JOHAN 12:48 - Pathien Lekhabu Inthieng (BSI)

⁴⁸ Tûkhawm mi dit lova, ka thu hrilhai vawn lo chun, thiemnaw inchangtirtu pakhat a nei a nih; ka thu hril kha, kha thu ngei khan ni kin nia chun ama thiemnaw inchangtir a tih.

JOHAN 12:48 Iomraidhean Croise

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

MATTHAI 10:15

Titakzetin ka hril cheu hi, ngaituo nia chun chu khuohai nêk chun Sodom le Gomorra ram tuor ding chu a dân um lem a tih.

MATTHAI 21:42

Isu chun an kuomah, “Pathien lekhaa, ‘In bâwltuhai lung dit naw kha, Chu ngei chu a kia lung ṭhangkai tak a hung ni tah. Chu chu Lalpa thaw a na, Ei mithmua hin a mak a nih,’ ti hi in tiem ngai naw am a nih?

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MARKA 12:10

Hi Pathien Lekha Thu hi in tiem naw am a nih? ‘In bâwltuhai lung dit naw kha, Chu ngei chu a kia lung ṭhangkaitak a lo ni tah.

MARKA 16:16

Awia, baptisma chang chu sandamin um an tih; a awi naw ruok chu thiemnaw changin um an tih.

MARKA 8:31

Chun, Mihriem Naupa chun thil tamtak a tuor dingzie dâm, upahai, thiempu lalhai le, Dân inchûktirtuhai dit nawa a um ding dâm, sukhluma a la um ding dâm, ni thum hnunga a thonâwk dingzie dâm anni ân chûktir ṭan ta a.

LUKA 10:16

“Tûkhawm nangni thu ngai chu keima thu ngai a nih; tûkhawm a dit naw cheu chu kei a mi dit naw a nih; tûkhawm kei mi dit naw chu a mi tirtu dit naw a nih,” a ta.

LUKA 17:25

Nisienlakhawm, chu hma chun thil tamtak tuor a ta, hi ruoltharhai ditnawin um bawk a tih.

LUKA 20:17

Nisienlakhawm, ama chun anni chu a en a, “Hi thu an ziek hi ieng am a na? ‘In bâwltuhai lung dit naw kha, Chu ngei chu a kia lung ṭhangkai tak a lo ni tah,’ ti hi.

LUKA 7:30

Pharisaihai le dânhretuhai ruok chu a kuoma baptisma lo chang tah an ni ve naw a, anni ta dinga Pathienin rem a iruotpêk chu an pawm nawh.

LUKA 9:22

“Mihriem Naupa hin thil tamtak a tuor ding a na, upahai, thiempu lalhai, Dân Inchûktirtuhai dit nawin a um ding a na, thatin a um ding a na, ni thum niah keithoin a um bawk ding a nih,” a ta.

LUKA 9:26

Tûkhawm kei le ka thu inzapui taphawt chu, Mihriem Naupa hin ama ropuina leh, a Pa ropuina leh, a vântirko inthienghai ropuina leh a hung pha chun ama chu hung inzapui vêng a tih.

JOHAN 11:24

Martha chun a kuomah, “Ni kin nia, thonâwknaa chun thonâwk a tih ti ka hriet,” a ta.

JOHAN 5:45

Keiin Pa kuoma ka hêk cheu ring naw ro, nangni hêktu cheu chu pakhat a um, in iring Mosie hi.

JOHAN 6:39

Hi hi a mi tirtu dit zâwng chu a nih, amân a mi pêk po po iengkhawm inhmang naw lang, ni kin nia chun keitho lem lang.

JOHAN 8:47

Pathien kuoma inthawka suok chun Pathien thu a pawm hlak; hi lei hin in pawm naw a nih, Pathien kuoma inthawka suok in ni naw leiin,” a ta.

THILTHAWHAI 17:31

chu ni chun, a mi ruot chu, hnuoia mihai ro feltakin inrêltir a tih. Chu thu chu, Pathienin ama chu mithi laia inthawka a keithona chun, mi po po kuomah ân hriettir tah a nih,” tiin.

THILTHAWHAI 3:23

Chun, mi tûkhawm, chu zâwlnei thu chu ngai naw taphawt chu, mi laia inthawk sukbohmang dai nîng an tih,” a ti kha.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:16

Pathienin ka Chanchin Ṭha hril anga mihriemhai thurûk Isu Krista hmanga a ngaituo ni chun chuong ang chu nîng a tih.

2 KORINTH 4:3

Nisienlakhawm, kan Chanchin Ṭha hi inkhuma a um chun bohmang mêkhaia hin a nih inkhuma a um chu.

2 THESSALONIKA 1:8

Pathien hre naw mi le ei Lalpa Isu Chanchin Ṭha awi lo mihai chunga phuba lâk chu.

HEBRAIHAI 10:25

Ṭhenkhat thaw dân anga inkhâwm dâm bânsan lovin, infui tuo lem ei tiu, ni chu hung hnai deu deua in hrietin infui tuo nâwkzuol sau ro.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni ta a, a hretuhai chun an mi sukdet pêk pei a.

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.

1 PETER 1:5

Sandamna, hun nuhnunga inlang dinga inzosa chu hmu dingin, ringna leia Pathien thilthawtheinaa vêng chu in nih.

2 PETER 3:3

Hi hi hre hmasa unla, ni nuhnungahai chun nuisawtuhai chu, anni châkna anga umin, nuisaw pumin hung an ta,

2 PETER 3:7

nisienlakhawm, tuta vânhai le hnuoi umhai hi chu thu bawk lei chun Pathien ngaisak naw mihai rorêl le bohmang nia dingin khêkin, meia dinga inkhâwl khâwm a ni tah.

1 SAMUEL 10:19

Nisienlakhawm, vawisûn hin in lunginzîngna po po le in rinumna po poa sanhimtu cheu in Pathien ngei chu in dit naw a, a kuomah, A ni nawh, lal mi siempêk rawh’ in ti a. Chuleiin, tuhin a hnama hnam le a chia chiin Lalpa hmaah hung inlang ro,” a ta.

1 SAMUEL 8:7

Lalpa chun Samuel kuoma chun, “Mipuihaiin i kuoma an hril po po chu ngai rawh, nang dit naw che an ni naw a; an chunga lal dinga kei mi dit lo an ni lem.