JOHAN 10:1 - Pathien Lekhabu Inthieng (BSI)

¹ “Titakzetin, titakzetin ka hril cheu hi, tûkhawm berâm huona kawtkhâra lût lova, a dang tienga lâwn lût chu ama chu iengkhat inruhmang le suomhmang a nih.

JOHAN 10:1 Iomraidhean Croise

JEREMIA 14:15

Chuleiin, ka hminga zâwlnei thuhriltuhai chungthua chun, LALPA chun hieng hin a tih: anni chu ka tir naw a; amiruokchu, hi rama hin kâwlhnâm le ṭâm tla naw ni, tituhai, chuong zâwlneihai chu kâwlhnâm le ṭâmin sukbohmang nîng an tih.

JEREMIA 23:21

Hieng zâwlneihai hi ka tir naw a, anachu, an tlân si a; an kuoma chun thu khawm ka hril naw a, anachu, anni chun thu an hril si a.

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, Lalpa chun a tih; anni chu ka tir naw a, thu khawm ka pêk naw a; hi hnam hi suksâwt chuong dêr bawk naw ni hai, Lalpa chun a tih.”

JOEL 2:9

Khawpui chunga chun an inchâwm a; kul chungah an tlân a; in sûngahai chun an hang lâwn a; inru angin tukverahai an lût a.

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnukinrâwltakhai an ni si a.

JOHAN 10:7

Chuongchun, Isûn an kuomah a hril nâwk a, “Titakzetin, titakzetin ka hril cheu hi, kei hi berâm kawtkhâr chu ka nih,

JOHAN 3:3

Isûn a dawn a, a kuomah, “Titakzetin, titakzetin ka hril che hi mi tûkhawm an pieng thar naw chun, Pathien ram hmu thei naw ni hai,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:15

Tir an ni naw chun iengtin am thu hril an ta? “Thil ṭha chanchin lâwmum intluntuhai ke chu a va mawi de!” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl naw a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

TITA 1:11

Chuonghai bau chu huppêk ding a nih, hlêpna inthieng naw dit leia thu inchûktir naw ding inchûktirin, mihai a sûng sûngin an chawk khawhlo hlak si a.

HEBRAIHAI 5:4

Chun, tûkhawmin chu chawimawina chu mâni ta dingin an inbel ngai nawh. Aron anga Pathien iko an ni naw chun.

1 PETER 1:10

Lunginsietna, nangni ta ding ngei lo hrillâwktu zâwlneihai chun, hi sandamna hi zawngin an lo sui ngun hlak a;

2 PETER 2:1

Nisienlakhawm, mihai lai chun zâwlnei tehlêmhai khawm an hung suok kha, chuong ang bawkin nangni lai khawm inchûktirtu tehlêmhai la hung um an tih, anni chun anni inchawtu Lalpa meu chu inphatsanin, mi sukse thei ringna tumhai inrûkin la hung lûtpui an ta, mâni chungah kârlova bohmangna intlungtir an tih.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong naw a, an bohmangna hlak a ininnghil bawk nawh.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.