JOHAN 12:49 - Pathien Lekhabu Inthieng (BSI)

⁴⁹ Keia phuokfâwmin ka hril si nawh; Pa a mi tirtu chun, ka hril ding le ka ṭawngna ding chu thu a mi pêk a ni lem.

JOHAN 12:49 Iomraidhean Croise

JOHAN 14:10

Kei Paa ka um le, Pa keimaah a um ti in awi naw a ni? In kuoma thu ka hril hi keia phuokfâwmin ka hril nawh; Pa keimaah a um zing a, a thil a thaw lem hlak a nih.

JOHAN 14:24

Tûkhawm a mi hmangai naw chun ka thu a zâwm nawh, thu in hriethai hi ka ta a ni nawh, Pa a mi tirtu ta a ni lem.

JOHAN 14:31

nisienlakhawm, keiin Pa ka hmangai le, Pain thu a mi pêk ang peiin thil ka thaw ti khawvêlin an hrietna ding a ni hi. Tho ro, hitaka hi suok ei tiu.

JOHAN 15:15

Suok ti nâwk ta naw ning cheu; a pu thilthaw suok chun a hriet si nawh; ruolhai ka ti ta lem cheu a nih. Pa kuoma inthawka thil ka hriet po po in kuomah ka puong ta si a.

JOHAN 17:8

Nangin thu i mi pêkhai kha an kuoma ka pêk ta si a; chuong chu an vawn a, i kuoma inthawka suok ka nih ti indiktakin an hriet tah, nangin i mi tir ti khawm an awi tah.

JOHAN 3:11

Titakzetin, titakzetin ka hril che hi, keinîn kan hriet chu kan hril hlak, kan hmu chu kan inhriettir hlak; nisienlakhawm, kan thu inhriettir in awi ngai si nawh.

JOHAN 3:32

A hmu le a hriet taphawt ân hriettir hlak a nih; tukhawmin a thu inhriettir an awi nawh.

JOHAN 5:19

Chun, Isûn an kuomah, “Titakzetin, titakzetin ka hril cheu hi, Naupa hin a khâtin iengkhawm a thaw thei nawh, Pa thilthaw a hmu chau naw chu; thil a thaw ang taphawt chu Naupa khawmin a thaw ve hlak.

JOHAN 5:30

“Keia khâtin iengkhawm ka thaw thei nawh; naa ka hriet ang peiin ro ka rêl hlak; ka rorêl chu indiktak a nih, keia thu thuin um ka tum naw a, a mi tirtu thu thua um ka tum lem hlak leiin.

JOHAN 6:68

Simon Peterin a kuomah, “Lalpa, tu kuom am fêng kan ta? Nangin chatuona hringna thu i nei annâwm;

JOHAN 7:16

Chun, Isûn anni chu a dawn a, “Ka thu inchûktir hi ka ta a ni naw a, a mi tirtu ta a ni lem.

JOHAN 8:26

Nangni chungchâng thua hin thil tamtak hril ding le ngaituo ding ka nei; ieng khawm ni raw se, a mi tirtu chu mi indiktak a nih; a kuoma inthawka thu ka hriet taphawt khawvêl kuomah ka hril hi,” a ta.

JOHAN 8:28

Chuongchun, Isu bawkin, “Nangnîn Mihriem Naupa hi in khai kâng hnungin, ama chu ka ni le, kei mâni thuin thil iengkhawm ka thaw naw a, Pain a mi hril ang peiin hieng thu hi ka hril a nih ti la hung hrieng in tih.

JOHAN 8:42

Isûn an kuomah, “Pathien in Pa a ni chun nangnîn mi hmangai naw ti niu am; Pathien kuoma inthawka suok le a kuoma inthawka hung ka ni si a; keima thua hung ka ni bawk nawh, ama chun a mi tir lem a nih.

DÂN PAHNINA 18:18

An unauhai laia inthawkin nangma ang zâwlnei siempêk ka ta; a bauah ka thuhai sieng ka ta, a kuoma thu ka pêk taphawt chu an kuomah hril a tih.

THUPUONGSUO 1:1

Isu Krista thupuongsuo, Pathienin a suokhai inhriettir dinga a kuoma a pêk, thil hung um vak ding thu chu; chu chu a vântirko hmangin a suok Johan kuomah a hung inhriettir a;