JOHAN 11:25 - Pathien Lekhabu Inthieng (BSI)

²⁵ Chun, Isûn a kuomah, “Kei hi thonâwkna le hringna chu ka nih; tûkhawm a mi ring chu thi sienla khawm hring zing a tih;

JOHAN 11:25 Iomraidhean Croise

INPÂKNA HLABU 36:9

Hringna tuikhur chu i kuomah a um si a. I vara chun var la hmûng kan tih.

ISAI 26:19

I mithihai chu hring nâwk an ta, an ruonghai chu tho nâwk an tih. Pilvuta umhai, har unla, hlimtakin hla sak ro, i daidâw chu thlaihai daidâw ang a na, hnuoi hin mithihai chu a pei suok ding a ni si a,” ti hi.

ISAI 38:16

Aw Lalpa, hieng ang thil lei hin mihriemhai hi an hring hlak a, Chuonga chau chun ka thlarau hringna chu a um hlak; Chu chu lei chun mi sukdam nâwkin mi sukhring nâwk rawh.

LUKA 23:43

Chun, ama chun a kuomah, “Titakzetin ka hril che hi, vawisûn hin ka kuomah Paradisah um vêng i tih,” a ta.

JOHAN 1:4

Amaa chun hringna a um; chu hringna chu mihriemhai var a nih.

JOHAN 14:19

Sâwt nawtê hnungah khawvêlin mi hmu nâwk ta naw ni, nisienlakhawm, nangni chun mi hmûng in tih; kei ka hring leiin nangni khawm hring in tih.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang naw a, chatuona hringna an nei lemna dingin.

JOHAN 3:36

Tûkhawm Nau ring taphawt chun chatuona hringna an nei tah, nisienlakhawm, tûkhawm Nau thu awi naw taphawt chun hringna nei naw hi hai, Pathien lunginsenna an chungah a um zing lem a nih,” a ta.

JOHAN 5:21

Pain mithihai a keithoa a sukhring hlak angin, Naupa khawm- in a nuom nuom a sukhring hlak.

JOHAN 5:26

Pa chun mânia hringna a nei ang bawkin, Naupa mânia hringna neiin a siem;

JOHAN 6:35

Chun, Isûn an kuomah, “Kei hi hringna bei chu ka nih, tûkhawm ka kuoma hung chu phîngṭâm naw ni, tûkhawm a mi ring chu iengtika khawm dangchâr naw ni.

JOHAN 6:44

Pa a mi tirtuin a hîp naw chun tukhawm ka kuomah hung thei naw ni hai; chun, keiin ni kin nia chun a hung chu keitho ka tih.

THILTHAWHAI 3:15

Hringna Siemtu chu in that a; nisienlakhawm, Pathienin ama chu mithi laia inthawkin a keitho nâwk tah; chu chu a hretuhai kan nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:17

mithihai sukhringtu le, thil umnawhai a taka inumtirtu, a iring Pathien mithmua chun; “Chi tamtakhai pain siem ka ti che” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:2

Krista Isua Hringna Thlarau dân chun suolna le thina dâna inthawk chun a mi sansuok ta si a.

1 KORINTH 15:18

Chuong chu a ni chun, Kristaa in tahai kha an bohmang tah nîng a tih.

1 KORINTH 15:29

Chuong ang a ni naw chun, mithi puola baptisma changhai chu iengtin am thâwng an ta? Mithihai chu keithoa an um dêr si naw ding chun, iengdinga anni puola baptisma an chang hlak?

2 KORINTH 4:14

Lalpa Isu keithotu chun keini khawm Isu kuomah a mi keitho ve ding a na; nangni leh a mîn ngîrtir ding a nih ti kan hriet si a.

PHILIPPI 1:23

Chamlakin a ngaina hre lovin ka um el a nih, fe suoka Krista kuoma um inhâwkna ka nei leiin, chu chu a ṭha lem bêk bêk si a.

PHILIPPI 3:10

Krista le a thonâwkna thilthawtheina chu ka hriet chieng theina ding le a tuornahai inṭawmpuia, a thinaa ama ang ka hung ni theina dingin;

1 THESSALONIKA 4:14

Isu a thi a, a tho nâwk tah ti ei ring si chun, Isua intahai chu Pathienin ama ruolin hung ṭhuoi sa ngei a tih.

THUPUONGSUO 1:18

Mi Hring chu ka nih, ka lo thi a, nisienlakhawm, ngai ta, kumkhuoa dingin ka hring nâwk ta a nih. Thina le Mithi Khaw chabihai chu ka nei bawk a.

THUPUONGSUO 20:5

(Mithi danghai ruok chu kum sâng khat chu ân vawi hmakhat chu an la hring hri naw a.) Chu chu thonâwkna hmasa chu a nih.

THUPUONGSUO 21:4

An mita inthawkin mitthli po po hrufai a ta; Thina um nâwk ta naw ni a, Lungngai dâm, ṭap dâm, nat dâm khawm, Um nâwk ta bawk naw ni a; Thil hmasahai chu a bo tah,” tiin.

THUPUONGSUO 22:1

Chun, ama chun, a khawlai taka, hringna tui vadung, krustal lung anga tle, Pathien le Berâmte lalṭhungphaa inthawka hung suok, a mîn entir a.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.