JOHAN 1:4 - Pathien Lekhabu Inthieng (BSI)

⁴ Amaa chun hringna a um; chu hringna chu mihriemhai var a nih.

JOHAN 1:4 Iomraidhean Croise

INPÂKNA HLABU 49:6

Mâni sum ring a, Mâni hausakna nasatak suongtuhai chun,

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 4:16

Inthim hnuoia ṭhunghai chun var nasatak an hmu a, Thina hmun le a hlima ṭhunghai chunga chun, Var a hung suok ta a,” tia a hril kha a hung tlung theina dingin.

LUKA 2:32

Jentailhai kuoma suklangna var le I mi Israelhai ropuina ding chu,” a ta.

JOHAN 11:25

Chun, Isûn a kuomah, “Kei hi thonâwkna le hringna chu ka nih; tûkhawm a mi ring chu thi sienla khawm hring zing a tih;

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

JOHAN 12:46

êntu dinga khawvêla hung ka nih, a mi ring taphawt chu inthima an um zing nawna dingin.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 3:19

Hi hi thiemnawna a nih, var khawvêlah a hung a, nisienlakhawm, mihaiin var nêkin inthim an dit lem a, an thilthawhai a suol leiin.

JOHAN 5:21

Pain mithihai a keithoa a sukhring hlak angin, Naupa khawm- in a nuom nuom a sukhring hlak.

JOHAN 5:26

Pa chun mânia hringna a nei ang bawkin, Naupa mânia hringna neiin a siem;

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

JOHAN 9:5

Khawvêla ka um sûngin khawvêl êntu ka nih,” a ta, a dawn a.

THILTHAWHAI 26:23

khânga Krista chun rinum tuor a ta; chun, mithi laia inthawka a thonâwk leiin mi po po kuoma le Jentailhai kuoma khawm var inhmutirtu hmasatak nîng a tih, an ti thu kha,” a ta.

1 KORINTH 15:45

Chuong ang bawkin, “Mihriem hmasatak Adam chu mi hring a hung nih,” ti ziek a nih; Adam nuhnung lem chu hringna petu thlarau a nih.

EPHESI 5:14

suklanga um taphawt chu var a ni si a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

KOLOSSA 3:4

Krista in hringna chu a hung inlâr pha chun nangni khawm ama kuomah ropuiin inlâr vêng in tih.

1 JOHAN 1:1

Hringna Thu a tîra inthawka um kha, kan nâhaiin kan ihriet kha, kan mithaiin kan ihmu kha, kan en zinga kan kuthaia kan them kha, chu chu chanchin chu;

1 JOHAN 1:2

(chu hringna chu a hung inlang ta a, kan lo hmu a, kan inhriettir bawk a, chu chatuon hringna, Pa kuoma um, kan kuoma hung inlang chu, kan hril cheu a ni hi);

1 JOHAN 5:11

Inhriettirna chu hi hi a nih, Pathienin chatuona hringna a mi pêk a, chu hringna chu a Naupaah a um a nih.

THUPUONGSUO 22:1

Chun, ama chun, a khawlai taka, hringna tui vadung, krustal lung anga tle, Pathien le Berâmte lalṭhungphaa inthawka hung suok, a mîn entir a.

THUPUONGSUO 22:16

“Kei Isu hin kohranhai ta dingin hieng thu hi in kuomah inhriettir dingin ka vântirko chu ka hung tir a nih. David bulpui le a thla arasi vartak, sikhawvar chu ka nih,” a ta.