JOHAN 1:44 - Pathien Lekhabu Inthieng (BSI)

⁴⁴ Philip chu Bethsaida khuoa mi a nih, chu chu Andri le Peter umna khuo bawk a nih.

JOHAN 1:44 Iomraidhean Croise

MATTHAI 10:3

Philip le Bartholomai hai; Thoma le siedâwltu Matthai hai; Alphai naupa Jakob le Thaddai hai,

MATTHAI 11:21

“Korazin, i chung a rik! Bethsaida, i chung a rik! Nangnia thilmak thawa umhai kha, Tura le Sidona thaw ni sienla, saiip puon sila vut laia ṭhungin um tâng an tih.

MARKA 3:18

Andri hai, Philip hai, Bartholomai hai, Matthai hai, Thoma hai, Alphai naupa Jakob hai, Thaddai hai, Kanaana Simon hai;

MARKA 6:45

Chun, ama ngeiin mipui chu ân ṭintir sûngin râl khing tienga Bethsaidaa lo fe hmasa dingin a inchûktirhai chu lawngah ân chuong tir nghâl ta a.

MARKA 8:22

Chun, Bethsaida chu an hung tlung a. Chun, a kuomah mitdel an hung ṭhuoi a, ama chu them dingin Isu an ngên a.

LUKA 10:13

“Korazin i chung a rik! Bethsaida, i chung a rik! Nangnia thil maktak thawa umhai kha Tura le Sidona thaw ni sienla, saiip puon sila vut laia ṭhungin sim dai tâng an tih.

LUKA 6:14

chuonghai chu Simon (Peter ân bûk bawk chu) le a unau Andri hai, Jakob le Johan hai, Philip le Bartholomai hai,

LUKA 9:10

Chun, tirkohai chu an hung nâwkin, a kuomah an thilthawhai an hril a. Chun, ama chu anni atuma ṭhuoiin Bethsaida an ti khuoa chun a fe ta a.

JOHAN 1:43

Chun, a zînga chun Isu Galili ramah fe a tum a, Philip a hmu a, “Mi zui rawh,” a ta.

JOHAN 1:45

Philip chun Nathanael a hmu a, a kuomah, “A chanchin Mosiein Dân lekhabua a ziek le, zâwlneihaiin an ziek kha, ama chu kan hmu tah, Nazareth Isu, Josef naupa chu,” a ta.

JOHAN 1:46

Chun, Nathanael chun a kuomah, “Nazareth khuoah thil ṭha a suok thei am a nih?” a ta. Philip chun a kuomah, “Hung la, en rawh,” a ta.

JOHAN 1:48

Nathanael chun a kuomah, “Nangin iengtin am i mi hriet a?” a ta. Isûn a kuomah, “Philipin a ko hma che a, theichang bula i um lai khan ka hmu che annâwm,” a ta, a dawn a.

JOHAN 12:21

Chuonghai chu Galili rama Bethsaida khuoa mi Philip kuoma chun an hung a, a kuomah, “Pu, Isu hmu kan nuom,” an ta, an ngên a.

JOHAN 12:22

Philip chun Andri a hung hril a; Andri le Philip chun Isu an hung hril a.

JOHAN 6:5

Chun, Isu a dâk a, mipui tamtakin a kuom tieng hung panin a hmu a, Philip kuomah, “Hienghai fâk ding bei khâwlai am inchâwng ei ta?” a ta.

JOHAN 6:7

Philip chun a kuomah, “Mi tinin tlâwmtêa an chang seng ding khawm bei duli za hni manin dai naw ni,” a ta, a dawn a.

THILTHAWHAI 1:13

Chun, an lûtin an umna pindan chunghnunga chun an hang fe a, Peter le Johan leh, Jakob le Andri leh, Philip le Thoma leh, Bartholomai le Matthai leh, Alphai naupa Jakob leh, Simon Zelot pâwla mi le Jakob naupa Juda leh an nih.