JOHAN 12:29 - Pathien Lekhabu Inthieng (BSI)

²⁹ Chun, mipui a kâwla ngîrhai chun chu chu an hriet a, “Vân ân rûm a nih,” an ta, mi danghaiin, “Vantirkoin ama a biek a nih,” an ta.

JOHAN 12:29 Iomraidhean Croise

JOB LEKHABU (THE BOOK OF JOB) 40:9

Annawleh, Pathien angin bân i nei am a nih? Ama ang chun râwlriin i sukrûm thei am a nih?

FESUOKNA 19:16

Ni thum ni chun zîngkâr a la ni laiin, vâninrûmhai, ṭêktlahai, tlâng chunga sûm sâmup le, tawtawrâwt ri inringtak el chu a um ta a; bûka mipui um po po chu an inthin ta a.

FESUOKNA 20:18

Mipui po po chun vâninrûmhai, ṭêktlahai, tawtawrâwt ri le, tlâng khu suok chu an hmu chun mipui chu an inthin a, hlatakah an ngîr a.

EZEKIEL 10:5

Chun, cherubhai thla ri chu Pathien Iengkimthawtheiin thu a hril laia a râwl angin, tuollai puo lema inthawk khawm chun ân hriet a.

THILTHAWHAI 9:7

Chun, ama le fehai chu hril ding hre lovin an ngir a, rawl chu an hriet a chu tukhawm an hmu si nawh.

THUPUONGSUO 11:19

Chun, vâna Pathien biekin chu ân hawng a, chuongchun, biekina chun a thuthlungna bâwm chu a hung inlang ta a; chun kâwlinlep dâm, rawl dâm, vân inrûm dâm, simkhawleihnuoi inhnîng dâm, riel nasatak dâm, a hung um nghâl ta a.

THUPUONGSUO 14:2

Chun, vâna inthawka rawl ri, tui tamtak ri ang le, vâninrûm ri nasatak ri ang, ka hriet a; chun, ka ri hriet chu ṭingṭang keituhaiin an ṭingṭang an kei ri ang a na,

THUPUONGSUO 6:1

Chun, Berâmte chun inchikna pasari laia pakhat chu a sût lai ka hmu a; chun, thilhring palihai laia pakhat chun, vâninrûm ang elin, “Hung rawh,” a ti ka hriet a,

THUPUONGSUO 8:5

Chun, vântirko chun riminhnik rawna bâwm chu a lâk a, maichâma meiin a suksip a, hnuoiah a peithlâk ta a; chuongchun, vâninrûm dâm, rawl dâm, kâwlinlep dâm, simkhawleihnuoi inhnîng dâm, a hung um ve nghâl ta a.