JOEL 3:4 - Pathien Lekhabu Inthieng (BSI)

⁴ Anih, aw Tura le Sidon le Philistin ram po pohai, ka ta dingin ieng am in ni a? In mi thung ding am a nih? In mi thung chun, hrâttakin, inhmawtakin in mi thungna chu in lu chung ngeiah thung vêng ka ti cheu.

JOEL 3:4 Iomraidhean Croise

2 CHANCHIN SUINA 21:16

Chun, Ethiopia mihai kâwla um Arabia le Philistin mihai lungril chu Jehoram chunga chun Lalpain a chawktho a;

ISAI 14:29

Aw Philistin ram pumpui, nanga vuokna che hmawl chu a tliek ta leiin lâwm naw: rûl zunga inthawk chun rûlhmuk a hung suok ding a ni si a; a ra chu rûl chawk vuong thei la nîng a tih.

ISAI 34:8

Lalpa phuba lâk ni a ni ta si a; Zion sêlna kawng thua thungna kum chu.

ISAI 59:18

An thilthawhai angin, an thilthawhai ang ngeiin, ama chun thung a tih, ama dotuhai chu lunginsennain, a hmêlmahai chu thungnain thung a tih; thlierkârhai khawm thungrul a tih.

JEREMIA 47:1

Pharaoin Gaza a rûn hmaa, Philistin mihai chungthua zâwlnei Jeremia kuoma Lalpa thu hung tlung chu.

JEREMIA 47:4

ṭhangpuitu la um taphawthai chu Tura le Zidona inthawka sât thlâk dingin, Philistin mihai po po suksietna dinga ni hung tlung chu a ni leiin, Kaphtor thlierkâra la umsunhai, Philistin mihai chu Lalpa chun a sukbohmang ding a ni si a.

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, Lalpa phuba lâkna hun a ni si a; ama chun thungna chu pêng a tih;

JOEL 2:10

An hmaa chun hnuoi khawm ân thin a; vânhai ân hnîng a; nisa le thla chu an inthim a, arasihai chun an var an thup a:

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasatak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

MATTHAI 11:21

“Korazin, i chung a rik! Bethsaida, i chung a rik! Nangnia thilmak thawa umhai kha, Tura le Sidona thaw ni sienla, saiip puon sila vut laia ṭhungin um tâng an tih.

MATTHAI 11:22

Nisienlakhawm, ka ti cheu hi ngaituo nia chun nangni tuor nêkin Tura le Sidon tuor chu a dân um lem a tih.

LUKA 10:13

“Korazin i chung a rik! Bethsaida, i chung a rik! Nangnia thil maktak thawa umhai kha Tura le Sidona thaw ni sienla, saiip puon sila vut laia ṭhungin sim dai tâng an tih.

LUKA 10:14

Nisienlakhawm, ngaituo nia chun nangni tuor nêk chun Tura le Sidon tuor ding chu a zie um lem a tih.

LUKA 18:7

An chungah zai la daw hri sien khawm, a mi thlang, asûn azâna ama kotuhai phuba chu Pathienin a lâkpêk naw ding am a nih?

THILTHAWHAI 9:4

Chun, hnuoiah a tlu a, a kuomah, “Saula, Saula, nangin iengdinga i mi suknawmna am a na?” tiin rawl a hriet a.

DÂN PAHNINA 32:35

Phuba lâk le thung chu keima thaw ding a nih, An kalbi ân tleu pha chun, An sietna ni chu a hung hnai an ta a, An chunga thil tlung dinghai chu hung tlung vak a tih.

2 THESSALONIKA 1:6

Chuongchun, hi hi Pathien ta dingin thil feltak a nih: a sukrinumtuhai cheu chu rinumnaa thung le;

RORELTUHAI 11:12

Chun, Jepthah chun Ammon mihai lal kuoma chun, “Ka chungah ieng am i tia hienga ka ram do dinga ka kâwla hung el i ni lie?” tiin palaihai a tir a.