JOHAN 12:28 - Pathien Lekhabu Inthieng (BSI)

²⁸ Pa, i hming inchawimawi rawh,” a ta. Chuongchun, vâna inthawkin râwl a hung suok a, “Ka chawimawi tah, chawimawi nâwk bawk ka tih,” a ta.

JOHAN 12:28 Iomraidhean Croise

MATTHAI 26:42

Chun, vawi hninaah a va fe a, a ṭawngṭai nâwk a, “Aw Pa, ka dâwn lova hi no hin a mi khêl thei lul naw chun, nangma thu thu ni raw se,” a ta.

MATTHAI 17:5

A la hril lai zingin ngai ta, sûm vârtakin anni a hung hlie ta a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

MATTHAI 3:17

Chun, ngai ta, vâna inthawkin râwlin “Hi hi ka Naupa dittak, ka ilâwm bêk bêk chu a nih,” a ta.

2 PETER 1:17

Ama chun Pa Pathien kuoma inthawkin chawimawina le ropuina a hmu a, chu lai chun ropuina nasataka inthawk chun hieng ang râwl hi a kuomah a hung tlung a, “Hi hi ka Naupa dittak, ka ilâwm bêk bêk a nih,” tiin.

EPHESI 3:21

chatuonin, suon po po chenin kohrana le Krista Isua chun ropuina um raw se. Amen.

EPHESI 3:10

Chuongchun, tulaia vân hmunhaia khin inlalna le thuneinahai kuoma chun, Pathien varna tinrêng kohranhai leiin inhriettirin um thei a tih;

EPHESI 2:7

Chuongchun, hun la hung tlung dinghaia chun Krista Isua hin ei chunga ngilneiin, a lunginsietna nasatzie chu inentir thei a tih.

JOHAN 18:11

Chuongchun, Isûn Peter kuomah, “Kâwlhnâm kha a bâwmah thun rawh; Pain no, kei a mi pêk hi ka dâwn naw ding am a nih?” a ta.

JOHAN 11:4

Isûn chu chu a hriet a, “Hi natna hi thina ding a ni nawh, Pathien ropuina ding a ni lem, Pathien Naupa chu hi lei hin a la mawina dingin,” a ta.

JOHAN 9:3

Isûn, “Hi mipa hin a suksuol nawh, a nu le a pain an suksuol bawk nawh, Pathien sinthaw a chunga ân langna dingin a ni lem.

LUKA 9:35

Chun, sûma chun râwl a hung suok a, “Hi hi ka Naupa, ka thlang chu a nih, ama thu ngai ro,” a ta.

LUKA 3:22

Thlarau Inthieng chu taksa putin vaṭhu angin a hung ṭum a, a chungah a fu ta a; chun, vâna inthawkin râwl a hung suok a, “Nang ka Naupa dittak i nih; i chungah ka lâwm ngawt el,” a ta.

MARKA 14:36

“Abba, (Pa,) iengkim i thaw thei a, hi no hi ka kuoma inthawkin la sawn rawh; nisienlakhawm, keia thu ni lovin, nangma thu thu ni lem raw se,” a ta.

MARKA 9:7

Chun, anni chu hliein sûm a hung suok a, “Ahi ka Naupa dittak a nih, ama thu ngai ro,” a ta.

MARKA 1:11

Chun, “Nang ka Naupa dittak i nih, i chungah ka lungni bêk bêk a nih,” tiin vâna inthawkin râwl a hung suok a.

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i puong lei hin kân pâk che.

MATTHAI 11:26

Anih, Pa, chuong anga thaw chu i ngaiin a ṭha a nih.