JOHAN 14:1 - Pathien Lekhabu Inthieng (BSI)

¹ “In lungril lunginzîng naw raw se; Pathien in ring, kei khawm mi ring ve ro.

JOHAN 14:1 Iomraidhean Croise

INPÂKNA HLABU 43:5

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, ama chu ka lân pâk ding a ni si a. Ka hmêl sukmawitu le ka Pathien chu.

INPÂKNA HLABU 77:10

Chun, “Chu chu ka hrât nawna lei a nih; Nisienlakhawm, Achunghnungtak kut changtieng kumhai kha hre zing ka tih.

ISAI 26:3

I chunga lungril innghattu chu nang a ring che leiin, lungmuongtaka um dingin vêng i tih.

JEREMIA 8:18

Aw lungngainaa inthawk hin keima le keima bêk inthlamuong thei lang chu; ka sûnga chun ka lung hlak chu a thidang si a.

JOHAN 11:33

Isu chun Mari ṭap le a hung zuitu Judahai ṭap chu a hmuin, a lungrilin ân rûm a, a lungngai a.

JOHAN 12:27

“Tuhin ka lungril a lunginzîng, ieng am hril ka ta aw? ‘Pa, hi huna inthawk hin mi sanhim rawh,’ ka ti ding am a nih? Ti lo e, hi ding lei taka hi, hi huna hi hung ka nih,

JOHAN 12:44

Chun, Isu a khêk a, “Tûkhawm keia mi ring chu keia mi ring a ni naw a, a mi tirtu ring a ni lem.

JOHAN 13:19

Hi hi a hung tlung hmain tuhin ka hril cheu hi, a hung tlung phaleh, kei kha ka nih ti in ring theina dingin.

JOHAN 16:24

Tu chen hin keia hmingin iengkhawm in la hni nawh; hni ro, chuongchun hmûng in tih, in lâwm a kimna dingin.

JOHAN 16:3

Chuong thil chu thâwng an tih, Pa le kei an mi hriet naw leiin.

JOHAN 16:6

Nisienlakhawm, hieng thu hi in kuomah ka hril leiin in lungril chu lungngaiin a sip ṭeu lem ta a.

JOHAN 5:23

mi po poin Pa an inza angin Naupa khawm an inzana dingin. Tûkhawm Naupa inza naw chu Pa, ama tirtu inza naw a nih.

JOHAN 6:40

Chun, hi hi ka Pa dit zâwng a nih, tûkhawm Nau hmua ring taphawt chun chatuona hringna nei sienla; chun, keiin ni kin nia chun ama chu kei tho lang,” a ta.

2 KORINTH 2:7

Chuongchun, hrem nâwkzuol nêk hmanin in ngaidamin, in thlamuon lem ding a nih; chuong naw chun, iengamanih tiin chuong ang mi chu lungngai taluotnain lem zo rawi a tih.

EPHESI 1:15

Chuleiin, kei khawma Lalpa Isu ringna nangnia um le, mi inthienghai po po chunga in inlangtir hlak hmangaina chu, ka lo hrietin,

2 THESSALONIKA 2:2

“Lalpa Ni chu a tlung zing tah,” tina thlarau leiin amanih, thu leiin amanih, kan kuoma inthawka lekhathawn ang leiin amanih, in lungril inhnîng el nawna ding le in buoi bawk nawna dingin kan ngên cheu a nih.

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beiseina chu Pathiena a um theina dingin.