JOHAN 13:8 - Pathien Lekhabu Inthieng (BSI)

⁸ Peterin a kuomah, “Ka ke sâwp naw tawp i tih!” a ta; Isûn a kuomah, “Ka sâwp naw che chun ka kuomah iengkhawm chan nei naw ti nih,” a ta.

JOHAN 13:8 Iomraidhean Croise

INṬANNA 42:38

Ama chun, “Ka naupa hi nangni leh fe thla ve naw tawp a ti, a u a thi ta a, ama bak hi a ni ta si a: in fena lampuia dâm tuoksuol zu tuok sienla, ka lu inṭuok hi lungngaitakin thlânah in inliemtir ding a nih,” a ti a.

2 SAMUEL 20:1

Chun, chutaka chun Benjamin mi, Bikri naupa a hming Seba, Belial mi pakhat a lo um hlau el a; tawtawrâwt a mût a, “Davida hin chanvo ei nei ve naw a, Jesai naupaa hin rohluo ding ei nei bawk nawh, aw Israel mihai, in puon in tieng seng fe ro,” a ta.

1 LALHAI 12:16

Chun, Israelhai po po chun lalin an thuhril a pawm nawh ti an hrietin, mipuihai chun, “David a hin chanvo ieng am ei nei leh? Jesai naupaa hin rohluo ding ei nei chuong bawk nawh: Aw Israelhai, in puon in tieng fe vawng ro, David, i sûngkuo chu ngaituo el rawh,” tiin lal chu an dawn a. Chuongchun, Israelhai chu an puon in tieng chun an fe ta a.

INPÂKNA HLABU 51:2

Ka rîtlonahai hi mi sâwpfaipêk var la, Ka suol hi mi sâwpfaipêk rawh.

INPÂKNA HLABU 51:7

Husopin mi sukfai la, chuongchun, fai ka tih; Mi sâwpfai la, chuongchun, vûr nêkin vâr ka tih.

ISAI 4:4

Lalpain rorêlna thlarau le kângna thlaraua Zion naunuhai inthieng nawna chu a sâwpfai hnung le Jerusalem thisen chu a sûnga inthawka a sâwpfai hnunga chun.

EZEKIEL 36:25

Tui inthieng chu thinkhum ka ti cheu a, inthieng tâng in tih; in inthiengnawna po poa inthawk le in milimhai po poa inthawkin sukthieng ka ti cheu.

ZEKARIA 13:1

“Chu ni chun inthieng nawna le suolnaa dingin, David sûngkuo le Jerusalema chêngtuhai ta dingin tuikhur hawngpêk nîng a tih,”

MATTHAI 16:22

Chun, Peter chun ama chu a tumin a ṭhuoi a, “Lalpa, Pathienin lunginsiet raw se che!; chuong chu i chungah tlung naw tawp a tih,” tiin a kâwk ta a.

MATTHAI 21:29

Ama chun, ‘Ka nuom nawh,’ a ta, a dawn a; nisienlakhawm, a nakie chun a lungril ân thleng a, a fe ta a.

MATTHAI 26:33

Peter ruok chun a kuomah, “An rêngin i chungthuah lungnilovin umhai sien khawm, kei chu lungnilovin um nâw tawp ka tih,” tiin a dawn a.

MATTHAI 26:35

Peterin a kuomah, “I thinaa chun thi ve ding ni lang khawm inphat naw tawp ka ti che,” a ta. Chuong ang bawk chun, inchûktirhai po po chun an ti ta seng a.

JOHAN 13:6

Chuongchun, Simon Peter kuomah a hung a. Peter chun, “Lalpa, nang êmin ka ke i sâwp ding am a nih?” a ta.

JOHAN 13:9

Simon Peter chun a kuomah, “Lalpa, chuong a ni chun, ka ke chau ni lovin, ka kut le ka lu khawm tie,” a ta.

JOHAN 3:5

Isûn a dawn a, “Titakzetin, titakzetin ka hril che hi, mi tûkhawm tuia le Thlaraua an pieng naw chun Pathien ramah lût thei naw ni hai,

THILTHAWHAI 22:16

Chun, iengdinga i la um zing am? Tho la, ama hming lam pumin baptisma chang la, i suolhai sâwpfai ta la,’ a mi ta.

1 KORINTH 6:11

Chun, nangni ṭhenkhat chuong ang mi in ni hlak kha; nisienlakhawm, Lalpa Isu Krista hminga le ei Pathien Thlaraua sâwpfai in ni ta a, sukthieng in ni ta a, thiemchang in ni tah.

EPHESI 5:26

kohran chu tuia sâwpa, thu chun sukfaia ân thieng theina dingin;

DÂN PAHNINA 12:12

Lalpa in Pathien hmaa chun hlimtakin um in ta, nangni le in naupasalhai le, in naunuhmeihai leh, in suokpahai leh, in suoknuhai leh in khuohaia um Levi mihai leh, anni chun nangni lai chanvo le ram an nei ve si naw a.

KOLOSSA 2:18

Mâni insukhnuoi fâwmna le vântirko biekna ngaisâng a, inlârnaa innghat a, an tisa tieng nuom zâwng hlêmna mei meia insukpuithu mi an um a; chuong ang mihai chun in lâwmman chu inchântir naw raw hai se cheu.

KOLOSSA 2:23

Hieng vântirko biek ding ti dâm, mâni insukhnuoi ti dâm le, taksa sukrinum ding tihai hi thaw âwm takin ân lang ngei; nisienlakhawm, taksa nuom zâwng hnêna ding chun iengkhawm a ṭhahnem chuong dêr nawh.

TITA 3:5

thil feltaka thaw, eini ngeia thawhai chu, chu lei chun ni lovin, Thlarau Inthieng siem tharna sâwpna le siem ṭhat nâwkna chun, a lunginsietna chun a mi sandam tah.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna famkim neia lungril indiktak putin hnai ei tiu.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hienghai hi rinum nasataka inthawka suokhai kha an nih, an silfenhai Berâmte thisena sâwpin an sukvâr ta a.