JOEL 2:5 - Pathien Lekhabu Inthieng (BSI)

⁵ Indona tawlailîr ri angin tlâng chunga chun an kat sup sup a, pâwl kâng chawk dur dur ang le indonaa mipui hrâttak inzosa angin.

JOEL 2:5 Iomraidhean Croise

JOB LEKHABU (THE BOOK OF JOB) 39:20

Ama chu khâuṭhikṭhi anga inchâwm thei dingin i siem am a nih? A hnârkhâwng dut dut ṭiumzie dâm hi?

FESUOKNA 5:12

Chuongchun, mipuihai chu Aigupta ram sûng po poa chun bupâwl aiah bu kûng la khâwm ding chun an indar ta sup sup a.

ISAI 30:30

Chun, Lalpa chun a râwl ropuitak chu inhriettir tâng a ta, a lunginsenna nasatak le thil kânghmang meichawkin, thlipui le ruopui le rielin, a kut thlâk dân chu inentir tâng a tih.

ISAI 5:24

Chuleiin, meichawkin bupâwl a liek hmang duok duok hlak ang le, hlohna ṭâwl chu meichawka a tlu zawt zawt angin an zung chu hmawnna angin um a ta, an pâr chu pilvut angin intung lui lui a tih; sipaihai Lalpa dân chu an dit naw a, Israelhai Mi Inthieng thu chu an ngainêp leiin.

JEREMIA 50:42

Anni chun thalngul le fei an chawi a; an rilo hle a, lunginsietna an nei nawh; an râwlhai chu tuisuoriet angin ân rûm a, sakawr chungahai chun an chuong a; Aw Babulon naunu, nangma chunga chun, indonaa mi angin, mi tin chu an intlar a nih.

MATTHAI 3:12

A kutin a leipup a chawi a, a hrizâwl zâp fai hieu a ta, a pangah a bû hlûng a ta, a si ruok chu mei rêm thei lovin râw hmang a tih,” a ta.

THUPUONGSUO 9:9

Thîr âwmphaw ang hi âwmphaw an nei a; an thla zâp ri chu indona tawlailîr ri, sakawr tamtak indo dinga tlân dur dur ri ang a nih.