JOHAN 1:33 - Pathien Lekhabu Inthieng (BSI)

³³ Ama chu ka hriet si naw a, nisienlakhawm, tuia baptis dinga a mi tirtu khan ka kuomah, ‘Tû chunga khawm Thlarau zu fua, a chunga um zing i hmu chun, ama chu Thlarau Inthienga baptistu ding chu nîng a tih,’ a ti a.

JOHAN 1:33 Iomraidhean Croise

MATTHAI 3:11

Kei chun chu simna dingin tuiin ka baptis hlak cheu a; nisienlakhawm, ka hnunga hung ding chu keia nêkin a ropui lem a, a kekawk chawi tlâk khawm ka ni nawh. Ama chun Thlarau Inthieng le meiin baptis a ti cheu.

LUKA 3:16

Johan chun a dawn a, an rênga kuomah, “Kei chun chu tuiin ka baptis hlak cheu a; nisienlakhawm, keia nêka ropui lem a hung ding a nih, a kekawk hrui sût tlâk khawm ka ni nawh; ama chun Thlarau Inthieng le meiin baptis a ti cheu a,

JOHAN 1:31

Ama chu ka lo hriet si nawh; nisienlakhawm, Israelhai kuoma a hung inlangna dingin, tuia baptis-in ka hung a nih,” a ta.

JOHAN 14:26

Chun, Thlamuongtu, Thlarau Inthieng, Pain ka hminga a hung tir ding khan, ama chun iengkim inchûktir a ti cheu a, in kuoma ka hril po po kha inhriet suoktir nâwk a ti cheu.

JOHAN 3:34

Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

JOHAN 3:5

Isûn a dawn a, “Titakzetin, titakzetin ka hril che hi, mi tûkhawm tuia le Thlaraua an pieng naw chun Pathien ramah lût thei naw ni hai,

JOHAN 7:39

(Chuong thu chu ama ringtuhaiin Thlarau an nei dingzie thu a hrilna a nih; Thlarau chu pêk a la ni hri nawh, Isu chu chawimawia a la um hri naw leiin.)

THILTHAWHAI 1:5

“Johan khan tuiin a baptis hlak a, nisienlakhawm, ni sâwtnawtêah Thlarau Inthiengin baptisma chang in tih,” a ta.

THILTHAWHAI 2:4

Chun, an chungah a chuong seng a, an rêngin Thlarau Inthiengin an sip ta vawng a, Thlarauin ân ṭawngtir ang peiin ṭawng danghaiin an hung ṭawng ta a.

1 KORINTH 12:13

Ei rêngin, Judahai amanih, Grikhai amanih, suok amanih, suok nilo amanih taksa pumkhata um dingin, Thlarau pakhat chauah baptisin ei um seng si a. Thlarau pakhat chau bawk a mîn dâwntir bawk a.