JOHAN 1:18 - Pathien Lekhabu Inthieng (BSI)

¹⁸ Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 1:18 Iomraidhean Croise

INṬANNA 16:13

Chun, Hagarin ama betu Lalpa hming chu, “Nang hi hmu theitu Pathien i nih,” tiin ân bûk a. “Hitaka ngei hin a mi hmutu chu ka hmu takzet am a ni aw?” a ti a nih.

INṬANNA 18:33

Chun, Lalpa chu Abraham le an inbiek zo phingleh a fe ta a, Abraham chu ama umna tieng a kîr nâwk ta a.

FESUOKNA 23:21

Ama chu pawisa unla, a râwl chu ngai unla, suklungsen naw ro; ka hming chu amaa chun a um a, in bawsietnahai chu a ngaidam naw ding cheu a ni si a.

FESUOKNA 24:10

chun, Israel Pathien chu an hmu a, a kehai hnuoia chun sapphir lung rem ang tletak, a tlêtzie chu vân thil ni âwm tak hrim hi a um a.

THUVARHAI 8:30

Chuong lai chun amaa chun sinthaw hotu ang ka lo ni tah a; Chun, ama hmaa chun hlima um rawpin, Ni tina a lâwmna chu ka lo ni ta a.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a ângsûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

ṬAP HLA 2:12

An nuhai kuoma chun, “Bu le uoin khâwlai am a um a?” an ti a, Khawpui kawtthlêrhaia hliem anga an inkawn el lai le, An thlahai chu an nuhai ângsûnga an hringna a ṭuoi ral lai chu.

NAMBAR 12:8

ama le chun chu thurûk um lovin bauin tlangtakin inbieng kan ta; Lalpa hmêl khawm hmûng a tih. Chuleiin, ka siehlaw Mosie hi iengtiziea hrilse ngam am in ni leh?” a lo ti a.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

LUKA 10:22

Ka Pain iengkim a mîn kawltir tah, Naupa chu tû am a na, Pa naw chun tukhawmin an hriet nawh; Pa khawm chu tû am a ni Naupa le an kuomah Naupain a phuong nuomnahai chau naw chun tukhawmin an hriet nawh,” a ta.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 12:41

Isaiin a ropuizie a hmu le a chanchin a hril lei hin chuong thu chu a hril a nih.

JOHAN 13:23

Chun, a închûktirhai laia pakhat, Isûn a ihmangai chu, Isu hnai takah ama innghâiin a ṭhung a.

JOHAN 14:9

Isûn a kuomah, “Philip, hi chen rau hi in kuomah ka um a, chuong khawm chun in mi la hriet naw ta rawp maw? Tûkhawm a mi hmu chu Pa hmu a nih. ‘Pa chu mîn hmutir rawh,’ ieng ti tia ti am i na?

JOHAN 17:26

Chun, an kuomah i hming kân hriettir a, inhriettir nâwk rawp ka tih; nangin kei i mi hmangaina kha anniah a um a, kei khawm annia ka um theina dingin,” a ta.

JOHAN 17:6

“Nangin khawvêla inthawka mî i mi pêkhai kuoma khan i hming ka suklang tah. Anni chu i ta an ni tah, nangin anni chu kei i mi pêk ta a, anni chun i thu an zâwm tah:

JOHAN 3:11

Titakzetin, titakzetin ka hril che hi, keinîn kan hriet chu kan hril hlak, kan hmu chu kan inhriettir hlak; nisienlakhawm, kan thu inhriettir in awi ngai si nawh.

JOHAN 6:46

Tukhawmin Pa an hmu hlak ka ti nawh, Pathien kuoma inthawka hung suok chau naw hin chu; ama chun Pa chu a hmu.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel ta a.

DÂN PAHNINA 4:12

Chun, Lalpa chun meia inthawk chun a hung biek cheu a, a thu hril chu in hriet a; nisienlakhawm, hmêlhmang iengkhawm in hmu naw a, râwl chau in hriet a nih.

KOLOSSA 1:15

Ama chu hmu thei naw Pathien angpui, nau lutîr, thilsiemhai po po nêka chunghnung lem a nih.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

JOSUA 5:13

Chun, Josua chu Jeriko khaw bula a la um lai chun a dâk a, a hang en a; a hma zâwn ela chun mi pakhat a kâwlhnâm phawisa chawia lo ngîr zing hi a hmu a. Josua chun a hang pan a, a kuoma chun, “Keini tienga ṭhang am i ni, kan hmêlmahai tieng?” a ta.

1 JOHAN 4:12

Tûkhawmin ienglai khawmin Pathien an hmu ngai nawh. Ei inhmangai tuo chun Pathien einiah um zing a ta, a hmangaina khawm einiah famkim bawk a tih.

1 JOHAN 4:20

Miin, “Pathien ka hmangai,” tiin a unau theida si sienla, ama chu khêlinhlip a nih; a unau a ihmu zing ta hman a hmangai naw chun, Pathien a ihmu ngai naw chu iengtin am hmangai thei a ta?

1 JOHAN 4:9

Hitaka hin Pathien hmangaina ei chungah a hung inlang tah, ama leia ei hring theina dinga Pathienin a Naupa nei sun khawvêla a hung tira hin.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.