JOEL 2:3 - Pathien Lekhabu Inthieng (BSI)

³ An hmatieng chu meiin a kâng fai a, an hnungtieng meichawkin a hlieu bawk a; an hmaa ram chu Eden huon ang a nih; an hnungtieng chu thlalêr ram ṭâwl a nih, iengkhawmin chuong chu an pumpel ta nawh.

JOEL 2:3 Iomraidhean Croise

INṬANNA 13:10

Chuongchun, Lota chu a dâk suok a, Zoar pan zâwng chun, Jordan phaizâwl po po chu Lalpa huon ang, Aigupta ram ang khan ram tina tui um furna hmun a nih ti a hriet a, Lalpain Sodom le Gomorra a suksiet hma kha a ni si a.

INṬANNA 2:8

Chun, Lalpa Pathienin saktieng Edena chun huon a siem a; a mihriem siem chu chutaka chun ân umtir a.

INPÂKNA HLABU 50:3

Ei Pathien chu hung a ta, to zing naw nih: A hmatieng chun mei kâng dur dur a ta, A vêla chun thlipui nasatak hrâng bawk a tih.

INPÂKNA HLABU 97:3

A hma tieng chun mei a fe a, A vêla ama dotuhai chu a kâng hmang hlak.

FESUOKNA 10:15

A ram pumpui chu an dâp khup el si a, ram chu ân thim khup el bawk a; rama hna hring tinrêng le, thing rahai, riel ihlahai chu an fâk ta ngei a; Aigupta ram pumpuia chun loa thlaihna, thing le thil a hring hrim a um ta dêr naw a.

FESUOKNA 10:5

hnuoi chung po po chu a dâpin hung dâp an ta, hnuoi chu mi hmu theilo khawp hielin um a tih. Riel isuksietnaa i la chang a mahla la umhai chu fa vawng an ta, i ta dinga loa thing mâwng tinrênghai khawm chu fa vawng bawk an tih.

ISAI 14:17

khawvêl thlalêr anga siem a, a khaw umhai sukbohmang a, a salhai an in tienga fe dinga insuo ngailo chu,’ tiin, i chanchin la sût an tih.

ISAI 15:6

Nimrim tuihai chu suksietin a um ding a ni si a; hlobet chu a vuoi zo a, hlobet inder thar chu a rawp a, thil hring rêng rêng chu a um ta si naw a.

ISAI 33:4

In sum râllâka lâk ding chu thilhringin thil an thak khâwm sup sup ang hin thak khâwmin um a ta; khâuṭhikṭhihai an inchâwm sup sup ang hin annirawi chu sum chunga chun inchâwm sup sup an tih.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 9:18

Rîtlona chu mei angin a chawk dur dur hlak si a, buor le hlohlingneihai chu a kâng hmang hlak; anih, ramhnuoi thing bitna hmunahai chun a kâng dur dur a, a khu ân tung ngut ngut hlak.

ISAI 9:19

Sipaihai Lalpa lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

JEREMIA 5:17

Anni chun i lohma suok le i bu fâng an ta, i naupasalhai le i naunuhmeihai fâk ding ngei chu; berâm ruolhai le i bâwng ruolhai chu fa zo vawng an tih; i theichang kûng hai le i grêphruihai chu fa zo an ta, i khawpui kulneihai kâwlhnâm le i în hnêmnahai chu sukchim an tih.

EZEKIEL 36:35

Anni chun, ‘Ram râusana lo um ta hi, Eden huon ang a hung ni nâwk a; khawpui se tah, suksieta um taa râusana um tahai khawm chu hluo an ni tah,’ tîng an tih.

AMOS 7:4

Hieng ang hin Lalpa Pathien chun a mîn entir a; chun, en ta u, Lalpa Pathien chun meia do dingin a ko a; mei chun tui inthûk lien chu a kâng vawng a; ram khawm chu a kâng zo mêk bawk a.

HABAKKUK 1:6

Ngai ro, Kaldaihai kân ngîr suok a nih, Hnam ti rawk rawk le khatak elhai chu. Anni chu, anni ta khawm ni lo umna hmunhai chu, Nei dingin hnuoi khang dâpin an hung a.

ZEKARIA 7:14

amiruokchu, an la hriet ngailo hnam po po laia chun thlivirin anni ka sukdar ta a. Chuongchun, ram chu râusanin a um ta a, tukhawm an fe thlengin an kîr nâwk ngai ta naw a: ram duthusâm tak chu râusanah an siem ta leiin.