JOHAN 12:8 - Pathien Lekhabu Inthieng (BSI)

⁸ Pasiehai chu kumkhuoin in kuoma um an nih, kei ruok chu kumkhuoa in kuoma um ding ka ni nawh,” a ta.

JOHAN 12:8 Iomraidhean Croise

HLAHAI HLA 5:6

Ka hmangaitak chu ka hawngpêk a; Nisienlakhawm, ka hmangaitak chu a lo intâwlhmang a, a lo fe hmang ta a, Thu a hung hril lai khan ka thlain a mîn âwimâwtir a; Ama chu ka zawng a, anachu ka hmu naw a; Ama chu ka ko a, anachu a mi dawn nawh.

MATTHAI 26:11

Pasiehai chu kumkhuoa in kuoma um an nih annâwm, kei ruok chu kumkhuoa in kuoma um ding ka ni nawh.

MARKA 14:7

Pasiehai chu kumkhuoa in kuoma um an na, in nuom phâ phâ anni chu in lunginsiet thei annâwm, kei ruok chu kumkhuoa in kuoma um ding ka ni nawh hi.

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

JOHAN 13:33

Nauhai, sâwt nawtê in kuomah ka la um hri hi, nangnîn mi zawng in ta; chun, Judahai kuoma, ‘Ka fena dingah hung thei naw ti niu,’ ti ka hril ang khan, tuhin chuong ang bawk chun in kuomah ka hril hi.

JOHAN 8:21

Chun, ama chun an kuomah, “Ka fe hmang ding a ni hi, nangnîn mi zawng in ta, in suol nei zingin thîng in tih; ka fena dingah hung thei naw ti niu,” a ti nâwk a.

DÂN PAHNINA 15:11

Chu rama chun mi rimsihai um naw lai a um âwm si naw a; chuleiin, ‘In rama in unauhai chunga dâm, tlasamhai chunga dâm, in mirimsihai chunga dâm, in tiktlai ngei ngei ding a nih,’ tiin thu ka pêk cheu a nih.