JOHAN 15:22 - Pathien Lekhabu Inthieng (BSI)

²² Kei hungin an kuomah thu hril naw lang chu suol an nei naw ding bah; tu ruok hin chu an suolnaah suonlam ding an nei ta naw a nih.

JOHAN 15:22 Iomraidhean Croise

EZEKIEL 2:5

Chun, an lo ngai khawma, an lo ngaisak naw khawmin amanih, anni laia zâwlnei a um ti chu hre chêk an tih, (sûngkaw hel an ni si a).

LUKA 12:46

chu suok pu chu a ring naw niah, a hriet naw kâr hung a ta, bawng hni hung insuong a ta, mi ringum nawhai chan ang hung inchangtir a tih.

JOHAN 12:48

Tûkhawm mi dit lova, ka thu hrilhai vawn lo chun, thiemnaw inchangtirtu pakhat a nei a nih; ka thu hril kha, kha thu ngei khan ni kin nia chun ama thiemnaw inchangtir a tih.

JOHAN 15:23

Tûkhawm kei mi theida chun ka Pa khawm a theida a nih.

JOHAN 15:24

Mi dang tukhawm la thaw ngailo thilhai anni lai thaw ni naw lang chu, suol an nei naw ding bah. Nisienlakhawm, tuhin chu an hmu ta a, chuongsa khawm chun kei le ka Pa an mi theida ve ve tah a nih.

JOHAN 16:9

suol thua dâm thiemnaw chang an tih, kei an mi ring naw leiin,

JOHAN 19:11

Isûn, “Chungtienga inthawka pêk i ni naw chun, ka chunga hin thaw thei hrim hrim nei naw ti ni; chuleiin, i kuoma mi petu khan suol a phur zuol a nih,” a ta.

JOHAN 9:41

Isûn an kuomah, “Mitdel in ni chun suol nei naw ti niu a, nisienlakhawm, ‘Kan hmu thei ie,’ tuhin in ti si a, chuleiin, in suol a um zing a nih.

THILTHAWHAI 17:30

Chuongchun, Pathienin ei hriet naw laihai kha hriet naw tehlêm a thaw hlak a; nisienlakhawm, tuhin chu ram tina mi po po sim ding thu a pêk tah a nih, ni a tiem leiin;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:20

Amaa mizie hmu thei lo hai, a chatuon thilthawtheina le a Pathien nizie chu, leihnuoi siem tîra inthawkin chiengtaka hmuin a um a, thilsiema chun ân lang a nih; chuleichun, suonlam ding hrim an nei nawh;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:1

Chuleiin, aw mihriem, mi sawisêltu tûkhawm ni la, suonlam hrim i nei nawh, mi dang i sâwisêlna ngeia chun nang le nang thiemnaw inchangtir i nih i sawnnaw! nang a sawisêltu ngei khawma, chuong ang thil chu i thaw ve hlak si a.

JAKOB 4:17

Chuongchun, tûkhawm thil ṭha thaw ding hre sia, thaw naw chu, a ta dingin suol a nih.

1 PETER 2:16

zalên in nih, nisienlakhawm, in zalênna chu suol inkhumna dinga hmang lovin, Pathien suoka umna dingin hmang lem ro.