JOHAN 10:24 - Pathien Lekhabu Inthieng (BSI)

²⁴ Chun, Judahai a kâwlah an hung a, a kuomah,“Ieng chen am lungâwpinkaiin i mi sie ding a na? Krista i ni chun feltakin mi hril rawh,” an ta.

JOHAN 10:24 Iomraidhean Croise

1 LALHAI 18:21

Chun, Elija chun mipuihai po po chu a va hnai a, “Lung âwpinkaiin ieng chen am in um ding a na? Lalpa chu Pathien a ni chun, ama chu zui unla; chun, Baal chu a ni chun ama chu zui ro,” a ta. Mipuihai chun bau khat khawmin an dawn nawh.

MATTHAI 11:3

“A hung ding chu i ni, mi dang kan la ngai ding?” tiin.

MARKA 8:32

Chuong thu chu chiengtakin a hril a. Chun, Peter chun ama chu a tumin a ṭhuoi a, a kâwk a.

LUKA 3:15

Chun, mihaiin an beisei a, mi po poin Johan chungthu an lungrilah, “Krista a lo ni el khat rawi am?” tia an ngaituo laiin,

JOHAN 1:19

Chun, Judahaiin, “Tû am i na?” tia indawn dingin Jerusalema inthawkin a kuomah thiempuhai le Levi chia mihai an tir lai khan, hieng hi Johan thu lo inhriettir chu a nih:

JOHAN 10:31

Chun, Judahai chun a dêngna dingin lung an rût nâwk a.

JOHAN 10:33

Judahai chun a kuomah, “Sin ṭha chunga lunga dêng ding che kan ni naw a; Pathien i hrilsietna chunga le, nang mihriem ni si a, Pathiena în siem lei hin a ni lem a nih,” tiin an dawn a.

JOHAN 16:25

“Chuong thu chu a thawiin in kuomah ka hril tah; a hun a tlung ding a nih, chu pha chun a thawiin in kuomah thu hril nâwk ta naw ning a, fietakin Pa chanchin hril lem ka ti cheu.

JOHAN 8:25

Chun, anni chun a kuomah, “Tû am i ni leh?” an ti a. Isûn an kuomah, “A tira inthawkin in kuomah ka hril hlak kha.

JOHAN 8:53

Kan thlatu Abraham nêkin i ropui lem am a nih? Ama khawm a thi tah, zâwlneihai khawm an thi tah; tuin am însiem leh?” an ta.

JOHAN 9:22

Judahai an ṭi leiin a nu le pa chun chuong thu chu an hril a nih; Judahaiin, chu hma khawm chun tûkhawmin “Ama chu Krista a nih,” tia an ṭan chun, inkhâwmna inah hnawng an tih ti hi an remti sa a na.

2 KORINTH 3:12

Chuongchun, chuong ang beiseina chu kan nei leiin iengkim kan hril suok hlak a nih;