JOHAN 15:20 - Pathien Lekhabu Inthieng (BSI)

²⁰ ‘Suok a pu nêkin a ropui nawh,’ ti thu ka hril ta cheu kha hre zing ro. Annîn kei an mi suknawmna ta chun, nangni khawm suknawmnâng an ti cheu; ka thu an zâwm ta chun nangni thu khawm zâwm an tih.

JOHAN 15:20 Iomraidhean Croise

EZEKIEL 3:7

Amiruokchu, Israel sûngkuohai chun i thu ngai naw ni hai a, keia thu an ngai naw ding leiin; Israel sûngkuohai po po chu chal changtak, lungril ngartak ruok an ni leiin.

MATTHAI 10:24

“Inchûktir a inchûktirtu chungah a um nawh; suok khawm a pu chungah a um bawk nawh.

MARKA 10:39

Chun, anni chun a kuomah, “Thei e,” an ti a. Chun, Isûn an kuomah, “Ka no dâwn ding chu dâwn in ta, ka baptisma chang ding khawm chu chang vêng in tih;

LUKA 2:34

Chun, Simeon chun mal a sâwmpêk a, a nu Mari kuomah, “Ngai rawh, hi naupang hi Israel lai mi tamtak tlûkna ding le ngîrsuokna dinga ruot a nih, mi isawisêl ding inchikna ni bawk dingin:

LUKA 6:40

Inchûktu chu a inchûktirtu chungah a um nawh; nisienlakhawm, mi tin an inchûk zo pha an inchûktirtu angin um an tih.

JOHAN 10:31

Chun, Judahai chun a dêngna dingin lung an rût nâwk a.

JOHAN 11:57

Thiempu Lalhai le Pharisaihaiin ama chu an man theina dingin tûkhawmin a umna an hriet chun phuong ding a nih ti thu an pêk ta si a.

JOHAN 13:16

Titakzetin, titakzetin ka hril cheu hi, suok a pu nêkin a ropui nawh; tirko khawm a tirtu nêkin a ropui bawk nawh.

JOHAN 5:16

Chuongchun, Châwlnia chuong thilhai chu a thaw leiin Judahaiin Isu an suknawmna ta a.

JOHAN 7:32

Chun, Pharisaihaiin a chunga mipui chier rûknahai chu an hriet a, chuongchun, thiempu lalhai le Pharisaihai chun ama man dingin manmihai an tir ta a.

JOHAN 8:51

Titakzetin, titakzetin ka hril cheu hi, miin ka thu a zâwm chun, kumkhuoin thi ni hmêl hmu naw ni,” a ta.

JOHAN 8:52

Judahaiin a kuomah, “Khawhri zâwl i nih ti tuhin kan hriet tah. Abraham a thi tah, zâwlneihai leh, nangin, ‘Miin ka thu a zâwm chun, kumkhuoin thina intem naw nih,’ i ti si a.

JOHAN 8:59

Chuongchun, ama dêngna dingin lung an rût a; nisienlakhawm, Isu ân bi hmang a, Pathien biekina inthawk chu a suok ta a.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

1 KORINTH 4:12

mâni kuta sin thawin kan inrim hle hlak a, miin an mi halin mal kan sâwmpêk a, miin an mi suknawmna leh kan tuor fan fan a;

2 KORINTH 4:9

Suknawmnatin kan um a, nisienlakhawm, mâksanin kan um si nawh; vuok thlûkin kan um a; nisienlakhawm, sukbohmangin kan um si nawh.

1 THESSALONIKA 2:15

Chuong Judahai chun Lalpa Isu le zâwlneihai khawm an that a, keini khawm an mi hnawt suok a, Pathien an suklâwm naw a, mi po po an kal hlak;

2 TIMOTHE 3:12

Anih, tûkhawm Krista Isua Pathien ngaisaka um tum taphawt chun suknawmnatnahai tuor bawk an tih.

1 SAMUEL 8:7

Lalpa chun Samuel kuoma chun, “Mipuihaiin i kuoma an hril po po chu ngai rawh, nang dit naw che an ni naw a; an chunga lal dinga kei mi dit lo an ni lem.