JOHAN 10:3 - Pathien Lekhabu Inthieng (BSI)

³ Kawtkhâr vêngtuin ama chu a lo hawng pêk hlak a; berâmhaiin a râwl an hriet hlak a; ama berâmhai chu an hmingin a ko seng a, a ṭhuoi suok hlak a.

JOHAN 10:3 Iomraidhean Croise

INPÂKNA HLABU 80:1

Aw Israelhai vêngtu, Berâm pâwl anga Josefhai ṭhuoitu, na lo sit raw aw; Nang cherubhai chunga ṭhung chu, hung var suok rawh.

FESUOKNA 33:17

Lalpa chun Mosie kuomah, “I hril ang tak chun thâwng ka tih: hmingin ka hriet che a, ka lunginsietna chu i hmu ta si a,” a ti a.

THUVARHAI 27:23

I ranruolhai umdân hre dingin taima hle la, I bâwngruolhai chu en ṭha rawh.

HLAHAI HLA 8:13

Huonahai chun nang chu i chêng a, Ruolhai nangma râwl ngaituhai chun; Kei khawm an mîn ngaitir a.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a ângsûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

JOHAN 10:14

Kei chu berâm vêngtu ṭha ka nih; ka ta chu ka hriet a, ka ta khawmin an mi hriet a nih,

JOHAN 10:16

Chun, hi berâm huona mi naw khawm hi, berâm dang ka nei; anni khawm ka la hung ṭhuoi ding a nih, ka râwl khawm hrieng an tih, chuongchun, pâwl khatin um an ta, a vêngtu pakhat leh.

JOHAN 10:4

A ta po po ân suoktir phingleh, an hma a ṭhuoi a, berâmhaiin ama an zu i hlak a, a râwl an hriet si a.

JOHAN 10:9

Kei kawtkhâr chu ka nih; tûkhawm keimaah a lût chun, humhimin um a ta, lûtin suok a ta, fâk ding hmu bawk a tih.

JOHAN 6:37

Pain a mi pêkhai po po ka kuomah hung vawng an tih; tûkhawm ka kuoma hung chu hnawt suok naw tawp ka tih.

JOHAN 6:45

Zâwlneihai Lekhabuah, ‘Pathien inchûktirin um vawng an tih,’ ti ziek a nih. Mi tin Pa thu hrea inchûk taphawt chu ka kuomah an hung hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:30

Chun, a ruot lâwkhai chu a ko bawk a; a kohai chu thiem ân changtir bawk a; chun, thiem ân changtir hai chu a châwimâwi bawk a.

1 KORINTH 16:9

kawtkhâr lientak le ṭangkai tak chu ka ta dingin ân hawng si a, dotuhai tamtak an um bawk.

PHILIPPI 4:3

Anih, nang khawm ka rîngkawl bâtpui tak, ka fiel bawk che, kha nuhmeihai kha ṭhangpui rawh. Chanchin Ṭhaa chun an mi thawpui hlak si a; Klemen le ka sinthawpui dang Hringna bua hming chuonghai le khan.

KOLOSSA 4:3

Khuopa ka umna san, Krista thurûk chu hril dinga Pathienin thu ta dinga kawt a mi hawngpêk theina dingin, kei ngei khawm mi ṭawngṭai pêk ro;

2 TIMOTHE 2:19

Nisienlakhawm, Pathien lungphûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.

1 PETER 1:12

Chuong thu chun mani rawng inbâwl lovin, nangni rawng an bâwl lem ti an kuomah inhriettir a ni tah. Chuong thu chu vâna inthawka tirsuok Thlarau Inthieng ṭhangpuiin, Chanchin Ṭha hriltu cheu khan tuhin an hril cheu a, chuong thil chu vântirkohaiin bi an nuom hlak a nih.

1 JOHAN 4:6

Eini Pathiena inthawk ei na; Pathien hretu chun ei thu a ngai hlak a, Pathiena inthawka mi ni lo chun ei thu a ngai ngai nawh. Chuonga chun thlarau indiktak le indiknaw ei hriet a nih.

3 JOHAN 1:14

sâwtnawtê hnunga hmu che ka beisei lem a, chuongchun, inhmatuoin inbieng ei tih.

THUPUONGSUO 20:15

Tûkhawm Hringna Buah a hming ziek an hmu naw chun mei dilah an pei bawk a.

THUPUONGSUO 3:20

Ngai ta, kawtkhâr bula ngîrin ka nawk hi; tûkhawmin ka rawl hrea kawt a hawng chun a kuomah lût ka ta, a kuomah zânbu fâng ka ta, ama khawmin ka kuomah fa bawk a tih.

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.