JOHAN 1:51 - Pathien Lekhabu Inthieng (BSI)

⁵¹ Chun, Isu bawkin a kuomah, “Titakzetin, titakzetin ka hril cheu hi, vân inhawngah, Pathien vântirkohai Mihriem Naupa chunga hin a lâwn le a ṭum la hmûng in tih,” a ta.

JOHAN 1:51 Iomraidhean Croise

INṬANNA 28:12

Chun, mang a nei a, hnuoi chunga hin leilâk a lo indaw a, a tâwp chun vân a sun a; a chunga chun Pathien vântirkohai ṭum le kaiin a hmu a.

EZEKIEL 1:1

Kum sâwmthumna kum, a thla linaa, ni nga ni chun, Kebar vadung panga salhai laia ka um lai chun, vânhai a hung inhawng a, chun, Pathiena thil hmulâwkhai chu ka hmu ta a.

ZEKARIA 13:7

“Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai Lalpa chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MATTHAI 26:24

Mihriem Naupa hi a chanchin an ziek angtak khan a fe ding a nih, nisienlakhawm, Mihriem Naupa inmantirtu ding mipa chung chu a rik! chu mihriem chu insieng naw sien la, a ta dingin ṭha lem a tih,” tiin a dawn a.

MATTHAI 3:16

Chun, Isu baptisma a chang phingleh, tuia inthawk chun a suok nghâl ta a; chun, ngai ta, a ta dingin vân a hung inhawng a, Pathien Thlarau chu vaṭhu anga hung ṭuma a chunga hung fu a hmu a.

MATTHAI 4:11

Chu hnunga chun diebol chun a zâmsan ta a. Chun, ngai ta, vântirkohai hungin a rawng an bâwlpêk ta a.

MATTHAI 8:20

Isûn a kuomah, “Sihalhaiin kuo an nei a, chunglêng vatehai khawmin bu an nei a, Mihriem Naupa ruok hin chu a lu innghatna a nei nawh,” a ta.

MATTHAI 9:6

Iengkhawm ni sienla, khawvêlah Mihriem Naupa hin suol ngaidam theina a nei ti in hrietna dingin,” a ta, (zeng kuoma chun), “Tho la, i khum la la, i inah fe rawh,” a ta.

MARKA 1:10

Chuongchun, tuia inthawka a hung suok phingle chun, vân inhawnga Thlarau vâṭhu angin ama chunga hung ṭum a hmu ta a.

MARKA 14:62

Chun, Isûn, “Ni e, Mihriem Naupa hi thilthawtheina chang tienga ṭhunga, vân sûm laia hung la hmûng in tih,” a ta.

LUKA 2:13

Chun, kârlovin vântirko kuoma chun vâna mihai mipui an hung um ta huk el a, Pathien an inpâk a,

LUKA 2:9

Chun, Lalpa vântirko pakhat an kâwlah a hung ngîr a, Lalpa ropuinân an vêl chu a hung sun var a; chuongchun, an ṭi ta bêk bêk a.

LUKA 22:43

[Chun, vâna inthawkin vântirko pakhat a sukhar dingin a hung inlâr a.

LUKA 22:69

Nisienlakhawm, tuta inthawk chu Mihriem Naupa hi Pathien thilthawtheina changtieng ṭhung tâng a tih,” a ta.

LUKA 24:4

Chun, chuong leia an lunginzîng lai chun, ngai ta, mi pahni puon mi elkhal thei silin an kâwlah an hung ngîr a;

LUKA 3:21

Chun, mi po poin baptisma an chang zoin, Isu khawmin baptisma a chang a, a ṭawngṭai a, vân a hung inhawng a,

JOHAN 1:50

Isûn a kuomah, “ ‘Theichang bulah ka hmu che,’ i kuoma ka ti leiin i ring a ni maw? Hieng nêka thil ropui lem la hmûng i tih,” a ta, a dawn a.

JOHAN 10:1

“Titakzetin, titakzetin ka hril cheu hi, tûkhawm berâm huona kawtkhâra lût lova, a dang tienga lâwn lût chu ama chu iengkhat inruhmang le suomhmang a nih.

JOHAN 10:7

Chuongchun, Isûn an kuomah a hril nâwk a, “Titakzetin, titakzetin ka hril cheu hi, kei hi berâm kawtkhâr chu ka nih,

JOHAN 13:16

Titakzetin, titakzetin ka hril cheu hi, suok a pu nêkin a ropui nawh; tirko khawm a tirtu nêkin a ropui bawk nawh.

JOHAN 13:38

Isûn, “Keima leiin i hringna i pêk ding maw? Titakzetin, ka hril che hi, nangin vawi thum i mîn phat hmakhat chu âr khuong naw ni.

JOHAN 14:12

Titakzetin, ka hril cheu hi, tûkhawmin a mi ring chun thil ka thawhai hi ama khawmin thaw vêng a tih; hienghai nêka thil ropui lemhai khawm la thawng a tih, Pa kuoma ka fe ding leiin.

JOHAN 16:20

Titakzetin, ka hril cheu hi, nangni in mitthli tlâng a ta, ṭap rak bawk in ta, khawvêl ruok chu lâwm an tih, nangni lungngai in ta, nisienlakhawm, in lungngai chu lâwmin inchang a tih.

JOHAN 16:23

Chu ni chun nangnîn kei iengkhawm mîn dawn naw ti niu. Titakzetin, titakzetin ka hril cheu hi, Pa kuomah in hni taphawt chu ka hmingin pêng a ti cheu.

JOHAN 21:18

Titakzetin, titakzetin ka hril che, i naupang lai khan i kâwngah în khit a, i nuomna tieng tieng i fe hlak; nisienlakhawm, i upat pha i kuthai phar i ta, mi dangin khitpêk an ti che a, i nuom nawna tieng kei an ti che,” a ta.

JOHAN 3:3

Isûn a dawn a, a kuomah, “Titakzetin, titakzetin ka hril che hi mi tûkhawm an pieng thar naw chun, Pathien ram hmu thei naw ni hai,” a ta.

JOHAN 3:5

Isûn a dawn a, “Titakzetin, titakzetin ka hril che hi, mi tûkhawm tuia le Thlaraua an pieng naw chun Pathien ramah lût thei naw ni hai,

JOHAN 5:19

Chun, Isûn an kuomah, “Titakzetin, titakzetin ka hril cheu hi, Naupa hin a khâtin iengkhawm a thaw thei nawh, Pa thilthaw a hmu chau naw chu; thil a thaw ang taphawt chu Naupa khawmin a thaw ve hlak.

JOHAN 5:27

chun, Mihriem Naupa a ni leiin a kuomah rorêl ding thu a pêk.

JOHAN 6:26

Isûn an kuomah, “Titakzetin, titakzetin ka hril cheu hi, thilmakhai in hmu leia mi zawng in ni naw a, bei in fâk khawp leia mi zawng in ni lem hi.

JOHAN 6:32

Chun, Isûn an kuomah, “titakzetin ka hril cheu hi, vâna inthawka bei in hmu kha Mosie pêk cheu a ni nawh, ka Pa ruok chun vâna inthawkin bei tak tak a pêk cheu a ni hi.

JOHAN 6:47

Titakzetin, titakzetin ka hril cheu hi, tûkhawm a ring chun chatuona hringna a nei tah a nih.

JOHAN 6:53

Chun, Isûn an kuomah, “Titakzetin, titakzetin ka hril cheu hi, Mihriem Naupa taksa in fâka, a thisen in dâwn bawk naw chun, nangni khâtin hringna nei nghâl lo cheu.

JOHAN 8:34

Isûn an kuomah, “Titakzetin, titakzetin ka hril cheu hi, tûkhawm thil suksuol taphawt chu suol suok a nih.

JOHAN 8:51

Titakzetin, titakzetin ka hril cheu hi, miin ka thu a zâwm chun, kumkhuoin thi ni hmêl hmu naw ni,” a ta.

JOHAN 8:58

Isûn an kuomah, “Titakzetin, titakzetin ka hril cheu hi, Abraham um hma khawmin ka um,” a ta.

THILTHAWHAI 10:11

Vân inhawngin, iengkhat bâwm puon lientak ang, a ki palia khita, hnuoiah inkhaithlain a hmu a.

THILTHAWHAI 7:56

“Ngai ta u, vân inhawnghai ka hmu a, Pathien changtienga Mihriem Naupa ngîr khawm ka hmu,” a ta.

2 THESSALONIKA 1:7

nangni rinum tuortuhai chu, Lalpa Isu a vântirko hrâttakhai leh meichawk laia a hung inlang pha, keini le hin min châwltir le;

2 THESSALONIKA 1:9

Chuong mihai chun hrem tuor an tih: Lalpa kuoma inthawk le a hrâtna ropuinaa inthawka chatuona bohmangna chu;

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung:

THUPUONGSUO 19:11

Chun, vân inhawng ka hmu a; chun, ngai ta, sakawr vâr le a chunga chuong Ringum le Indiktak, an iti chu ka hmu bawk a; ama chun feltakin ro a rêl a, mi a do hlak.

THUPUONGSUO 4:1

Chuong thil hnunga chun ka hang en a, chun, ngai ta, vânah kawtkhâr inhawng ka hmu a; chun, rawl ka hriet hmasak, tawtawrâwt ri anga mi bie khan, “Hitaka hin hung rawh, chuongchun, tuta hnunga thil hung um dinghai inentir ka ti che,” a ta.