JOHAN 15:11 - Pathien Lekhabu Inthieng (BSI)

¹¹ Ka lâwm nangnia a um zingna ding le, in lâwm a kimna dingin hieng thu hi in kuomah ka hril hi.

JOHAN 15:11 Iomraidhean Croise

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ISAI 62:4

“Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah” ti lem tâng an ti che a, i ram khawm chu “Beula” ti bawk an tih, Lalpa i chungah a lâwm si a, i ram khawmin pasal a nei ding a nih.

JEREMIA 32:41

Anih, anni chu sukṭha dingin an chungah hlim tâng ka ta, hi rama hin ka lungril po po le, ka lungvar po poin thudikah anni chu phun ka tih.

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

ZEPHANIA 3:17

Lalpa i Pathien thilthawtheitak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

LUKA 15:23

sebâwngte thâu tak kha hung la unla, that ro, hlimtakin fâng ei tiu;

LUKA 15:32

Hlimtak le lâwmtaka um ding a ni hrim annâwm; hi i sang hi a thi a, a hung hring nâwk ta a; ân hmang a, ei hmu nâwk tah a ni si a,’ a ti a,” a ta.

LUKA 15:5

Chun, a hmu nâwk chun, lâwmtakin a liengkoah a put hlak.

LUKA 15:9

Chun, a hmu nâwk chun, a ruolhai le a vênghai a ko khâwm a, ‘Mi lâwmpui ro, ka duli inhmang kha ka hmu nâwk tah,’ a ti hlak.

JOHAN 16:24

Tu chen hin keia hmingin iengkhawm in la hni nawh; hni ro, chuongchun hmûng in tih, in lâwm a kimna dingin.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

JOHAN 17:13

Nisienlakhawm, tuhin i kuomah ka hung ding a ni tah; khawvêlah hieng thu hi ka hril a nih, ka lâwm annia an nei kimna dingin.

JOHAN 3:29

Moneitu chu a pasal chu a nih; nisienlakhawm, pasal ṭhien ngîr puma a thu hretu chu, pasal râwl leiin a lâwm bêk bêk hlak; hi ka lâwmna a tlung tah a ni hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawtheina zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

2 KORINTH 1:24

In ringna chungah inlalna ka nei ka ti naw a, in lâwmna ṭhangpuitu ka nih, ka ti lem a nih, ringnaa ngîr in ni si a.

EPHESI 5:18

Chun, uoin inruiin um naw ro, chutaka chun insûm nawna a um si a; Thlaraua sipin um lem ro.

PHILIPPI 1:25

Chu chu ka ring tlat leiin um zing ka tih ti ka hriet a nih, ringnaa chun in hung inṭhang lienna ding le in lâwmna dingin in rênga kuomah um zing ka tih ti ka hriet;

1 THESSALONIKA 5:16

Lâwm rawp unla,

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;

1 JOHAN 1:4

Chuongchun, kan lâwm a famkim theina dingin hieng thuhai hi in kuomah kan ziek a ni hi.

2 JOHAN 1:12

In kuomah thu tamtak hril ding ka nei leiin lekha le lekhatuiin ziek ka nuom nawh; in lâwm a kim theina dingin, in kuoma hunga, inhmatuoa inbiek ka beisei lem a nih.