JOHAN 14:10 - Pathien Lekhabu Inthieng (BSI)

¹⁰ Kei Paa ka um le, Pa keimaah a um ti in awi naw a ni? In kuoma thu ka hril hi keia phuokfâwmin ka hril nawh; Pa keimaah a um zing a, a thil a thaw lem hlak a nih.

JOHAN 14:10 Iomraidhean Croise

JOHAN 10:30

Kei le Pa chu pumkhat kan nih,” tiin a dawn a.

JOHAN 10:38

Amiruokchu, thaw ka ni chun, kei mi ring naw unla khawm, sinthawhai bêk hi ring ro; Pa keimaah a um ti le, kei Paah ka um ti in hriet a, in ringna dingin,” a ta, a dawn a.

JOHAN 11:26

tukhawm a hring taphawt a mi ring chu kumkhuoin thi naw nih; chu thu chu i ring am?” a ta.

JOHAN 12:49

Keia phuokfâwmin ka hril si nawh; Pa a mi tirtu chun, ka hril ding le ka ṭawngna ding chu thu a mi pêk a ni lem.

JOHAN 14:11

Kei Paa ka um le keimaa Pa a um ti hi mi ring ro; annawleh, thilthaw lei bêk hin mi ring ro.

JOHAN 14:20

Chu nia chun kei ka Paa ka um dâm, nangni keimaa in um dâm, kei nangnia ka um dâm hre tâng in tih.

JOHAN 14:24

Tûkhawm a mi hmangai naw chun ka thu a zâwm nawh, thu in hriethai hi ka ta a ni nawh, Pa a mi tirtu ta a ni lem.

JOHAN 17:8

Nangin thu i mi pêkhai kha an kuoma ka pêk ta si a; chuong chu an vawn a, i kuoma inthawka suok ka nih ti indiktakin an hriet tah, nangin i mi tir ti khawm an awi tah.

JOHAN 3:2

ama chu zânah Isu kuomah a hung a, a kuomah, “Rabbi, Pathiena inthawka inchûktirtua hung i ni ti kan hriet; Pathien an chungah a um naw chun hieng thilmak i thawhai hi tukhawmin thaw thei naw ni hai,” a ta.

JOHAN 5:17

Nisienlakhawm, Isûn anni chu a biek a, an kuomah, “Ka Pain tu chen khawmin sin a thaw hlak, kei khawmin ka thaw hlak,” a ta.

JOHAN 5:19

Chun, Isûn an kuomah, “Titakzetin, titakzetin ka hril cheu hi, Naupa hin a khâtin iengkhawm a thaw thei nawh, Pa thilthaw a hmu chau naw chu; thil a thaw ang taphawt chu Naupa khawmin a thaw ve hlak.

JOHAN 7:16

Chun, Isûn anni chu a dawn a, “Ka thu inchûktir hi ka ta a ni naw a, a mi tirtu ta a ni lem.

JOHAN 8:28

Chuongchun, Isu bawkin, “Nangnîn Mihriem Naupa hi in khai kâng hnungin, ama chu ka ni le, kei mâni thuin thil iengkhawm ka thaw naw a, Pain a mi hril ang peiin hieng thu hi ka hril a nih ti la hung hrieng in tih.

JOHAN 8:38

Keiin ka Pa kuoma thil ka hmu chu ka hril hlak; nangni khawmin in pa kuoma thil in hriet chu in thaw hlak,” a ta.

JOHAN 8:40

Nisienlakhawm, tuhin mi that in tum si. Pathien kuoma inthawka thutak ka ihriet hriltu cheu ka nih in sawnnaw; Abraham chun hieng hin a thaw naw kha.

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.

2 KORINTH 5:19

khânga, Pathienin Kristaa chun khawvêl hi ama le inremin a siem a, an bawsietnahai chu bawsietnaa ruot pêk lovin, inremna thu a mîn kawltir kha.

KOLOSSA 1:19

Pa lungni zâwngtak chu hi hi a ni si a: Pathien famkimna tinrêng chu amaa a um zing le,

KOLOSSA 2:9

Amaa chun Pathien famkimna tinrêng chu taksa neiin a um zing si a.

1 JOHAN 5:7

Inhriettirtu chu pathum an um,