JOHAN 11:55 - Pathien Lekhabu Inthieng (BSI)

⁵⁵ Chun, Judahai Fekân Ruoiṭhe chu a hnai ta a, mi tamtak inthien dingin rama inthawk, Fekân Ruoiṭhe hma chun, Jerusalemah an hang fe a.

JOHAN 11:55 Iomraidhean Croise

INṬANNA 35:2

Chuongchun, Jakob chun a sûnghai le a kuoma umhai po po kuoma chun, “Nangni laia mi dang pathien umhai chu sie hmang dai unla, insukthiengin in silfênhai inthleng ro:

JOB LEKHABU (THE BOOK OF JOB) 1:5

Chun, an ruoiṭhena nihai vêl chu a kim pha chun Job chun ân cha a, anni chu a hlânthieng hlak a; zîngkâr inhmatakin a tho a, an rênga anni nizât hming kimin pumrawhmang thilinhlânhai ân hlân a: Job chun, “Ka naupasalhai hin thil lo suksuolin, an lungrilhaiah Pathien hrilsie hlau rawi an tih,” a ti si a. Chuong ang chun Job chun a thaw rawp hlak a.

INPÂKNA HLABU 26:6

Ka kuthai hi demkailonain sâwp ka ta, Chuong ang chun, aw Lalpa, i maichâm chu fe huol ka tih.

FESUOKNA 19:10

Lalpa chun Mosie kuomah, “Mipui kuoma chun fe la, vawisûn le zîngah sukthieng rawh, an silfênhai chu sâwp hai sienla;

NAMBAR 9:10

“Israel mihai kuomah, ‘Nangni laia mi khawm, in thlahai laia mi khawm, mithi ruong leia thieng naw amanih, lo thanghmang amanih an um hlau chun Lalpa ta dinga Fekân ruoiṭhe chu an nei ve hrim hrim ding a nih.

NAMBAR 9:6

Chun, tuhai amanih mithi ruong leia thieng naw an lo um a. Chu ni chun fekân ruoiṭhenaa chun an ṭhang ve thei naw a. Chuongchun, chu ni chun Mosie le Aron hmaa chun an fe a.

MATTHAI 26:1

Chun, Isûn chuong thu po po chu a hril zoin, a închûktir hai kuomah,

MATTHAI 26:2

“Ni hni chenah Fekân ruoi a hung um ding a nih ti in hriet a, Mihriem Naupa hi hemde dingin an inmantir ding a nih,” a ta.

MARKA 14:1

Chun, ni hni hnung chun Fekân Ruoiṭhe le Chawlṭhanglo bei Ruoiṭhe a um ding a na; Thiempu lalhai le Dân inchûktirtuhai chun ama chu zâwra, mana sukhlum theina dingzie an zawng an zawng a.

LUKA 22:1

Chun, Chawlṭhanglo Bei Ruoiṭhe, Fekân Ruoiṭhe an ti chu a hnai ta a.

JOHAN 12:1

Chun, Fekân Ruoiṭhena ding ni ruk a la umin, Isu mithi laia inthawka a keitho Lazar umna Bethani kha a hung tlung a.

JOHAN 13:1

Chun, Fekân Ruoiṭhe hmain Isûn hi khawvêl hi suok sana, Pa kuoma a fe hun a tlung tah ti a hriet a. Amaa mi khawvêla um a hmangai hlakhai chu, a tâwp chen khawmin a hmangai zing a.

JOHAN 18:28

Chun, Isu chu Kaiapha ina inthawk chun lal inah an ṭhuoi nâwk a. Zingkâr a na; chun anni chu lal inah an lût nawh, chuong naw chun, inthieng naw nîng an ta, Fekân Ruoiṭhe fa thei naw ni hai.

JOHAN 2:13

Chun, Judahai Fekân Ruoiṭhe a hnai ta a, Isu Jerusalemah a hang fe a.

JOHAN 2:6

Chun, Judahai inthien dân angin lung tuibêl paruk, bûk sâwmli hmun hni amanih, hmun thum amanih keng seng chutaka chun an intung a.

JOHAN 5:1

Chuong thil hnunga chun Judahai ruoiṭhe pakhat a um a; Isu Jerusalemah a hang fe a.

JOHAN 6:4

Fekân Ruoiṭhe (Judahai Ruoiṭhe chu) a hnai ta a.

THILTHAWHAI 21:24

Chuonghai chu ṭhuoi la, anni lai inthien fai ve la, an lu an vaw theina dingin an ta dingin sum sêng rawh: chuongchun, mi po poin mi baua i thu an hriethai kha, a tak a ni naw hrieng an ta, nang ngei Dân hrawin feltakin i um lem a nih hre el an tih.

THILTHAWHAI 21:26

Chun, a zînga chun Paulain pasalhai chu a ṭhuoi a, anni lai ân thienfai ve a, Pathien biekina chun a lût a, an ta dinga sa that seng ding a pêk pêk hmakhat chu inthienfainain an nei hri ding a nih ti, thiempu kuoma chun an hril lâwk a.

THILTHAWHAI 24:18

Chuong lai chun, mipui khawm, sukbuoitu khawm um lovin, Pathien biekinah insukthiengin an mi hmu a.

1 KORINTH 11:28

Mi tin mani infie seng sienla, chuong ang chun bei chu fain no chu dâwn raw se.

JAKOB 4:8

Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.

1 SAMUEL 16:5

Ama chun, “Thu ṭhaa hung ni e, Lalpa kuoma inthâwi dinga hung ka nih; insukthieng unla, inthâwinaah hung ve ro,” a ta. Chun, Jesai le a naupasalhai chu a sukthieng a, inthâwinaa chun a ko ve a.