JOHAN 12:23 - Pathien Lekhabu Inthieng (BSI)

²³ Chun, Isûn a dawn a, an kuomah, “Mihriem Naupa chawimawia a um hun chu a tlung tah.

JOHAN 12:23 Iomraidhean Croise

ISAI 55:5

Ngai ta, i hriet naw hnam chu ko i ta, nangma hre ngailo hnam chu i kuomah hung tlân an ta; Lalpa i Pathien lei le, Israelhai Mi Inthieng lei chun; ama chun a chawimawi si che a.

ISAI 60:9

Ama chun a chawimawi che leiin Lalpa i Pathien hming ta ding le Israelhai Mi Inthieng ta ding chun i naupasalhai an tangka le rângkachak leh hlataka inthawka ṭhuoi dingin matheilovin thlierkârhai chun mi nghâk an ta. Tarsis lawng lienhai chun hmasak inchûng an tih.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MATTHAI 26:45

Chu zoa chun, inchûktirhai kuomah a hung nâwk a, an kuomah, “Tuhin chu in unla châwl ta ro! Ngai ta u; a hun chu a hung tlung ta a, Mihriem Naupa hi mi suolhai kutah an inmantir ding a ni hi.

MARKA 14:35

Chun, hmatieng chun a va fe met a, hnuoia chun a bawkkhup a, thaw thei ni sien chu chu hun chun ama khêl dingin a ṭawngṭai a.

MARKA 14:41

Chun, a hung a, a vawi thumnaa chun an kuomah, “Tuhin chu in unla châwl ta ro, a hun tâwk tah! a hun chu a tlung a ni ta hi! Ngai ta u, Mihriem Naupa hi mi suolhai kutah an inmantir ding a ni hi.

JOHAN 12:16

Chuong thu chu a tîrin a închûktirhaiin an hriet nawh; nisienlakhawm, Isu chawimawia a um hnung chun, a chanchinah chuong thu chu ziek a nih ti le, a chungah chuong thil chu an lo thaw ngei ti an hriet ta a.

JOHAN 12:27

“Tuhin ka lungril a lunginzîng, ieng am hril ka ta aw? ‘Pa, hi huna inthawk hin mi sanhim rawh,’ ka ti ding am a nih? Ti lo e, hi ding lei taka hi, hi huna hi hung ka nih,

JOHAN 13:1

Chun, Fekân Ruoiṭhe hmain Isûn hi khawvêl hi suok sana, Pa kuoma a fe hun a tlung tah ti a hriet a. Amaa mi khawvêla um a hmangai hlakhai chu, a tâwp chen khawmin a hmangai zing a.

JOHAN 7:39

(Chuong thu chu ama ringtuhaiin Thlarau an nei dingzie thu a hrilna a nih; Thlarau chu pêk a la ni hri nawh, Isu chu chawimawia a la um hri naw leiin.)