JOHAN 1:29 - Pathien Lekhabu Inthieng (BSI)

²⁹ Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 1:29 Iomraidhean Croise

FESUOKNA 28:38

Aron bâwk chunga chun a um ding a na. Aron chun Israel mihaiin thilpêk inthienga an pêk thil inthienghaia suolna um phawt chu phur a tih: Lalpa hmaa pawm a ni theina dingin a bâwka chun a um zing ding a nih.

ISAI 53:10

Nisienlakhawm, Lalpain ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, Lalpa dit zâwng chu a kuta hlawtlingin um a tih.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ISAI 53:7

Ama chu nêksawr le sukrinumin a um a, nisienlakhawm, ân ngaitlâwm a, a bau khawm a ka nawh; berâmte that dinga an ṭhuoi ang le berâm a hmul vâwtu hmaa to zinga a um ang elin, anih, a bau a ka nawh.

HOSEA 14:2

Thu chawi pumin Lalpa kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

LEVI DÂN 10:17

“Iengdinga suol inthâwina chu hmun inthienga in fâk naw am a na? Hi hi thil inthieng tak, mipui rîtlona in phur theina dinga a pêk cheu, Lalpa hmaa intlanna in siempêk dinga a pêk cheu a ni si a.

ZEKARIA 13:1

“Chu ni chun inthieng nawna le suolnaa dingin, David sûngkuo le Jerusalema chêngtuhai ta dingin tuikhur hawngpêk nîng a tih,”

NAMBAR 18:1

Lalpa chun Aron kuomah, “Nang le i nâupasalhai le in sûngkuo hin hmun inthieng khawhlona maw chu phur in ta; chun, nang le i naupasalhai hin in thiempu nina khawhlona maw chu phur bawk in tih.

NAMBAR 18:23

Levi mihai ruok hin chu intuokna puon in rawngbâwl sin chu thâwng an ta, anni dân nîng a tih; chun, Israel mihai laiah rochan nei naw ni hai.

NAMBAR 21:9

Chuongchun, Mosiein dâr rûl a siem a, banah a khai a, rûl chuk taphawtin dâr rûl chu an enin an dam pei a.

NAMBAR 7:27

pumrawhmang thilinhlâna dingin bâwngchal tuoi pakhat, berâmchal pakhat, berâmte a chal kum khat mi pakhat;

NAMBAR 7:39

pumrawhmang thilinhlâna dingin bâwngchal tuoi pakhat, berâmchal pakhat, berâmte kum khat mi pakhat;

MATTHAI 1:21

Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.

MATTHAI 20:28

Mihriem Naupa hi rawngbâwlpêka um dinga hung a ni naw a, rawngbâwl ding le mi tamtak intlanna dinga, a hringna pe lem dinga a hung ang hin,” a ta.

JOHAN 1:35

Chun, a zîng nâwk chun Johan a ngîr a, a închûktirhai pahni leh;

JOHAN 1:36

chun, Isu invâk vêl lai chu an en a, “En ta u, Pathien Berâmte saw,” a ta.

JOHAN 1:43

Chun, a zînga chun Isu Galili ramah fe a tum a, Philip a hmu a, “Mi zui rawh,” a ta.

JOHAN 2:1

Chun, ni thum niah, Galili rama Kana khuoah inneina ruoiṭhe a um a, chutaka chun Isu nu a um a.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang naw a, chatuona hringna an nei lemna dingin.

JOHAN 4:42

Chun, anni chun, nuhmei kuoma chun, “Tu zet hin chu i thu hril leia ring kan ni ta nawh; keini ngeiin a thu hril kan hriet ta a, hi mipa hi khawvêl Sandamtu a ni ngei ti kan hriet tah,” an ta.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

THILTHAWHAI 13:39

tûkhawm ama ring taphawt chu, iengkimah ama thiem inchangtirin a um, chuonga chun, Mosie Dânin thiem inchangtirin in um thei nawh.

THILTHAWHAI 8:32

Pathien Lekha a tiem lai chu hi hi a nih:- “That dingin berâm angin ama chu an ṭhuoi a; Berâmtê a hmul vâwtu hmaa a to zing angin, Ama khawmin a bau a ka nawh;

1 KORINTH 15:3

A hmasatakin, ka ihmu ve bawk chu ka hril sâwng cheu kha; khânga Krista chu Pathien Lekha thu hril ang peia ei suolhai leia a thi a,

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pêk ta si a;

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok ta a; (“Thinga khaikâng taphawt chu ṭawngsephur an nih,” ti ziek a ni si a).

1 TIMOTHE 2:6

mi po po intlanna dinga inpe chu a nih; chu chu a hun tak peia inhriettirin a um ding a nih;

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

HEBRAIHAI 1:3

Ama chu a Pathien ropuina var le, a tak angpui ngei leh, ama thilthawtheina thuah iengkim tungdingtu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiempu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

1 PETER 1:19

berâmte hmêlhem lo le inthieng nawna kai lo thisen anga, Krista thisen hlu chun intlan in ni lem ti in hriet si a.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.

1 JOHAN 2:2

Ama chu ei suolhai thuphachawina a nih; eini suol chau ni lovin, khawvêl po po suol thuphachawina khawm a nih.

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si naw a.

1 JOHAN 4:10

Hitaka hin hmangaina a um, einin Pathien ei hmangai ka ti a ni naw a, amain a mi hmangai a, ei suolhai thuphachawina ni dingin a Naupa a hung tir ka ti lem a nih.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 12:11

Berâmte thisen lei le an inhriettirna thu leiin, ama chu an hne a nih; thi ngam khawpin an hringna an ngainêp bawk a.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.

THUPUONGSUO 14:1

Chun, ka hang en a, Berâmte chu Zion Tlânga ngîrin le an chala a hming le a Pa hming ziek, mi nuoi khat le sîng li le sâng li a kuoma chun an um a.

THUPUONGSUO 14:10

a lunginsenna noa iengkhawm pawl lova siem chu dâwn a ta, vântirko inthienghai mithmua le Berâmte mithmua chun mei le kâta sawisakin um bawk a tih.

THUPUONGSUO 14:4

Chuonghai chu nuhmeia insukthiengnaw nawhai chu an nih; nunghâk inthieng ang an ni si a. Chuong chu Berâmte a fena taphawta zuituhai chu an nih. Chuong chu Berâmte le Pathien ta dinga ra hmasatak ni dinga mihriem laia inthawka intlan suok an nih.

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, kohai, thlanghai, ringumhai chun hne bawk an tih,” a ti a.

THUPUONGSUO 19:7

Hlimtakin lâwm inla, ama chawimawi ei tiu, Berâmte nuhmei nei chu a hun ta si a; a mo khawm ânzo tah,” a ti ka hriet.

THUPUONGSUO 19:9

Chun, ‘Berâmte nuhmei neina ruoiṭhea fielhai chu an hamṭha ie,’ tiin ziek rawh,” a mi ti a. Chun, ka kuomah, “Hieng thu hi Pathien thu tak a nih,” a ti bawk a.

THUPUONGSUO 21:14

Chun, chu khaw kul chun lungphûm sâwm le pahni a nei a, chuonga chun Berâmte tirko sâwm le pahnihai hming a chuong a.

THUPUONGSUO 21:27

Nisienlakhawm, thil inthiengnaw hrim lût dêr naw ni a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.

THUPUONGSUO 21:9

Chun, berbu pasari, hremna nuhnungtak pasaria sip chawi, vântirko pasari laia pakhat chu a hung a; ama chun, “Hung ta, mo, Berâmte nuhmei chu inentir ka ti che,” tiin a mi biek a.

THUPUONGSUO 5:6

Chun, lalṭhungpha le thilhring pali hai inkârah, upahai laia chun, Berâmte that ta hnung ang, ki pasari le mit pasari nei, ngîr ka hmu a, chuong mit pasari chu Pathien Thlarau pasari, hnuoi chung po poa tir suokhai chu an nih.

THUPUONGSUO 5:8

Chun, lekhabu chu a lâk phing- leh thilhring pali le upa sâwmhni le pali hai chu, ṭingṭang le rângkachak berbu riminhnika sip chawi sengin, Berâmte hmaa chun an bawkkhup tâwl ta a; chuong riminhnikhai chu mi inthienghai ṭawngṭaina a nih.

THUPUONGSUO 6:1

Chun, Berâmte chun inchikna pasari laia pakhat chu a sût lai ka hmu a; chun, thilhring palihai laia pakhat chun, vâninrûm ang elin, “Hung rawh,” a ti ka hriet a,

THUPUONGSUO 6:16

Tlânghai le lungpuihai kuoma chun, “Mi del unla, lalṭhungphaa ṭhung hmêla inthawk le, Berâmte lunginsennaa inthawk hin mi hlie ro;

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hienghai hi rinum nasataka inthawka suokhai kha an nih, an silfenhai Berâmte thisena sâwpin an sukvâr ta a.

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.