JOHAN 1:10 - Pathien Lekhabu Inthieng (BSI)

¹⁰ Ama chu khawvêlah a um a, khawvêl ama siem a na, khawvêlin ama a hriet si nawh.

JOHAN 1:10 Iomraidhean Croise

INṬANNA 16:13

Chun, Hagarin ama betu Lalpa hming chu, “Nang hi hmu theitu Pathien i nih,” tiin ân bûk a. “Hitaka ngei hin a mi hmutu chu ka hmu takzet am a ni aw?” a ti a nih.

INṬANNA 17:1

Chun, Abram chu kum sawmkuo pakuo mi a niin Lalpa chu Abram kuomah a hung inlâr a, a kuomah, “Kei Pathien Iengkimthawthei ka nih, ka hmaah um la, ṭha famkimin um rawh.

INṬANNA 18:33

Chun, Lalpa chu Abraham le an inbiek zo phingleh a fe ta a, Abraham chu ama umna tieng a kîr nâwk ta a.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

JOHAN 1:11

Ama mihai kuomah a hung a, ama mihaiin an lo lâwm si nawh.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 1:3

Iengkim a rêngin amaa siem a nih; thil siem po po hi ama ṭhang lova siem iengkhawm a um nawh.

JOHAN 1:5

Var chu inthim lai a hung var a, inthimin chu chu a hriet nawh.

JOHAN 17:25

Aw Pa feltak, khawvêl chun an hriet naw che a, kei ruok chun ka hriet che kha, hienghai khawm hin nangin kei i mi tir ti an hriet kha.

JOHAN 5:17

Nisienlakhawm, Isûn anni chu a biek a, an kuomah, “Ka Pain tu chen khawmin sin a thaw hlak, kei khawmin ka thaw hlak,” a ta.

THILTHAWHAI 14:17

Nisienlakhawm, ama inhriettirna um lovin ân siem ngai nawh. Chuongchun, thil a thaw ṭha hlak a, vâna inthawka ruohai le kum ṭhat kumhai a pêk cheu a, in lungril fâk ding le lâwmnain a suktlaipêk hlak cheu kha,” an ta.

1 KORINTH 1:21

Pathien varnaa chun khawvêlin varna hmanga Pathien an hmu thei naw hnungin thu hril invêt hmanga a ringtuhai sandam chu Pathienin ṭha a ti hle si a.

1 KORINTH 2:8

Chu chu hi khawvêl rorêltuhai hrim hrimin an hriet nawh, hre hai sien chu ropuina Lalpa chu hemde naw ni hai.

1 KORINTH 8:6

Eini ta ding chun Pathien pakhat chau (Pa chu) a um a, ama kuoma inthawkin tinrêng a suok a, eini khawm ama ta dinga um ei nih; Lalpa pakhat chau (Isu Krista chu) a um bawk a, ama leiin iengkim a um a, eini khawm ama lei bawka um ei nih.

KOLOSSA 1:16

Amaa chun iengkim siem a ni si a; vâna umhai, hnuoia umhai leh, hmu thei lo le hmu theihai le chun, lalṭhungphahai khawm, rorêlnahai khawm, inlalnahai khawm, thuneinahai khawm, iengkim amaa chun, ama ta ding bawka siem a nih.

HEBRAIHAI 11:3

Ringnain khawvêlhai hi Pathien thua siem fel diem a ni ta ti ei hriet, chuongchun, thil hmu theihai hi thil inlang theihaia siem a ni nawh.

1 JOHAN 3:1

Ngai ta u, Pain a mi hmangaina chu a va nasa de! “Pathien nauahai,” a mîn bûk ta chu; chuong ang chu ei ni hrim a nih. Hi hi lei hin khawvêlin a mi hriet naw a nih, ama chu an hriet naw leiin.