JOEL 2:20 - Pathien Lekhabu Inthieng (BSI)

²⁰ amiruokchu, in kuoma inthawkin hmârtieng sipai ruol chu sawnhmang dai ka ta, ram ṭâwl le râusannaah infetir ka tih, a hmasa pâwl saktieng Tupuiah, a nuhnung pâwl thlangtieng Tupuiah; hung ṭhuoi suok a ta, rimsetakin hung innam a tih, thil nasatak a thaw ta leiin.

JOEL 2:20 Iomraidhean Croise

2 LALHAI 8:13

Chun, Hazael chun, “Kei i siehlaw ui mei mei hin chuong ang thil nasatak chu hang thaw thei zie am ka nih?” a ta. Chun, Elisa chun a dawn a, “Suria mihai chunga hin i lân lal ding a nih ti Lalpain a mîn hriettir a nih,” a ta.

INPÂKNA HLABU 126:3

Lalpa chun thil ropuitakhai a mi thawpêk a, Ei lâwm hle a.

FESUOKNA 10:19

Lalpa chun khâuhai po po chu lêna, Tuipui Sena khal lût vawngtu, thlang tieng thli hrâttak el chu ân hrângtir ta a, Aigupta ram po poa chun khâu pakhat khawm a um ta naw a.

FESUOKNA 8:14

A bûm bûmin an inkhâwm a, ram chu a thûkin a thu a.

ISAI 34:3

Anni laia thata umhai chu pei suokin um an ta, an ruong rimsie chu innam vut vut a ta; tlânghai chu an thisen suktuiin um a tih.

EZEKIEL 47:18

Saktieng panga chun, Hauran le Damaska le Gilead le Israel ram inkâra chun, Jordan chu um a ta; hmârtieng ramria inthawk chun saktieng tuipui chen chu inkhi ding a nih. Hi hi saktieng chu nîng a tih.

AMOS 4:10

“Aigupta ram angin nangni lai hripui ka tir a, kâwlhnâmin in tlangvâlhai chu ka that ta a, in sakawrhai ka ṭhuoi hmang tah a nih; chun, in sipai hmun rimsie chu hnâra innam khawpin kân umtir a, chuong khawm chun ka kuomah in hung kîr nawh,” Lalpa chun a tih.

ZEKARIA 14:8

Chun, chu nia chun tui hringhai Jerusalema inthawkin hung suok a ta; a chenve chu saktieng tuipuiah, a chenve chu thlangtieng tuipui-ah, nipui lai le thlasik huna khawm a ni ding a nih.

MALAKI 3:11

Chun, nangni lei chun a fa zotuhai chu hal ka ta, in leilunga rahai hrim hrim chu sukse dêr naw ni; chun, in loa in grêphrui khawm chun a hun hmain a ra chu sukṭil dêr naw ni, sipaihai Lalpa chun a tih.

DÂN PAHNINA 11:24

In kephaa in sirna taphawt chu in ta nîng a tih, thlalêra inthawk le Lebanon tlânga inthawka vadung, Euphrates vadunga inthawk chun thlangtieng tuipui chenin in ram nîng a tih.