JOEL 3:9 - Pathien Lekhabu Inthieng (BSI)

⁹ “Hi hi hnamhai lai chun hril dar unla, indona buotsai unla, mi hrâttakhai chawktho unla, indo mi po pohai hung hnai hai sienla, hung raw hai se.

JOEL 3:9 Iomraidhean Croise

INPÂKNA HLABU 96:10

Hnam tin lai chun, “Lalpa chu lalah a ṭhung a,” ti ro, Khawvêl khawm hi ân hnîng thei nawna dingin sukdetin a um a; Ama chun thlierbîk nei lovin mi tin ro chu rêl a tih.

ISAI 34:1

Hnam tinhai, naa hre dingin hung hnai ta u; mi tinhai, ngai ta u; hnuoi le a sûnga um po pohai chun nain hre raw hai se; khawvêl le a sûnga inthawka suok po pohai leh.

JEREMIA 31:10

Aw nangni hnamhai, Lalpa thu chu ngai unla, thlierkâr hlatakahai chun phuong ro; chun, “Israel sukdartu ngei chun, ama chu kei khâwm nâwk a ta, berâmpuin a berâm ruol a kawl ang chun ama chu kawl a tih,” tiin hril ro.

JEREMIA 50:2

“Hnamhai laia chun hril la, puong rawh, chun, puonzâr chu khai la, puong la, thup naw rawh, ‘Babulon chu lâkin a um a, Bêl chu sukzak a na, Merodak chu a beidawng a, a milimhai po po chu sukzakin an um a, a milimhai chu an beidawng zo tah,’ ti rawh.

JEREMIA 51:11

Thalhai chu tâtngei unla, phawhai chu chel det ro; Lalpa chun Media lalhai lungril chu a hung chawktho ta si a; a remruot chu Babulon do le suksiet chu a na, Lalpa phuba lâkna, a biekin phuba lâkna chu a ni si a.

JEREMIA 51:27

Rama chun indo puonzâr chu khai unla, hnamhai laia chun tawtawrâwt mût unla, hnamhai chu ama do dingin buotsai ro; ama chunga chun Ararat dâm, Minni dâm, Askenaz lalramhai chu ko khâwm unla, a chunga chun sipai hotu lien inruot unla, sakawrhai chu khâu hawn angin inhungtir ro.

JEREMIA 6:4

Ama chunga indona ding chu buotsai ro, tho unla, sûn hun laia chun hang thâwng ei tiu. Ei chung a va rik ngei de! ni chu ân hêm ta a, zântieng hlim chu ân khâw ta si a.

EZEKIEL 38:17

Lalpa Pathien chun hieng hin a tih: ka siehlaw Israel zâwlneihaiin kum tamtaka chun anni indotir ka ti che tia chuong nihaia an lo hril, tienlaia a chanchin an lo hril hlak kha i ni naw am a nih?

EZEKIEL 38:7

Inbuotsai la, anih, nangma chu inbuotsai la, pâwlhai nanga kuoma hung inkhawmhai po po chunga chun nang chu a vêngtu ni la.

MIKA 3:5

Ka mihai insuksuoltirtu, sawi nei pumin, “Muongna,” tia khêk a, an baua inba naw taphawt do buotsai hieltu zâwlneihai chungchâng thu chu Lalpain hieng ang hin a tih:

HAGGAI 2:7

hnam po pohai chu sukhnîng ka ta; hnam tin thil duthusâmhai chu hung tlung a ta, chun, hi in hi ropuinain suksip ka tih, sipaihai Lalpa chun a tih.

ZEKARIA 14:2

Jerusalem chu do dingin hnam po po chu ka kei khâwm ding a ni si a; khawpui chu lâk nîng a ta, inhai chu kâpkhumin um an ta, nuhmeihai chu ṭhuoi hmangin um an ta, chun, a khawpui chenve zet chu salah fêng an ta, mi la um sunhai ruok chu khawpuia inthawka sât thlâk ni naw ni hai.

ZEKARIA 14:3

Chun, Lalpa chu fe suok a ta, indona nia a do angin, chuong hnamhai chunga chun do a tih.