JOHAN 12:40 - Pathien Lekhabu Inthieng (BSI)

⁴⁰ “Amain an mit a sukdel a, An lungril a sukngar a; Chuong naw chun, an mitin hmu rawi an ta, An lungrilin hrethiem rawi an ta, Ngha kîr nâwk rawi an ta; Keiin anni sukdam rawi ka tih,” ti a hril nâwk lei hin.

JOHAN 12:40 Iomraidhean Croise

1 LALHAI 22:20

Chun, Lalpain, ‘Ahab hi Ramoth-gilead khuoa hang fe a, râla thi dingin tuin am thlêm an ta?’ a ti a. Chun, pakhatin thil pakhat a hril a, mi dangin a dang an hril a.

INPÂKNA HLABU 147:3

Lungriem ithlâkhai chu a sukdam a, An hliemnahai chu a tuom hlak a.

INPÂKNA HLABU 41:4

Keiin, “Aw Lalpa, mi lunginsiet la, Ka hringna hi sukdam la, i chungah thil ka suksuol si a,” ka ti a.

INPÂKNA HLABU 6:2

Aw Lalpa, mi lunginsiet la, ka chau zo ta si a; Aw Lalpa, mi sukdam rawh, ka ruhai hi a na zo vawng ta si a.

FESUOKNA 10:1

Lalpa chun Mosie kuomah, “Pharao kuomah va lût la, hieng ka inchiknahai hi anni lai ngeia kân entir theina dingin a siehlawhai le ama lungril ngei khawm chu ka sukngar tah a nih;

FESUOKNA 11:10

Mosie le Aron chun Pharao hmaa chun thilmakhai po po chu an thaw ta a; nisienlakhawm, Lalpa chun Pharao lungril chu a sukngar leiin, a rama inthawk chun Israel mipuihai chu ân fesuoktir chuong nawh.

FESUOKNA 14:17

Chun, keiin Aigupta mihai lungril sukngar ka ta, an hnungah hung lût vêng an tih; chun, Pharao le a sipai ruol po po, a sakawr tawlailîr po po le, a sakawr chung chuong mihai chungah ropuina chang ka tih.

FESUOKNA 14:4

Chun, Pharao lungril chu sukngar ka ta, anni chu hung hnawtzui a tih; chun, Pharao le a sipaihai chungah ropuina chang ka tih: chun, Aigupta mihai chun Lalpa ka ni mi hre tâng an tih,’ tiin,” a ti a. Chuong ang tak chun an thaw ta a.

FESUOKNA 14:8

Chun, Lalpa chun Aigupta lal Pharao lungril chu a sukngar a, Israel mihai chu a hnawt zui ta a; Israel mihai chu muongchara suok an ni si a.

FESUOKNA 4:21

Lalpa chun Mosie kuomah, “Aiguptaa i kîr nâwk pha, i kuta thilmak ka sie po pohai kha Pharao hmaah thaw ngei i ta; nisienlakhawm, mihai chu ân fetir nawna dingin a lungril chu ka sukngar ding a nih.

FESUOKNA 7:13

Pharao lungril chu sukngarin a um a, Lalpain a hril ang khan an thu chu a ngai naw a.

FESUOKNA 7:3

Nisienlakhawm, Pharao lungril chu sukngar ka ta, Aigupta rama chun ka thilmakhai le ka inchiknahai chu sukpung ka tih.

FESUOKNA 9:12

Chun, Lalpain Pharao lungril chu a sukngar a, Lalpain Mosie kuoma a hril ta angin an thu hril chu a ngai chuong naw a.

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 29:10

Lalpa chun îmu hêna thlarau chu in chungah a buok a, in mit, zâwlneihai chu, ân sîmtir a; in lu, hmutheituhai chu, ân khum ta si a.

ISAI 53:5

Nisienlakhawm, ama chu ei bawsietnahai leiin inhliemin a um a, ei khawhlonahai leiin vuok thidukin a um a; ei thlamuongna dinga thununna chu a chungah a tla a , a vuokna invuolhaia sukdamin ei um tah.

ISAI 6:10

Hi chihai lungril hi sukthâu la, an nahai suksêt la, an mithai insîmtir rawh; chuong naw chun an mitin hmûng an ta, an nain hrieng an ta, an lungrilin hre bawk an ta, nghakîr nâwk an ta, sukdamin um rawi an tih,” a ta.

ISAI 6:9

Chuongchun, kei chun, “Kei hitaka hin ka um, mi tir ta la,” ka ti a. Chun, ama chun, “Fe la, hi chihai hi hril rawh, ‘Na chun a hriet chu hre unla, a ngaina ruok chu hre naw ro; a hmu chu hmu unla, a hriet chu hre naw ro,’ tiin.

JEREMIA 3:22

“Hnungtawl thlahai, hung kîr ro; in hnungtawlnahai chu lo sukdampêk ka ti cheu.” “Ngai ta, i kuoma chun kan hung ie, nang chu Lalpa kan Pathien chu i ni si a;

JEREMIA 5:21

Aw hrietthiemna boa mi invêthai, tuhin hi hi lo ngai ta u; mithai nei sia, hmu lohai, nahai nei sia hre lohai;

EZEKIEL 12:2

“Mihriem naupa, nang sûngkaw hel hmang, hmûna dinga mithai nei si a, hmu lohai, hrietna dinga nahai nei si a, hre lohai laia chêng, sûngkaw hel hmang an ni si a.

EZEKIEL 14:9

Chun, zâwlnei chu hlêmin a um a, thu a hril chun, kei Lalpa hin chu zâwlnei chu ka hlêm a na, ama chunga chun ka kut inlet ka ta, ka mi Israelhai laia inthawkin ama chu sukbohmang ka tih.

HOSEA 14:4

An hnungtawlna hi sukdam ka ta, Annia inthawka ka lunginsenna chu ân kieng ta leiin, Anni chu ka hmangai hrim hrim ding a nih.

HOSEA 6:1

“Hung ta u, Lalpa kuomah kîr ei tiu, A mi kei nâwi taa chu a mi lo sukdam nâwk ding a ni si a, A mi lo vuok ta nâka chu a mi tuom nâwk ding a ni si a;

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

MARKA 4:12

chuongchun, ‘Hmu chu an hmu thei de a, hriet ruok chu an hriet thei nawna ding le na ruok chun an hriet thei de a, a ngaina ruok chu an hriet thei nawna dingin, chuong naw chun ngha kîr nawk an ta, ngaidam hung ni hlau rawi an tih,’ ” a ta.

MARKA 6:52

bei thu kha a ngaina an hrietthiem si naw a, an lungril a ngar leiin.

LUKA 4:18

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

LUKA 8:10

Ama chun, “Pathien ram thurûk chu nangni ihriet chu phal a na, mi dang kuoma ruok chu tekhithu chaua hril a nih; hmu hai sienla khawm, hmu naw an ni theina dingin, nain hrehai sienla khawm a ngaina an hriet thei nawna dingin.

JOHAN 12:39

Hi lei hin a nih an ring thei naw, Isaiin,

JOHAN 9:39

Chun, Isûn, “Rorêl dinga hi khawvêla hin hung ka nih, mitdelhai chu an mit a hung varna ding le, mitvarhai chu an mit a hung indelna dingin,” a ta.

THILTHAWHAI 15:3

Chuongchun, kohran chun an hang inthla a, anni chun Jentailhai nghat kîr nâwkzie thu chu hril peiin Phoiniki ram le Samari ram an fang suok ta a; chuongchun, unauhai po po an suklâwm bêk bêk a.

THILTHAWHAI 28:26

Hi chihai kuoma hin va hril rawh: ‘Na chun chu hre de ti niu a, a ngaina ruok chu hre tawp naw ti niu, Hmu chu hmûng in ta, hriet chu hre tawp naw ti niu;

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:18

Chuongchun, Pathienin a nuom po a lunginsiet a, a nuom po a suklulul hlak a nih.

DÂN PAHNINA 29:4

Nisienlakhawm, Lalpain vawisûn chen hin hriet thiemna lungril dâm, hmu theina mit dâm, hriet theina nakâwr dâm a la pêk naw cheu a nih.

JOSUA 11:20

Lalpain Mosie thu a pêk anga sukchimit vawng a, lainatna ṭhang dêr lova a sukbohmang theina dinga an lungril sukngarpêka Israelhai indotir hlaktu chu Lalpa chu a ni si a.