JOEL 2:21 - Pathien Lekhabu Inthieng (BSI)

²¹ Aw ram, ṭi naw la, hlimin lâwm rawh, Lalpa chun thil ropuitakhai a thaw ta si a.

JOEL 2:21 Iomraidhean Croise

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

INPÂKNA HLABU 71:19

Aw Pathien, i felna khawm ân sâng êm êm a nih, Aw Pathien, nang thil ropuitakhai thawtu, Nangma ang hi tu am an um a?;

INPÂKNA HLABU 98:8

Tuilienhai chun an kut ben sienla, Tlânghai chu hlimin Lalpa hmaa chun hla sak tâwl rawhai se.

ISAI 35:1

Thlalêr le ram inril chu lâwm a ta; ram ṭâwl chu hlimin phûlpâr pâr angin pâr a tih.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 44:23

Aw vânhai, hlimtakin hla sak ro, Lalpain chu chu a thaw ta si a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: Lalpa chun Jakobhai chu ân tlan ta a, Israelhaia chun ân chawimawi ding a ni si a.

ISAI 54:4

Ṭi naw, i muolpho âwm si naw a; beidawng bawk naw, muolphoin i um âwm bawk si naw a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si naw a.

ISAI 55:12

Hlimtaka suokin, lungmuongtaka ṭhuoi suokin in um ding a ni si a, tlâng lienhai le tlâng chînhai chun in hmaah hla sak suok phut an tih, phûl thing po pohai chun an kut ben bawk an tih.

JEREMIA 33:3

Kei mi hung ko la, lo dawn ka ti che a, thil ropui le inthup i hriet naw hai chu inentir ka ti che.

HOSEA 2:21

Chu ni chun, Lalpa chun a tih, Vânhai bieng ka ta, annin hnuoi bieng an tih;

JOEL 2:20

amiruokchu, in kuoma inthawkin hmârtieng sipai ruol chu sawnhmang dai ka ta, ram ṭâwl le râusannaah infetir ka tih, a hmasa pâwl saktieng Tupuiah, a nuhnung pâwl thlangtieng Tupuiah; hung ṭhuoi suok a ta, rimsetakin hung innam a tih, thil nasatak a thaw ta leiin.

JOEL 2:26

Tamtak nei in ta, tlai in tih, maktaka ngaituo hlaktu cheu Lalpa in Pathien hming chu inpâk in ta, ka mihai chu muolpho hrim hrim naw ni hai.

ZEKARIA 8:15

chuong ang tak chun, hieng nihaia hin Juda insûng le Jerusalem chunga hin thil ṭha thaw ka lungril a nih, ṭi dêr naw ro.

DÂN PAHNINA 4:32

“In pieng hma, kha hma tieng kha hang ngaituo unla, leihnuoia Pathienin mihriem a siema inthawk vânkhuphnuoia hieng anga thil ropui hi a um hlakin, hriet khawm a ni hrim hlak am chu?

1 SAMUEL 12:16

Chuongchun, ngir ṭhap unla, Lalpain in mithmua thil ropuitak a thaw ding hi lo en ro.

1 SAMUEL 12:24

Lalpa chu ṭi phawt el unla, in lungril po poin titakzetin a rawng bâwl unla, in ta dinga thil a thaw ropuizie hi ngaituo ro khai.