JOHAN 10:14 - Pathien Lekhabu Inthieng (BSI)

¹⁴ Kei chu berâm vêngtu ṭha ka nih; ka ta chu ka hriet a, ka ta khawmin an mi hriet a nih,

JOHAN 10:14 Iomraidhean Croise

INPÂKNA HLABU 1:6

Lalpa chun mi felhai lampui chu a hriet si a, Mi rilohai lampui ruok chu bohmang a tih.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a ângsûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

NAHUM 1:7

Lalpa chu a ṭha a, lunginzîng nia chun kul nghet a nih, amaa an ringna innghattuhai chu a hriet.

JOHAN 10:11

Kei bêram vêngtu ṭha chu ka nih; berâm vêngtu ṭha chun berâmhai ta dingin a hringna a pêk hlak.

JOHAN 10:13

inhlawfa a na, berâmhai a ngai- sak naw leiin a tlânsan hlak a nih.

JOHAN 10:27

Ka berâmhaiin ka râwl an hriet hlak, kei khawmin anni chu ka hriet, anni chun an mi zui hlak.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 17:8

Nangin thu i mi pêkhai kha an kuoma ka pêk ta si a; chuong chu an vawn a, i kuoma inthawka suok ka nih ti indiktakin an hriet tah, nangin i mi tir ti khawm an awi tah.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

EPHESI 1:17

ei Lalpa Isu Krista Pathien, ropuina Pa chun, ama hrietna kawngah, varna le hriet chiengna thlarau a pêk theina ding cheuin.

EPHESI 3:19

Krista hmangaina hriet phâk lo hriet theina nei a, Pathien famkimna tinrênga suksipa in um theina dingin.

PHILIPPI 3:8

A ni takzet el, ka Lalpa Isu Krista hrietna ropui bîk leiin, thil tinrêng khawm chânnaah ka ngai a nih; ama lei chun thil po po ka chân ta vawng a, chuongchu hnephnâwl ang chauah ka ngai a nih.

2 TIMOTHE 1:12

Chu lei chun a nih hieng thilhai khawm hi ka tuor chu, nisienlakhawm, kân zak nawh, ka iâwi chu ka hriet a, a kuoma ka înkawltir chu chû nia ding chun a vawng ṭha thei ti indiktakin ka hriet bawk a.

2 TIMOTHE 2:19

Nisienlakhawm, Pathien lungphûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

THUPUONGSUO 2:13

Setan lalṭhungpha innghatna hmuna um i nih ti ka hriet. Nisienlakhawm, ka hming i ṭan tlat a, chun, ka thu hretu ringum Antipa, Setan umna hmuna nangni laia an that lai khawm khan, i ringna in phat chuong nawh.

THUPUONGSUO 2:19

I thilthawzie dâm, i hmangaizie dâm, i awizie dâm, i rawngbâwlzie dâm, i selzie dâm ka hriet, i thilthaw nuhnungtakhai chu a tîr nêk khan a nasa lem ti ka hriet bawk.

THUPUONGSUO 2:2

I thilthawzie dâm, i sininrimzie dâm, i selzie dâm, mi suolhai i ngaitheinawzie dâm ka hriet. Tirko ni si lova tirko intihai chu I fie bawk a, khêlhlip an nih ti i lo hriet ta a.

THUPUONGSUO 2:9

I rinumzie dâm, i pasietzie dâm, (nisienlakhawm i hausa si), Juda tak ni lova, Setan inkhâwmna inhai ni lem si a, Juda intihai i hrilsiet zie dâm ka hriet.

THUPUONGSUO 3:1

Chun Sardisa kohran tirko kuoma chun hieng hin ziek rawh: “ ‘Pathien Thlarau pasari le arasi pasari nei khan hieng thu hi a hril a nih: I thil thawziehai ka hriet, thi zing si a, hring hming i put hi.

THUPUONGSUO 3:15

I thilthawziehai ka hriet, i dei chuong naw a, i lum chuong naw hi; i dei amanih, i lum amanih ka nuom a nih.

THUPUONGSUO 3:8

I thilthawziehai ka hriet. Ngai ta, tûkhawm ikhâr thei naw kawtkhâr hawng sa i hmaah kân umtir, thilthawtheina tlâwmtê i nei leiin: chu chu sa khawm chun ka thu i pawm a, ka hming khawm în phat naw kha.