JOHAN 11:15 - Pathien Lekhabu Inthieng (BSI)

¹⁵ Chutaka ka um naw chu ka lâwm pêk cheu, in ring theina dingin; nisienlakhawm, a kuomah fêng ei tiu,” a ta.

JOHAN 11:15 Iomraidhean Croise

INṬANNA 26:24

Chu zân ngei chun Lalpa chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti che a, ka siehlaw Abraham leiin i thlahai chu ka la sukpung ding a nih,” a ti a.

INṬANNA 39:5

A inah hotuin a siem a, a nei po po chunga hotua a siem chena inthawk chu Josef leiin Lalpa chun Aigupta mi sûng khat chu mal a sâwm ta a; in tieng le ram tienga a nei po po chu Lalpain mal a sâwm a.

INPÂKNA HLABU 105:14

Tu inêksâwr khawm a phal naw a, Anih, anni leiin lalhai khawm a kâwk a,

ISAI 54:15

Ngai ta, an la pung khâwm a ni thei, nisienlakhawm, ka thu ni naw ni; nangma thaw dinga pung khâwm taphawt chu nangma leiin tlûng an tih.

ISAI 65:8

Lalpa chun hieng ang hin a tih, “Grêp bâwrah uoin thar an hmu a, miin, ‘Sukse naw, khataka khan malsâwmna a um si,’ an ti ang khan, ka siehlawhai leiin ti vêng ka tih, an rênga ka suksiet vawng nawna dingin.

JOHAN 11:14

Chuongchun, Isûn fietakin an kuomah a hril a, “Lazar a thi a nih.

JOHAN 11:16

Chun, Thoma (Didum an ti bawk) chun, ân chûktir chanpuihai kuomah, “A thinaa thi ve dingin fe vêng ei tiu,” a ta.

JOHAN 11:4

Isûn chu chu a hriet a, “Hi natna hi thina ding a ni nawh, Pathien ropuina ding a ni lem, Pathien Naupa chu hi lei hin a la mawina dingin,” a ta.

JOHAN 12:30

Isûn a dawn a, “Chu râwl chu ka ta dinga hung suok a ni nawh, nangni ta dingin a ni lem.

JOHAN 17:19

Anni leiin kân sukthieng a nih, anni khawm thutaka an inthieng theina dingin.

JOHAN 2:11

Isûn hi a thilmak thaw phutna hi Galili ram Kana khuoa chun a thaw a nih, a ropuizie ân langtir a; chun, a inchûktirhai chun ama chu an ring ta a.

2 KORINTH 4:15

Iengkim nangni ṭhatna ding a ni si a, lunginsietna chu mi tam lem zâra sukpunga umin, Pathien ropuina dinga lâwmthu nasatak ân hriltir theina dingin.

2 TIMOTHE 2:10

Chuleiin, Krista Isua um sandamna chu, chatuona ropuina leh an hmu ve theina dingin, thlanghai lei chun iengkim ka tuor hlak.

1 JOHAN 5:13

Chatuona hringna in nei ti in hriet theina dingin, nangni Pathien Naupa hming ringtuhai kuomah hieng thu hi ka ziek a nih.