chu ka hmingin pêng a ti cheu.

JOHAN 3:29

Moneitu chu a pasal chu a nih; nisienlakhawm, pasal ṭhien ngîr puma a thu hretu chu, pasal râwl leiin a lâwm bêk bêk hlak; hi ka lâwmna a tlung tah a ni hi.

2 THESSALONIKA 1:2

Pa Pathien le Lalpa Isu Krista kuoma inthawka lunginsietna le inremna in kuomah um raw se.

2 JOHAN 1:12

In kuomah thu tamtak hril ding ka nei leiin lekha le lekhatuiin ziek ka nuom nawh; in lâwm a kim theina dingin, in kuoma hunga, inhmatuoa inbiek ka beisei lem a nih.