JOEL 2:26 - Pathien Lekhabu Inthieng (BSI)

²⁶ Tamtak nei in ta, tlai in tih, maktaka ngaituo hlaktu cheu Lalpa in Pathien hming chu inpâk in ta, ka mihai chu muolpho hrim hrim naw ni hai.

JOEL 2:26 Iomraidhean Croise

INṬANNA 33:11

Pathienin a mi lunginsiet a, ka nei ṭeu leiin lunginsiettakin ka thil hung pêk che hi chu pawm rawh,” a ta. Chuong ang chun a thlêm a, ama chun a pawm ta a.

NEHEMIA 9:25

Kulnei khawpuihai le ram ṭhatak takhai chu an lâk a, thilṭha tinrênga sip inhai chu an hluo a, tuikhur huotsa hai, grêp huonhai, oliv huon dâm, thei kûng tamtakhai chu an nei a; chuongchun, an fâk a, an khawp a, an hung thâu a, i ṭhatna nasataka chun nuom an chên a.

INPÂKNA HLABU 103:5

I bau chu thil ṭhain a sukkhawp hlak a; chuongchun, i tleirâwlna chu mupui anga siemtharin a um nâwk hlak.

INPÂKNA HLABU 116:7

Aw ka hringna, i châwlnaa chun kîr nâwk rawh, Lalpa chun i chungah ṭhatakin a thaw ta si a.

INPÂKNA HLABU 13:6

Ka chunga ṭhataka a thaw ta leiin, Lalpa chawimawiin hla sak ka tih.

INPÂKNA HLABU 22:26

Thuhnuoirawlhai chun fâng an ta, tlai an tih: Ama zawngtuhai chun Lalpa chu inpâk an ta, An lungril chu kumkhuoin hringin um raw se.

INPÂKNA HLABU 37:19

Hun ṭha nawah muolpho naw ni hai a, Ṭâm kumahai khawm khawp an tih.

INPÂKNA HLABU 67:5

Aw Pathien, mi tinin inpâk sienla che, Mi tinrênghai chun inpâk raw hai se che.

INPÂKNA HLABU 72:18

Lalpa Pathien, Israelhai Pathien chu inpâkin um raw se, Ama chau hin thilmak a thaw hlak a.

THUVARHAI 13:25

Mi fel chun a lungrila a dittâwkin a fâk hlak a, Mi khawhlo phîng ruok chu tlasam a tih.

HLAHAI HLA 5:1

Ka farnu, ka huona chun ka hung ie, ka mo, Ka riminhnik leh ka murra chu ka lâk khâwm a; Ka khuoizu le ka khuoithlâr chu ka fâk a; Ka bâwng nênetui leh ka uoin chu ka dâwn tah. Aw ruolhai, fa ta u, Dâwn unla, dâwn ṭeu ro aw hmangaitak.

ISAI 25:1

Aw Lalpa, nang chu ka Pathien i na; chawimawi ka ti che a, i hming inpâk ka tih; thil maktak, inhmaa remruothai chu, ringumtak le thutakin i thaw si a.

ISAI 29:22

Chuleiin, Lalpa, Abraham intlantu chun, Jakob sûnghai chungchâng thuah hieng ang hin a tih, “Jakobhai chu tuhin chu muolpho ta naw ni hai a, an hmai chu dâng ta bawk naw ni.

ISAI 45:17

Israelhai ruok chu kumkhaw sandamnaah, Lalpa sandamin um an tih: chatuon chen khawmin muolphoin inzak naw ti niu.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti che a; i kea pilvut chu liek an tih; chuongchun, kei hi Lalpa ka ni hung hre el i tih; a mi nghâktuhai chu muolphoin um naw ni hai.

ISAI 54:4

Ṭi naw, i muolpho âwm si naw a; beidawng bawk naw, muolphoin i um âwm bawk si naw a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si naw a.

ISAI 55:2

Bu ni si lovah ieng dinga tangka in sêng am a na? Khawp le tlaina ni si lovah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

LEVI DÂN 25:19

Ram chun ra insuong a ta, tlaitakin chên in ta, thlamuongtakin in va khawsa ding a nih.

LEVI DÂN 26:26

In ifâk tak bei ka sukchatpêk pha cheu chun, nuhmei sâwmin urna pakhatah ur an ta, in bei chu bûk chie peiin pe nâwk an ti cheu; fâk chu fâng in ta, khawp chu khawp naw ti niu.

LEVI DÂN 26:5

In hrizâwla bu chun grêp lo hun man phâk a ta, in grêp lo hun chun thil chîng hun man phâk a ta; in bei chu tlaitakin chên in ta, in rama hin thlamuongtakin khawsâng in tih.

MIKA 6:14

Fâk chu fâng i ta, nisienlakhawm, khawp naw ti ni; i kuoma chun i tlâwmna chu um a ta, sawn i ta, nisienlakhawm, himin thak hmang naw ti ni; i fe hmangpuihai khawm chu kâwlhnâmah pe suok tho ka tih.

ZEPHANIA 3:11

Chu nia chun i thil thawhai po po, ka chunga i bawsietnahai lei chun inzak ta naw ti ni a; nanga sûnga inthawkin nasataka nang chapopuituhai che chu ka lâk suok ding a ni ta si a; chuongchun, ka tlâng inthienga chun chapo ta ngai hrim hrim naw ti nih.

ZEKARIA 9:15

Sipaihai Lalpa chun anni chu hliekhûng a ta; chun, fa zo an ta, vailungdêngin hnêng an ta; chun, dâwn an ta, uoin inrui angin risie siem an ta, mâichâm kilhai ang le thlêngkûmhai anga suksip nîng an tih.

ZEKARIA 9:17

A ṭhatna chu a va nasa lâwm lâwmin, a mawina chu a va nasa lâwm lâwm de aw! bu chun tlangvâlhai chu sukhlim a ta, uoin thar chun nunghâkhai chu sukhlim a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:11

Pathien Lekha Thuin, “Tûkhawm ama ring taphawt chu muolpho naw ni hai,” a ti a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:5

Chun, Thlarau Inthieng ei kuoma a mi pêk khan Pathien hmangaina chu ei lungrilah a hung buok ta leiin beiseina chun a mi sukbeidawng naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:33

“Ngai ta, Ziona chun Tlûkna lung le, Dangna lungpui ka sie a; Tûkhawm ama ring taphawt chu Muolpho naw ni,” tia ziek ang khan.

DÂN PAHNINA 11:15

In ranhai ta dingin in rama hlohna khawm inumtir bawk ka ta, nangni khawma fâng in ta, tlai in tih.

DÂN PAHNINA 12:12

Lalpa in Pathien hmaa chun hlimtakin um in ta, nangni le in naupasalhai le, in naunuhmeihai leh, in suokpahai leh, in suoknuhai leh in khuohaia um Levi mihai leh, anni chun nangni lai chanvo le ram an nei ve si naw a.

DÂN PAHNINA 12:18

Lalpa in Pathienin hmun a la ruot dingah, Lalpa in Pathien hmaah in fâk lem ding a nih, nangni le in naupasalhai le in naunuhmeihai le in suokpahai, in suoknuhai, in khuoa um Levi mihai leh; Lalpa in Pathien hmaah in kut rasuok taphawtah hlimtakin in um ding a nih.

DÂN PAHNINA 12:7

Chutaka chu, Lalpa in Pathien hmaa chun fâng in ta, in kut rasuok Lalpain mal a sâwmna cheua chun hlimtakin in um ding a nih, in sungkuoin.

DÂN PAHNINA 8:10

In fâka in tlai hle pha chun, ram ṭhatak a pêk cheu lei chun Lalpa in Pathien chu inpâk in tih.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat lova, thil po po lâwmna dinga mi petu Pathien chunga chun innghat lem dingin kâwk rawh.

1 JOHAN 2:28

Chuongchun, nauhai, amaah um zing ro; chuongchun, ama chu hung inlâr sien khawm, a hungin a hmaah inzak lovin huoitakin um thei ei tih.