JOHAN 11:10 - Pathien Lekhabu Inthieng (BSI)

¹⁰ Amiruokchu, mi zânah a lêng chun a pêm hlak, amaa chun var a um naw leiin,” a ta, a dawn a.

JOHAN 11:10 Iomraidhean Croise

INPÂKNA HLABU 27:2

Thil ṭha naw thawhai, mi dotuhai le ka hmêlmahai chun, ka sa fâk tuma an mi thaw lai khan, An insui a, an tlu tâwl ta a.

THUHRILTU 2:14

Mi var mithai chu a lua chun a um a, mi invêt ruok chu inthimah a lâwn; amiruokchu, an rênga chungah khawrêl angkhat a tlung tho ti ka hmu a.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin Lalpa in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem ta a.

JEREMIA 20:11

Nisienlakhawm, Lalpa chu mi huoisen, ṭium tak angin ka kuomah a um a; chuleiin, a mi sukrinumtuhai chu insui thlûng an ta, mi hne naw ni hai; muolphotakin um an ta, hlawtling naw ni haia, an kumkhuo hmingsietna chu theinghilin um naw nih.

MATTHAI 13:21

nisienlakhawm, amaa chun zung a um naw leiin sâwt nawte chau a um a; chun, thu lei chun, rinumna amanih, suknawmnatna amanih a hung um phingleh a tlu nghâl el hlak.

JOHAN 11:11

Chuong thu chu a hril a; chun, chu hnunga chun an kuomah, “Ei ruolpa Lazar chu a ininnghil ta a; a ininnghil keihar dingin ka fe ding a nih,” a ta.

JOHAN 11:9

Isûn, “Sûnah dârkâr sâwm le pahni a um naw am a nih? Mi sûnah a lêng chun a pêm ngai nawh, hi khawvêl var hi a hmu leiin.