JOHAN 13:19 - Pathien Lekhabu Inthieng (BSI)

¹⁹ Hi hi a hung tlung hmain tuhin ka hril cheu hi, a hung tlung phaleh, kei kha ka nih ti in ring theina dingin.

JOHAN 13:19 Iomraidhean Croise

ISAI 41:23

Pathien in nih ti kan hriet theina dingin hi hnunga thil hung tlung dinghai chu hril ro le, anih, kan lunginzîngna ding le kan en sengna dingin, thil ṭha amanih, thil ṭha naw amanih thaw ro le,

ISAI 43:10

“In mi hriet a, in mi ring a, ama chu ka nih ti in mi hriet theina dingin nangni hi a mi hrietpuituhai in nih; ka siehlaw ka ithlang khawm chu,” Lalpain a tih, “Ka um hma chun pathien hrim hrim inngîr an um naw a, ka um hnunga khawm um bawk naw ni hai.

ISAI 48:5

tienlaia inthawkin in kuomah ka hril a, a hung tlung hma khawma in kuomah kân hriettir cheu kha; chuong naw chun, “Ka milim chun a ti a nih, ka milim siem fâwm le ka milim sung chun thu a pêk a nih,” ti rawi in tih.

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, Lalpa in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai Lalpa chun a tih.

MATTHAI 11:3

“A hung ding chu i ni, mi dang kan la ngai ding?” tiin.

MATTHAI 24:25

Ngai ta u, ka hril lâwk ta cheu hi.

LUKA 21:13

Chu chu in ta dingin thuinhriettirna remchâng la ni hman hman a tih.

JOHAN 1:15

Johan chun a thu ân hriettir a, a khêk a, “ ‘Ka hnunga hung ding chu ka nêka ropui lem a nih, ka um hmaa um ta hrim a ni leiin,’ tia a thu ka hril kha ama hi a nih,” a ta.

JOHAN 14:29

Tuhin a hung tlung hma hin ka hril ta cheu hi, a hung tlung phaa in ringna dingin.

JOHAN 16:4

Hieng thu hi in kuomah ka hril ta hi, a hun chu a hung tlung pha, ka hril ta cheu ti in hriet nâwkna dingin. Hieng thil hi a tîra inthawk ka la hril naw hrim cheu a nih, in kuoma ka la um leiin.

JOHAN 4:26

Chun, Isûn a kuomah, “Kei a betu che hi ama chu ka ni annâwm,” a ta.

JOHAN 8:28

Chuongchun, Isu bawkin, “Nangnîn Mihriem Naupa hi in khai kâng hnungin, ama chu ka ni le, kei mâni thuin thil iengkhawm ka thaw naw a, Pain a mi hril ang peiin hieng thu hi ka hril a nih ti la hung hrieng in tih.

JOHAN 8:58

Isûn an kuomah, “Titakzetin, titakzetin ka hril cheu hi, Abraham um hma khawmin ka um,” a ta.