JOEL 2:23 - Pathien Lekhabu Inthieng (BSI)

²³ Nangni Zion nauhai, lâwm ro, Lalpa in Pathiena chun hlim ro; ruo hmasa chu inkhi chiein a pêk si cheu a, in ta dingin ruo ân sûrtir a, thla khatnaa ruo hmasa le ruo nuhnung chu.

JOEL 2:23 Iomraidhean Croise

1 LALHAI 8:36

nangin vâna inthawkin lo ngai la, i siehlawhai le i mi Israelhai suolna hi ngaidam la, an fena ding lampui ṭha khîkhmu pei la, chun, i mihai an rochan dinga i pêk rama hin ruo hung insûrtir bawk la.

JOB LEKHABU (THE BOOK OF JOB) 33:23

A kuoma chun vântirko um sienla, Palai, sâng khat laia pakhat chu, Mihriem kâwla ama ta dinga ân dik chu inentir dingin;

JOB LEKHABU (THE BOOK OF JOB) 37:13

A hnuoi ta dingin amanih, sukdikna lem dingin amanih, Annawleh, zângaina leiin amani a hungtir hlak a.

INPÂKNA HLABU 104:34

Ka ngaituona hi ama ta dingin thlumtak ni raw se, Kei chu Lalpaa chun hlim ka tih.

INPÂKNA HLABU 147:8

Ama chun vân khi sûm ân zâm hlietir a, Leihnuoi ta dingin ruo a buotsai a, Tlângahai chun hlobet ân mâwngtir hlak.

INPÂKNA HLABU 149:2

Israelhai chu anni siemtu chunga chun lâwm hai sienla, Zion nauhai chu an Laltak chunga chun hlim raw hai se.

INPÂKNA HLABU 28:7

Lalpa chu ka hrâtna le ka phaw a na, Ka lungril hin ama chu a ring a; chuongchun, sanin ka um a, Chuleiin, ka lungril hi nasatakin a hlim a, Ka hla chun ama inpâk ka tih.

INPÂKNA HLABU 32:11

Mi felhai, Lalpaah chun hlimin lâwm unla, Lungril indiktak put po pohai, hlimin khêk ro.

INPÂKNA HLABU 84:6

Ṭapna ruom chu an hraw laiin tuihnâr umnahaiah an siem hlak a, Anih, ruotui tla hmasa chun malsâwmnain ân khum hlak.

THUVARHAI 16:15

Lal hmêl vara chun hringna a um a, A ditsakna chu ruo nuhnung sûm ang a nih.

ISAI 30:21

chun, changtienga kal in chawiin amanih, vawitienga kal in chawiin amanih, hnungtienga thu, in nain, “Hi hi lampui a nih, hitaka hin fe ro,” ti hre pei a tih.

ISAI 30:23

Chuongchun, ama chun in bu chi hnuoia in tu ding ta ding chun ruotui chu pêng a ta; hnuoia thil mâwnghai chu bu dingin pêng a tih; chu chu ṭhatak, hlâwktak nîng a ta, chu nia chun in ranhai chu ran tlatna hmun lientakahai chun tlâng an tih.

ISAI 41:16

Zâp in ta, thliin mût lêng a tih, thlivir chun sukdar a tih; chun, nangni chu Lalpaa chun lâwm in ta, Israelhai Mi Inthieng chu la suong in tih.

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

JEREMIA 3:3

Chuleiin, raw sûrhai chu cheltâng an na, ruo nuhnung tieng chu a um ta naw a nih; Chuongsa khawm chun nawchizawr hmâichang i put a, inzak i tum dêr si naw a.

JEREMIA 5:24

An lungril khawma, “Lalpa ei Pathien, a huntaka ruo hmasa le nuhnung petu, ei ta dinga busîk hun haptahai mi ruotpêktu chu ṭing ei tiu,” khawm an ti dêr nawh.

ṬAP HLA 4:2

Zion naupa hlutakhai rângkachak inthieng le hrilkhi theihai chu, Iem a tia bêlhemtu kuta siem, pil bêlhai ang chaua ngainat an ni el chu!

EZEKIEL 34:26

Chun, ka tlâng sîra hmunhai le anni chu malsâwmah siem ka ta; ruohai khawm a huntakah hung insûrtir ka ta; malsâwmna ruohai sûr hlak a tih..

HOSEA 6:3

Lalpa hrietna chu hnawt pei ei tiu khai, hrieng ei tiu; Zîng khawvar anga inkhêl ruol lovin ân thawk suok ngei hlak; Ei kuomah ruo angin, ruo nuhnung, hnuoi sukhûtu ang elin hung tlung a tih,” tiin.

LEVI DÂN 26:4

ruotuihai chu a huntakah intlâktir ka ta, hnuoi chun a ra insuong a ta, rama thinghai chun ra insuong an tih.

AMOS 4:7

“Chun, bu sîk hun ding thla thum a la ni laiin in chunga ruo sûr ding khawm ka chel a, khawpui pakhat chungah kân sûrtir a, khawpui dang chungah kân sûrtir naw a; hmun khat chungah a sûr hlak a, a sûr nawna hmun chu a ṭâwl hlak.

ZEKARIA 10:1

Lalpa kâwlinlephai siemtu ngei chu, Lalpa kuoma chun ruo nuhnung huna hin ruo ngên ro; chun ama chun ruopui sûr chu pêng a tih, loa thlaihna tin kuoma chun.

ZEKARIA 10:7

Chun, Ephraimhai kha chu mi thilthawtheitak ang nîng an ta, uoin leiin an lungril chu hlim a tih; anih, an thlahai chu hmûng an ta, lâwm an tih; an lungril khawm chu Lalpaa chun lâwm bawk a tih.

ZEKARIA 9:13

Ka thalngul dingin Juda chu ka kuoi a, Ephraim chu a thalah ka siem a; Aw Zion, i naupasalhai chu i naupasalhai chunga ngei chun ka chawktho ding a nih; aw Grik, mi hrâttak kâwlhnâm angin siem ka ti che.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

THILTHAWHAI 14:17

Nisienlakhawm, ama inhriettirna um lovin ân siem ngai nawh. Chuongchun, thil a thaw ṭha hlak a, vâna inthawka ruohai le kum ṭhat kumhai a pêk cheu a, in lungril fâk ding le lâwmnain a suktlaipêk hlak cheu kha,” an ta.

DÂN PAHNINA 11:14

in ram ruotui chu a huntakah, ruotui tla hmasa le ruotui tla nuhnung chu pêng ka ti cheu a, chuongchun, in bu dâm, in uoin dâm, in hriek dâm sîk khâwm thei in tih.

DÂN PAHNINA 28:12

Lalpa chun a huntaka in ram châwm ding ruotui pe ding cheu le, in kutsuok po po malsâwm dingin vân, a robâwm ṭha chu hawngpêk a ti cheu a; chuongchun, hnam tamtak inpûktir in ta, nangni ruok chun pûk naw ti niu.

DÂN PAHNINA 32:2

Ruotui angin ka thu chu sûr a ta, Dâidâw angin ka thu chu far a tih; Hlobet innotak chunga ruo ang le, Hlohna chunga ruomuolkhawi angin.

PHILIPPI 3:1

A tâwp taka chun, unauhai, Lalpaa chun lâwm ro. Thu pângngai in kuoma ziek rawp hi keia ta ding chun nghawkum a ni nawh, nangni ta dingin a ṭhahnem bawk si a.

PHILIPPI 3:3

Eini Pathien Thlarau zâra Pathien bie le, Krista Isu suong le, taksa chunga ringna innghat nawhai hi, Sertanhai ei ni lem si a.

PHILIPPI 4:4

Lalpaa chun lâwm rawp ro, ti nâwk hlak ka tih lâwm ro. In dawtheizie mi po po hriet ni raw se.