JOHAN 15:7 - Pathien Lekhabu Inthieng (BSI)

⁷ Nangni keimaa in um zing a, ka thu nangnia a um zing chun, in dit dit hni ro, in ta dingin thawin um pei a tih.

JOHAN 15:7 Iomraidhean Croise

1 LALHAI 3:5

Chun, Gibeon khuoa chun zânah Lalpa chu Solomon kuomah a mangah a hung inlâr a; chun, Pathienin, “Hni ta, ieng am a na ka pêk ding che?” a ta.

JOB LEKHABU (THE BOOK OF JOB) 22:26

Chun, nang chu Iengkimthawtheia chun hlim tâng i ta, Chun, i hmai chu Pathien tieng ngha tâng i tih.

JOB LEKHABU (THE BOOK OF JOB) 23:12

A hmûrhaia inthawka thupêkhaia inthawk chun ka fe pêt ngai naw a, Ka fâk ding pawimaw nêka nasa lemin a baua thuhai chu ka sie khâwl lem a.

INPÂKNA HLABU 119:11

I chunga thil ka suksuol nawna dingin, I thu chu ka lungrilah kân khâwl khâwm a.

INPÂKNA HLABU 37:4

Lalpa chunga chun lâwm bawk la, Chuongchun, i lungril dit zâwnghai chu pêng a ti che.

THUVARHAI 10:24

Mi khawhlo ṭitna chu ama chung ngeiah hung tlung a ta, Mi fel ditna chu inhlawtlingtir nîng a tih.

THUVARHAI 4:4

Chun, a mîn chûktir a, ka kuomah a hril a, “Ka thuhai hi i lungril invawngtir zing la; Ka thupêkhai hi vawng la, hring rawh;

ISAI 58:8

“Chu pha chun i var chu zîng nisa suok angin hung suok a ta, i damna ding chu hung inder suok vak a tih; i felna chun i hma ṭhuoi a ta; Lalpa ropuina chu i hnung dâltu nîng a tih.

JEREMIA 15:16

I thuhai chu hmu suok a ni ta a; chuong chu ka fâk a; chuongchun, i thuhai chu ka lungrila hlimna le, ka ta dinga lâwmna a nih; Aw Lalpa sipaihai Pathien, i hming chawia ko ka ni si a.

MATTHAI 7:7

“Hni ro, chuongchun, pêkin um in tih; zawng ro, chuongchun, hmûng in tih;

JOHAN 14:13

Chun, keia hminga iengkhawm in hni taphawt chu, thaw pei ka tih, Pa, Naupa leia chawimawia a um theina dingin.

JOHAN 15:16

Nangnîn in mi thlang naw a, keiin ka thlang lem cheu a nih. Fea, ra insuo ding le in ra chu um zing dingin ka ruot cheu a nih, ka hminga Pa kuoma in hni taphawt a pêk theina ding cheuin.

JOHAN 16:23

Chu ni chun nangnîn kei iengkhawm mîn dawn naw ti niu. Titakzetin, titakzetin ka hril cheu hi, Pa kuomah in hni taphawt chu ka hmingin pêng a ti cheu.

JOHAN 8:31

Chuongchun, Isûn a ringtu Judahai kuoma chun, “Ka thua in um zing chun, ka inchûktirhai ni taktak in tih;

JOHAN 8:37

Abraham thlahai in nih ti ka hriet deh; ni unla khawm mi that in tum si, ka thu hin in lungrilah umna a nei naw leiin.

GALATI 4:2

A pa ruot hun chu a hung tlung hmakhat chu vêngtu le enkawltuhai hnuoiah a um lem a nih.

GALATI 5:16

Chuongchun, hi hi ka ti a nih: Thlarauah um ro; chuongchun, tisa châkna chu in zâwm naw ding annâwm.

DÂN PAHNINA 6:6

Chun, hieng thu, vawisûna ka pêk cheu hi in lungrilah châm zing a ta,

KOLOSSA 3:16

Krista thu chu varna tinrêngin nangnia chun um ṭeu raw se; inpâkna hla dâm, Pathien hla dâm, thlarau tieng hla dâma inchûktirin inkâwk tuo unla, lungrila lâwmna neiin Pathien chu hla sakpêk ro.

1 JOHAN 2:14

Nauhai, Pa chu in hriet leiin in kuomah ka ziek a ni kha. Pahai, ama a tîra inthawka um zing chu in hriet leiin in kuomah ka ziek a ni kha. Ruoltharhai, in hrât a, Pathien thu nangniah a um zing a, mi suol chu in hne tâk leiin in kuomah ka ziek a ni kha.

1 JOHAN 2:27

Nangni chu ama kuoma inthawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.

1 JOHAN 3:22

chuongchun, a thupêkhai ei zâwm a, a mithmuah thil lâwmum ei thaw hlak leiin, ei hni taphawt a kuoma inthawkin ei hmu pei hlak a nih.

1 JOHAN 5:14

Hi hi ama chunga ei huoina chu a nih, iengkhawm a ditzâwng anga ei hni chun amain a mi ngai pêk hlak hi.