JOHAN 16:22 - Pathien Lekhabu Inthieng (BSI)

²² Chun, tuhin nangni in lungngai, nisienlakhawm, hmu nâwk ka ti cheu a, in lungril lâwm a tih, in lâwm chu tukhawmin lâkpêk naw ni hai cheu.

JOHAN 16:22 Iomraidhean Croise

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga t haw amani khawm ni sien, angkhat a nih.

INPÂKNA HLABU 146:2

Ka dam sûng po chun Lalpa chu inpâk ka ta, Ka hring sûng po chun ka Pathien inpâkin hla sak ka tih.

INPÂKNA HLABU 33:21

Amaa chun ei lungril hi a hlim ding a nih, A hming inthieng ei ring leiin.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

JEREMIA 31:12

Chun, hung an ta, Zion tlâng insângna laiahai chun hla hung sak an ta; Lalpa ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

MATTHAI 28:8

Chun, ṭi le lâwm bêk bêk pumin thlâna inthawk chun an fe vat vat a, a închûktirhai hril dingin an tlân ta a.

LUKA 10:42

thil pakhat chau a pawimaw; Mariin chan ṭha a thlang a, chu chu lâkpêk ding a ni nawh,” a ta, a dawn a.

LUKA 16:25

“Nisienlakhawm, Abrahamin, ‘Ka naupa, i dam lai khan thil ṭha i hmu a, chuong ang bawkin Lazarin thil ṭha naw a hmu kha hre zing ta la; nisienlakhawm, ama chu tuhin hitaka hin thlamuongtakin a um a, nang chu i na a ni kha.

LUKA 19:26

‘Ka ti cheu hi, a nei taphawt chu pe belsâng an ta, a nei naw chu a nei sun khawm chu lâkpêk an tih.

LUKA 24:41

Chun, an lâwm taluo leiin an la awi naw ta rawp a; mak an ti sûngin an kuomah, “Hitaka hin iengkhat fâk ding in nei am?” a ta.

JOHAN 14:1

“In lungril lunginzîng naw raw se; Pathien in ring, kei khawm mi ring ve ro.

JOHAN 14:19

Sâwt nawtê hnungah khawvêlin mi hmu nâwk ta naw ni, nisienlakhawm, nangni chun mi hmûng in tih; kei ka hring leiin nangni khawm hring in tih.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

JOHAN 16:16

“Sâwt nawtêah nangnîn kei mi hmu naw ti niu a, sâwt nawtêa bawk nangnîn kei mi hmu nâwk in tih,” a ta.

JOHAN 16:20

Titakzetin, ka hril cheu hi, nangni in mitthli tlâng a ta, ṭap rak bawk in ta, khawvêl ruok chu lâwm an tih, nangni lungngai in ta, nisienlakhawm, in lungngai chu lâwmin inchang a tih.

JOHAN 16:6

Nisienlakhawm, hieng thu hi in kuomah ka hril leiin in lungril chu lungngaiin a sip ṭeu lem ta a.

JOHAN 21:7

Chuongchun, inchûktir Isûn a ihmangai khan Peter kuomah, “Lalpa a ni saw,” a ta. Chuongchun, Lalpa a nih ti Simon Peter chun a hriet phingleh, a silfên ân bel a, (ruoka um a ni si a,) dîlah ân châwm thla ta a.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

THILTHAWHAI 13:52

Chun, închûktirhai chu lâwmna le Thlarau Inthiengin an sip tâwl a.

THILTHAWHAI 16:25

Nisienlakhawm, zân rila chun, Paula le Sila chu Pathien kuomah an ṭawngṭai a, hla an sak a, intânghai chun an ngai a;

THILTHAWHAI 2:46

Ni tin lungril hmunkhatin Pathien biekina chun ṭhahnemngaitakin an um hlak a, an in tieng khawm bei an khawi a, hlimtak le lungawitakin bu an fâk hlak a.

THILTHAWHAI 5:41

Chuongchun, rorêltuhai laia inthawk chun an suok a, chu hming leia muolphona tuor tlâka ruot an ni leiin an lâwm hle a.

2 KORINTH 6:10

lungngai angin, nisienlakhawm, lâwm rawp siin; pasie angin, nisienlakhawm, mi tamtak sukhausa siin; iengkhawm neilo angin, iengkim hau siin.

2 THESSALONIKA 2:16

Chuongchun, ei Lalpa Isu Krista ngei le, Pathien ei Pa, a mi hmangaitu le lunginsietna leia chatuona thlamuongna le beiseina ṭha mi petu chun,

HEBRAIHAI 10:34

Kawlbunhai chu in lainat a, thil ṭha lem, um sawng bawk ding chu, mâniin in nei ti hrein, in thilneihai lâkpêka in umnaa khawm lâwmtakin in lo tuor ta a.

HEBRAIHAI 6:18

Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai infuina nasatak ei nei theina dingin.

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;