JOHAN 11:52 - Pathien Lekhabu Inthieng (BSI)

⁵² Chuhai chihai ai chau chun a ni nawh, Pathien nau khawvêla indarhai po po pâwl khata a ṭhuoi khâwmna dingin a ni bawk.)

JOHAN 11:52 Iomraidhean Croise

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

INPÂKNA HLABU 22:15

Ka tha hi bekawihâr angin a ṭâwl zo vawng a, Ka lei khawm hi ka dangah a kawp ta tlat a; Nangin thina pilvuta hin i mi ṭhuoi lût tah a ni hi.

INPÂKNA HLABU 22:27

Kâwlkawdawnga mi po po khawmin hre nâwk an ta, Lalpa tieng ngha tâng an tih: Hnam tina chi tin i hmaah kûn an tih.

INPÂKNA HLABU 72:19

A hming ropuitak hi kumkhawtluongin inpâkin um bawk sienla, Hnuoi pumpui khawm hi a ropuinaa suksipin um raw se; Amen, Amen.

ISAI 49:18

“Tang la, i mit inlên vêl la, en rawh; hieng po po hi an inkhâwm a, i kuomah an hung a ni hi. Ka hringna sâlin, ‘Nang chun chawimawina inbel angin hienghai hin inbelin, mo chu ân khit angin, hienghai hin inkhit ngei i tih’, Lalpain a tih.

ISAI 49:6

ama chun, “Jakobhai hnam tungdingna ding le Israelhai laia humhima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwlkawdawng chena ka sandamna chu a tlung theina dingin,” a ta.

ISAI 55:5

Ngai ta, i hriet naw hnam chu ko i ta, nangma hre ngailo hnam chu i kuomah hung tlân an ta; Lalpa i Pathien lei le, Israelhai Mi Inthieng lei chun; ama chun a chawimawi si che a.

ISAI 56:8

Lalpa Pathien, Israelhai hnawt suoka umhai ṭhuoi khâwmtu chun, “Ama ta ṭhuoi khâwma umhai naw khawm hnam danghai a kuomah la ṭhuoi khâwm ka tih,” a ta.

ISAI 60:4

Tang la, i mit inlên vêl la, en rawh: an rêngin an inkhâwm a, i kuomah an hung a ni hi: i naupasalhai chu hlataka inthawkin hung an ta, i naunuhmeihai chu hung pawm an tih.

EZEKIEL 34:12

Berâmpu chun sûnah a berâm ruol chu a zawng a, berâm a lo indarhai laia chun a um hlak angin, ka berâmhai chu zawng suok ka ta; inthim le sûmzîng nia an lo invâk darna hmunhai po poa inthawk chun anni chu zawng suok ka tih.

HOSEA 1:10

Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

LUKA 15:8

“Chun, nuhmei tûkhawm duli sâwm neiin pakhat inhmang ang sienla, khâwnvar insita, in phîtin, a hmu nâwk hmakhat chu nguntakin tûin am zawng nâwng a ta?

LUKA 2:32

Jentailhai kuoma suklangna var le I mi Israelhai ropuina ding chu,” a ta.

JOHAN 1:12

Nisienlakhawm, ama lo lâwma a hming ringtu taphawthai kuomah chun, Pathien nauhai ni theina ding a pêk.

JOHAN 1:29

Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 10:16

Chun, hi berâm huona mi naw khawm hi, berâm dang ka nei; anni khawm ka la hung ṭhuoi ding a nih, ka râwl khawm hrieng an tih, chuongchun, pâwl khatin um an ta, a vêngtu pakhat leh.

JOHAN 12:32

Chun, kei hnuoia inthawka khaikânga ka um chun, mi po po keia tieng hîp ka tih,” a ta.

THILTHAWHAI 18:10

kei i kuomah ka um annâwm, sukna ding chein tukhawmin i chungah kut thlâk naw ni hai; hi khuoa hin mi tamtak ka nei si a,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:29

Pathien chu Judahai Pathien chau am a nih? Jentailhai Pathien khaw m a ni ve naw am a nih? Ni ve e.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:17

mithihai sukhringtu le, thil umnawhai a taka inumtirtu, a iring Pathien mithmua chun; “Chi tamtakhai pain siem ka ti che” tia ziek ang khan.

EPHESI 1:5

Ama lungdit, a lâwmzâwng angin Isu Krista zârah ama ta dinga naua siem dingin a mi lo ruot lâwk ta a,

EPHESI 3:11

ei Lalpa Isua thaw a itum, a chatuon remruot ang pei chun.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.

1 PETER 1:1

Peter, Isu Krista tirko chun: Ponto ram dâm, Galati ram dâm, Kappadokia ram dâm, Asia ram dâm, Bethunia ram dâma Indar umhai,

1 JOHAN 2:2

Ama chu ei suolhai thuphachawina a nih; eini suol chau ni lovin, khawvêl po po suol thuphachawina khawm a nih.

1 JOHAN 3:1

Ngai ta u, Pain a mi hmangaina chu a va nasa de! “Pathien nauahai,” a mîn bûk ta chu; chuong ang chu ei ni hrim a nih. Hi hi lei hin khawvêlin a mi hriet naw a nih, ama chu an hriet naw leiin.

1 JOHAN 3:10

Hitaka hin Pathien nauhai le Diebol nauhai ân hriet a nih; tûkhawm felna thaw naw chu Pathiena inthawka suok a ni naw a, a unau hmangai naw khawm chu Pathiena inthawka suok a ni bawk nawh.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,