JOEL 3:17 - Pathien Lekhabu Inthieng (BSI)

¹⁷ Chuongchun, Lalpa in Pathien ka tlâng inthieng Ziona chêng ka nih ti hrieng in tih; chuongchun, Jerusalem khuo chu inthieng a ta, mikhuol tukhawm fethleng nâwk ta dêr naw ni hai.

JOEL 3:17 Iomraidhean Croise

JOB LEKHABU (THE BOOK OF JOB) 15:19

Chuong mihai kuoma chun ram chu pêk a na, Anni lai hmêlmak mi an fe ve nawh.

INPÂKNA HLABU 76:2

Salema chun a bâwktê chu a um a, Chun, ama umna chu Zionah a um a,

INPÂKNA HLABU 9:11

Lalpa, Ziona um chu inpâkin hla sak unla, Mihai lai chun a thilthawhai chu hril ro.

FESUOKNA 16:12

“Israel mihai chiernahai chu ka hriet a, an kuomah, ‘Zântieng chun sa fâng in ta, zîngtieng chun beia sukkhawp nîng in tih, chun Lalpa in Pathien chu ka nih ti hrieng in tih ‘ ti rawh,” tiin.

ISAI 11:9

Ka tlâng inthienga hrim hrim chun insuknat um ta naw ni a, insuksiet um bawk ta naw ni; tuihai hin tuisuoriet ân khum zing angin, leihnuoi hi Lalpa hrietnain a sip zo vawng ta ding a nih.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 35:8

Chun, chutaka chun lamlien um a tih; lampui leh, chu chu, “Inthiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 4:3

Chun, Ziona la um le, Jerusalema la umhai chu inthieng ti ni tâng an tih, Jerusalema a la damhai laia hming ziekhai po po chu:

ISAI 46:13

chuongchun, ka ropuina Israelhai ta dingin sandamna chu Ziona chun sieng ka tih.

ISAI 52:1

Aw Zion, har la, har la, i hrâtna inbel rawh; aw Jerusalem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si naw a.

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka maichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni si a,” tiin.

JEREMIA 31:23

Sipaihai Lalpa, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, Lalpa chun mal sâwm raw se che,” ti dâm le, “Aw inthiengna tlâng,” ti dâm hi.

JEREMIA 31:40

Chun, mithi ruong phairuom pumpui le, vut phairuom le Kidron vadungtê chen, saktienga sakawr dai kawtkhâr chen ram po po kha, Lalpa chanpuol nîng a tih, sukdar ni naw ni a, kumkhuoin pei thlâk khawm ni bawk naw nih.

EZEKIEL 20:40

Lalpa Pathien chun a tih: Ka tlâng inthieng, Israel tlâng insânga chun Israel sûngkuohai po po chu, an rêngin chu rama chun ka rawng bâwl tâng an ta, chutaka chun anni chu lâwm ka ta, chutaka chun in thilinhlânhai chu, in rahmasa inthâwinahai le in thil inthienghai po po le chun pawimawsak tâng ka tih.

EZEKIEL 37:6

Nangnia chun thahai sieng ka ta, taksain in chungah hung sukbit ka tih, chun, vunin inkhum ka ti cheu, nangnia chun thuok sieng ka ta hung hring in tih; chun, Lalpa chu ka nih ti mi hre tâng in tih,” a ta.

EZEKIEL 43:12

Hi hi in dân chu nîng a tih; tlâng sîp chunga a huop chin chin chu hmun inthiengtak nîng a ta; Ngai ta, hi hi in dân chu nîng a tih.

EZEKIEL 44:9

“Lalpa Pathien chun hieng hin a ti a nih: Mi hmêlmak, lungrila sertan lo, tisa khawma sertan lo mi hmêlmak ieng ang khawm Israel thlahai laia lo um ta khawm chu, ka hmun inthienga chun a lût ding a ni naw a.

EZEKIEL 48:35

A vêl chun tawng sîng khat sâng riet nîng a ta; chu khawpui hming chu chu nia inthawk chun, “Jehova Samma nîng a tih,” tiin.

DANIEL 11:45

Chun, a lal chêngna puon in chu tlâng inthienga tuipui inkâra chun kei a ta; nisienlakhawm, a tâwpna tlung tho a tih, tukhawma ama chu an ṭhangpui si naw a.

DANIEL 9:16

Aw Lalpa, i felna ang peiin i lunginsenna le i ṭiumna chu i tlâng inthieng, Jerusalem i khuoa inthawk chun, ka hni che hi, herhmang ni raw se. Kan suolnahai lei le, kan thlatuhai khawhlonahai lei chun Jerusalem le i mihai chu kan vêla mi po pohai hrilinsîm kan lo ni ta hi.

JOEL 2:27

Chun, Israelhai lai hin ka um ti le, Lalpa in Pathien ka na, tu dang khawm an um nawh ti hrieng in tih; ka mihai chu muolpho nâwk ta naw ni hai.

JOEL 3:21

Chun, an thisen ka isâwpfai naw chu sâwpfai ka ta, Lalpa chu Ziona chun a chêng zing si a.”

MIKA 4:7

kebai chu hlâbîkah siem ka ta, hlataka hnawt hmanga um chu hnam hrâttakah siem ka tih: tuta inthawk chu Zion tlângah kumkhuoin Lalpa chun an chungah ro rêl a tih.

NAHUM 1:15

Tlânghaia chanchin ṭha intluna, inremna thu tlânginsampuituhai ke chu en ta! Aw Juda, i ruoiṭhenahai chu inser la, i thutiemhai chu sukpuitling rawh; mi rilo chun a pal thleng nâwk ta âwm si naw che a, sukbohmang dêr a ni ta a nih.

ZEKARIA 8:3

Lalpa chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai Lalpa tlâng chu, ‘Tlâng inthieng,’ ti nîng a tih,” tiin.

THUPUONGSUO 21:27

Nisienlakhawm, thil inthiengnaw hrim lût dêr naw ni a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.