JOHAN 12:34 - Pathien Lekhabu Inthieng (BSI)

³⁴ Chun, mipui chun a kuomah, “Krista chu chatuonin a um zing ding a nih ti Dân Lekhabuah kan hriet ie, nangin, ‘Mihriem Naupa khaikângin a um ding a nih,’ ieng ti tia ti am i na? Chu Mihriem Naupa chu tu am a na?” an ta, an dawn a.

JOHAN 12:34 Iomraidhean Croise

2 SAMUEL 7:13

Ama chun ka hming dingin in bâwl a ta; chun, a ram lalṭhungpha chu kumkhuoa dingin suknghet ka tih.

INPÂKNA HLABU 110:4

Lalpa chun ṭawng ân khâm a, inlêt ta naw nih, “Nang chu Melkizedek um dân anga, Chatuon Thiempu i nih ie,” tiin.

INPÂKNA HLABU 72:7

A dam lai chun mi felhai chu inno hlut hlut an ta, Thla um naw hma khat chun, lungmuongna nasatak um a tih.

ISAI 53:8

Nêksâwrna le rorêlna lâk hmangin a um a; a dam ruolpuihai lem chun tuin am mi hring rama inthawka sukbohmanga a um chu ngaituo hrim an ta? Ka mihai bawsietna leiin lungngaina invurkhumin a um a nih.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

DANIEL 7:27

Chun, vânhnuoia ram le lalram le ram ropuinahai chu Achunghnungtak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

MIKA 4:7

kebai chu hlâbîkah siem ka ta, hlataka hnawt hmanga um chu hnam hrâttakah siem ka tih: tuta inthawk chu Zion tlângah kumkhuoin Lalpa chun an chungah ro rêl a tih.

MATTHAI 16:13

Chun, Isu chu Philip Kaisari biel a hung tlung chun, a inchûktirhai kuomah, “Mihaiin Mihriem Naupa hi tu am a nih an ti a?” tiin ân dawn a.

MATTHAI 21:10

Chun, Jerusalem a lût chun, a khuoin, “Hi mipa hi tu am a na?” tiin an inhnîng sup sup a.

MATTHAI 8:20

Isûn a kuomah, “Sihalhaiin kuo an nei a, chunglêng vatehai khawmin bu an nei a, Mihriem Naupa ruok hin chu a lu innghatna a nei nawh,” a ta.

JOHAN 10:34

Isûn an kuomah, “In Dân lekhabuah, ‘Pathienhai in nih ka tih,’ ti ziek a ni naw am a nih?

JOHAN 12:32

Chun, kei hnuoia inthawka khaikânga ka um chun, mi po po keia tieng hîp ka tih,” a ta.

JOHAN 15:25

Ieng khawm ni sien, an Dân Lekhabuah, ‘Annîn a san bovin an mi theida,’ ti thu ziek kha, a hung tlungna dingin an thaw a ni hi.

JOHAN 8:28

Chuongchun, Isu bawkin, “Nangnîn Mihriem Naupa hi in khai kâng hnungin, ama chu ka ni le, kei mâni thuin thil iengkhawm ka thaw naw a, Pain a mi hril ang peiin hieng thu hi ka hril a nih ti la hung hrieng in tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:19

Dânin iengkhawm a hril taphawt chu Dân thu thua umhai kuomah a hril a nih ti ei hriet a, bau tinrêng hupa a um theina ding le, khawvêla mi po po Pathien rorêla an um theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:18

Chuongchun, mi pakhat bawsietna leiin, thiemnaw inchangtirna rorêlna chu mi po po chungah a hung um a; chuong ang bawkin thil fel pakhat thaw lei chun, hringna hmuna dinga thiem inchangtirna thilthlâwnpêk chu mi po po chungah a hung um.

HEBRAIHAI 7:24

ama ruok chu chatuona a um zing leiin a Thiempu nina chu thleng thei ruol lovin a nei ta lem a nih.